« ለቅኔ ለዜማ ቤት ዝቅ ማለት ተገቢ ነው።እንደዛ ካልሆነ ዜማውን አታገኝም።»
አበበ ብርሃኔ(የግጥም እና የዜማ ደራሲ)

#Ethiopia | ከ300 በላይ የሙዚቃ አልበሞች ላይ የተሳተፈው ፤ከሶስት አስርት ዓመታት በላይ እያስቆጠረ ባለዉ የሙዚቃ ህይወት ጉዞው ለበርካታ አንጋፋ እና ወጣት ድምፃውያን ግጥም እና ዜማዎችን የሰጠው አበበ ብርሃኔ የዜማ አሻራውን በብዛት ያሳረፈበትን የወጣቱ ድምፃዊ አህመድ ማንጁስ «አልጣሽ» አልበምን መነሻ በማድረግ ከኤፍ ኤም አዲስ 97.1 መሰንበቻ ፕሮግራም ጋር ቆይታ አድርጓል።

👉« አልበም ላይ አንድም፤ስድስትም፤አስርም ዜማ መስራቴ ለእኔ እኩል ነው።ዋናው ነገር ለተዘጋጀው አልበም የምሰራው ስራ ውበት አለው ወይ? የሚለው ላይ ነው ትኩረት የማደርገው ፡፡»

👉« ከአህመድ ማንጁስ ጋር ግንኙነታችን የጀመረዉ እሱ የተስጥኦ ውድድርን አሸንፎ በንጋታው እኔ ቤት መጣ።ቁጭ አለ የሆነ ረሀብ፤ጉጉት ያለው ስሜትን ይዞ ነበር የመጣው። እንደ መጀመሪያ ልቤ አቃተዉ የሚለውን ነጠላ ዜማን ሰራን፡፡»

👉 «አልበም እፈልጋለሁ ግን እንዴት ነው የሚሰራው?  ሲል ጠየቀኝ። ከአይድል የሚመጡ ብዙዎቹ  ዘፋኞች የሚጠይቁት ጥያቄ ነው።አንተ አትጨነቅ እየሞከርን እናየዋለን ብዬ አልጣሽ አልበም ጥንስሱ ተጀመረ፡፡»

👉« በስሟ እየማልኩ የተሰኘውን ሙዚቃ የሰራነዉ ማንጁስ ብዙ ጊዜ  አሚና ትሙት እያለ ሲምል ሰማቼ የሰራሁት ነው።አሚና እናቱ መስላ ነበር  የታየችኝ ነገር ግን ኮምቦልቻ ለስራ ስንሄድ እህቱ እንደሆነች ነገረኝ ።የዚህ ሙዚቃ መነሻ ይህ ነው፡፡»

👉 «አልጣሽ ሙዚቃ ለዳዊት ፅጌ የተሰራ ዜማ ነበር።ጎሳዬም ድንገት ደውሎልኝ  ይህን ዜማ ሰምቶት ወዶት ነበር።በአጋጣሚ ማንጁስ ከኮምቦልቻ መልስ ሞባይሌ ውስጥ ለማሳያ(ሳምፕል) ከተቀረፁ  ዜማዎች ውስጥ አልጣሽን ሰምቶ ወደደው እና ተሰራ፡፡»

👉 «ከግጥምና ዜማ ደራሲው ይልማ ገ/አብ ጋር በተለያዩ አጋጣሚዎች አብረን ሰርተናል። አሁንም እየሰራን ነው።ለይልማ ዜማ መስጠት አቅቶን ይሆናል እንጂ ዜማ ሰተህው ብዕሩ የሰላ አይደል? በዚህ እድሜው ያለዉ ብስለት ያስገርማል፤ እኔ እንደውም እችላለሁ ወይ ለእሱ የሚመጥን ስራ ብዬ እጨነቃለሁ፤''አልጣሽን፤በስሟ እየማልኩ''ን ጨምረን ሰጠነው ከይልማ ጋር መስራት መባረክ ነው፡፡»

👉 «የፍቅር አዲስ  አልበም እየተዘጋጀ ነው። አዲስ ሁላችንንም ምሳ አብላታ ተንከባክባ፤ይቅናችሁ ብላ፤ለስራ ምቹ ሁኔታ ፈጥራ የተሳኩ ስራዎች እንዲሰሩ ታግዘናለች፤ከራሷ ስራ በላይ፤የምታርመው እርማት፤የምትሰጠው አስተያየት ጠብ አይልም።»

አበበ ብርሀኔ በብዙዎች የሚባለውን ''አመለሸጋነት፤ትሁት፤ሩህሩህ'' መሆንህ መነሻው ምን ይሆን?  ተብሎ ሲጠየቅ ይህን በሏል፡፡

👉« ዜማ ማለት በጣም ረቂቅ ነገር ነው፤ ከወጣ በኃላ ዝም ብለን ስንሰማው ያለው ስሜት ነዉ እንጂ ያንን ዜማ ለማምጣት የተደረገው ጎንበስ ቀናን ልነግርህ አልችም እና ለዜማ ፣ለቅኔ ቤት ዝቅ ማለት ተገቢ ነው።እንደዛ ካልሆነ ዜማውን አታገኝም፡፡

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://t.me/waliyaentmt

#Waliya_Entertainemnt #Music #Ahmedmanjus #abebebirhane

ቢዮንሴ በግራሚ ሽልማት የክፍለ ዘመኑ የመጀመሪያዋ ጥቁር ምርጥ የሃገረሰብ ሙዚቃ አልበም አሸናፊ ሆነች

#Ethiopia | አሜሪካዊቷ አቀንቃኝ ቢዮንሴ ጂሴል ኖልስ በግራሚ ሽልማት የ21ኛው ክፍለ ዘመን የመጀመሪያዋ ጥቁር ምርጥ የሃገረሰብ ሙዚቃ አልበም አሸናፊ ሆናለች።

ቢዮንሴ በ67ኛው ግራሚ ሽልማት በምርጥ የሃገረሰብ ሙዚቃ አልበም ዘርፍ አሸናፊ መሆን ችላለች።

በዚህም ከ1975 በኋላ በክፍለ ዘመኑ የመጀመሪያዋ ጥቁር የዘርፉ አሸናፊ ለመሆን በመብቃት ታሪክ ሰርታለች።

አቀንቃኟ “ካው ቦይ ካርተር“ በሚለው የሃገረሰብ ሙዚቃ አልበሟ ነው አሸናፊ መሆን የቻለችው።

በግራሚ በርካታ ሽልማቶችን ያሸነፈችው አቀንቃኟ ከዚህ ቀደም 4 ጊዜ ያህል የዓመቱ ምርጥ አልበም ዘርፍ ላይ ብትታጭም ሳታሸንፍ ቀርታለች።

ቢዮንሴ 35 የግራሚ ሽልማቶችን የተቀዳጀች ሲሆን ከማንኛውም የሙዚቃ ባለሙያ በበለጠ በግራሚ 99 ጊዜ በመታጨት ክብረ ወሰን መያዝ የቻለች አቀንቃኝ ነች።

ለምርጥ የሃገረሰብ ሙዚቃ አልበም ሽልማቱ ከ100 በላይ ድምጻዊያን ተፎካክረዋል፡፡

የ2025 የግራሚ የሽልማት ሥነ-ሥርዓትን ሚልዮኖች ተከታትለውታል።

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://t.me/waliyaentmt

#Waliya_Entertainemnt #Music #Beyonce

ተወዳጆቹ ድምፃዊያን የሚሳተፋበት ኮንሰርት መግቢያ ብሩ በጣም ውድ መሆኑ እያነጋገረ ይገኛል።

ግራቪቲ ኢቨንት በቅርቡ በተከፈተው ኖራ ሪዞርት ኤፍሬም ታምሩን ፣ ናቲ ማንን እንዲሁም አንዱአለም ጎሳን ጨምሮ ዛሬ እና ነገ ትላልቅ ባለሃብቶች በተገኙበት ያደርጋል። ይሄንንም ተመልክቶ ዋልያ ኢንተርቴይመንት በደረሰው መረጃ መሰረት የፕላቲኒየም ደረጃ መግቢያ 300ሺ ብር ፣ የጎልድ 150 ሺ ፣ ሲልቨር 98 ሺ ብር ሲሆን ዝቅተኛው መግቢያ 10 ሺ ብር እንደሆነ አጣርቷል።

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://t.me/waliyaentmt

#Waliya_Entertainemnt #Music #Ephrem_tamiru #nhattyman #andualemgossa

ተወዳጁ ሙዚቀኛ ንዋይ ደበበ በሙዚቃ አለም ቆይታው ውድ የተባለውን ሽልማት አገኘ።

በተለያዩ ተወዳጅ ስራዎቹ የሚታወቀው አንጋፋው ድምፃዊ ነዋይ ደበበ ከልጁ ሞት በኋላ በቅርቡ ጊዜ ወደ ሙዚቃ ስራው መመለሱ የሚታወቅ ሲሆን የሙዚቃ ስራውን ፓልሚ ላውንጅ በሚባል የመዝናኛ ቦታ እያቀረበ ባለበት ሰአት አቶ መኮንን ከሚባሉ ከአንድ አድናቂ ባለሃብት በሚሊየኖች የሚያወጣ ኪሎው ከፍ ያለ የወርቅ ሽልማት መሸለሙን ዋልያ ኢንተርቴይመንት ሰምቷል።

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://t.me/waliyaentmt

#Waliya_Entertainemnt #Music #Newaydebebe

ልጅ ሚካኤል 150,000.00 (አንድ መቶ አምሳ ሺህ ብር) ለመቄዶንያ ድጋፍ አደረገ።

በብዙዎች ዘንድ ተወዳጅነትን ያተረፈው የራፕ አቀንቃኙ ልጅ ሚካኤል ሰሞኑን በነበረው የመቄዶንያ የእርዳታ ማሰባሰቢያ ላይ 150 ሺ ብር ድጋፍ አደረገ።

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://t.me/waliyaentmt

#Waliya_Entertainemnt #Music #lijmic

አስቻለው ፈጠነ ለመቄዶንያ የሚውል ሙዚቃ ሊያበረክት ነው።

ተወዳጁ የባህላዊ ዜማ አቀንቃኙ አስቻለው ፈጠነ ለመቄዶንያ ገቢ የሚውል አዲስ ሙዚቃ እንዳዘጋጀ ትናንት ከሳሚዳን ጋር በነበረው የገቢ ማሰባሰብያ ፕሮግራም ላይ በቅምሻ ያሰማን ሲሆን ዛሬ ወይም ነገ እንደሚለቀቅ ነግሮናል።

ቤንኦን ነው ህይዐት የሃዘን ልጅ ለእናቱ
የራሔልን እንባ አጥቦ በፅናቱ

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://t.me/waliyaentmt

#Waliya_Entertainemnt #Music #aschalewufetene

ይድረስ ለድምፃዊት ሄዋን ገብረወልድ (ሔዋን አልበም)
(ተመስገን ኡካሬ የሐጌ ልጅ)

ወደ ኃላ ትውስታ አልበም ላስቃኛችሁ በዛውም ሁለተኛ አልበምዋ እንዲናፈቅ ያደረጉኝ ምክንያቶችን ነግራችኃለሁ፡፡ ይህ አልበም እንደ ተሰራው ልክ ያልተደመጠ ለድምፃዊት ሄዋን ገብረወልድ የምንጊዜም ማስተርፒስ የሆነ አልበም፡፡ እኔ በግሌ ይህ አልበም ከጥግ እስከ ጥግ ጥንቅቅ ተደርጎ የተሰራ አልበም ነው ባይ ነኝ፡፡

ሄዋን ገብረወልድ "ሄዋን'' አልበም በስሟ የሰየመችሁ የበኩር አልበሟን የዛሬ ሶስት አመት ገደማ እለተ ሐሙስ ግንቦት 25/2014 ነበር የተለቀቀው በዚህ አልበምዋ በውስጡ 11 ክሮች የያዘ ሲሆን ምን ይጠቅምሀል ፣ ሄዋን ፣ እንደኔ እንደኔ ፣ ሙነይ፣ ትፈለጋለህ ፣ ሼሙና ፣ አለም ፣ አስብበት እና የመሳሰሉት ይገኙበታል፡፡ በዛ ያሉ ስልተ ምቶች የተቃኙበት ሲሆን የሙዚቃ ጣዕም(ቴስት) እንድናጣጥመው ይረድቶናል፡፡ ሲ ሂፕሆፕ ፣ አፍሮ ቢት፣ ውሎ ቢት ፣ ዋልዝ ፣ ሬጌ-ሮክ ፣ አር ኤንቢ እና የመሳሰሉት ተሰርተዋል፡፡ ከሁሉም የደነቀኝ የፈጣራ ችሎታዋ እና ቫልዩ አድ(ከነበረው ዘፈን ላይ ፈጠራዊ ጭመራ) ማድረጓ ነው፡፡ በተጨማሪም ስሜቶች በአልበሙ ተንፀባርቀዋል ፍቅርን፣ ታሪክን፣የውስጥ ህመምን ፣መወደድን፣አብሮነትን፣መተሳሰብን ፣ ትውስታን ፣ ትዝታ ፣እነዚህን እና የመሳሰሉት ተንፀባርቀዋል፡፡እስኪየተወሰኑትን እንመልከት

#ምን ይጠቅምሀል…

"ሸርተት አለ ጎኔም ከዳው
ጎዳኝ መምሰል እንዳልተጎዳው
ሸፋፈንኩት እየተቀጣው
አንተን ላተርፍ ብዬ እኔን አጣው"፡፡

የራስን ህመም ደብቆ ለሌላው ድህሎት መመኘት በጉዳት ውስጥ ሌላን የማፍቀር ጥበብ ይገለጣል ስሜቶቹ በሙሉ የሚሄዱበት አቅጣጫ ለየቅል መስሎ መዳረሻው ግን አንድ ይሆናል፡፡ ግጥም ናትናኤል ግርማቸው ዜማ አንተነህ ወራሽ ቅንብር ታምሩ አማረ (ቶሚ) የሙዚቃ ስልቱ ዋልዝ የተረጋጋ ቀልብን ሰብሰብ የሚያደርግ ነው፡፡

#ሔዋን…

"ያጣሁት ያን ጎብል የገፋኝ ወጣቱ
ከፍቶ አይደለም በኔ ነው በልጅነቱ
ዞር በይ ዞር በይ ያለኝ የገፋኝ ከቤቱ
ማደጉን ፈርቶ ነው ወዶ ልጅነቱ"

ይህ የሙዚቃ ክር ሁለት ነገሮችን ተሸክሟል የመጀመርያው በአልበም ደረጃ የኔ ያለችውን በስሟ ሰይማ መምጣትዋ ነው ፡፡ ሁለተኛው 1830 ዓ.ም በአፄ ቴዎድሮስ ዘመነ መንግስት በጉራጌ ብሔረሰብ ትልቅ ገድል የፈፀመችሁ "ቃቄ ውርዶት" በሴቶችን ላይ የሚፈፀመው ጭቆና እና ግፍ ነፃ ያወጣች ድንቅ ሴት እሷን ታሳቢ ተደርጎ የተሰራ እንደሆነም ድምፃዊቷ ገልፃለች፡፡ የሙዚቃው ገጣሚ ዮሐና አሸናፊ ዜማ ሄዋን ገብረ ወልድ ቅንብር ዲጄ ሚላ በጉራጌ ቢት ከሽኖ ሰርቶታል፡፡

#ያምራል #ልጁ

ስመኝ ኖሬ እንኳን ስመኝ
በዓመት በዓል አገጣጥመኝ

ይህ ሙዚቃ ክር አንድን በህላዊ ስሜትን ይዞ አመት በአልን የሚያስታውስ ትውስታ ይዞ የመጣ ሲሆን የድምፃዊትን አስናቀች ወርቁን የሚያስታውስ የሙዚቃ ቅንብር አሰምታናለች የሙዚቃ መግቢያ እንደ እየሩስአሌም የተሰኘ የሙዚቃ ቅንብር ቅንጭቡን ወስደዋል፡፡ አንድም ታሪክን ለመግለፅ ባህላዊ የሙዚቃ ስልት ማስተዋወቅን የያዘ ነው፡፡ ግጥም ወንደሰን ይሁብ ዜማ አንተነህ ወራሽ ቅንብር ዲጄ ሚላ፡፡

በርካታ የሙዚቃ ከያኒያን ታሪካዊ አልበም ላይ ተሳትፈዋል፡፡ አብዛኛውን ግጥም በናትናኤል ግርማቸው የተሰሩ ሲሆን በቅንብሩ በኩል ዲጄ ሚላ አብዛውን ሰርቷል፡፡ ለመጥቀስ ያህል በቅንብሩ ዲጄ ሚላ ፣አቤል ጳውሎስ ፣ ሚካኤል ኃይሉ (ሚኪ ጃኖ)፣ ብሩክ ተቀባ እና ታምሩ አማረ (ቶሚ) ተሳትፈዋል፡፡ በግጥም ዜማ ናትናኤል ግርማቸው ፣ ቴዎድሮስ ካሳሁን ፣ ዮሐና ፣ ምረት አብደስታ ፣ ሄዋን ገብረወልድ ፣ አንተነህ ወራሽ ፣ ወንደሰን ይሁብ ፣ ይልማ ገብረዓብ ፣  በማስተሪንግ አበጋዝ ክብረወርቅ ሽዎታ ናቸው፡፡

ሁለተኛ አልበምሽን እንድንጠብቅ አድርጎናል፡፡ ስለ ሰጣችሁን ይንን የመሰለ አልበም እናመሰግናችኃለን፡፡

የሙዚቃ ዘጋቢ ተመስገን ኡካሬ የሐጌ ልጅ

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://t.me/waliyaentmt

#Waliya_Entertainemnt #Music #hewan

ሰበር
ድምፃዊ አብዱ ኪያር ከከባድ ጉዳት ተረፈ። የሊፍት ገመድ ተበጥሶ ወድቆ ነው ተብሏል። ድምፃዊው በፌስቡክ የሚከተለውን ፅፏል 👇

"ከባድ አደጋ ነበር።
ትንሽ የአጥንት መሰንጠቅ ከጉልበቴ በታች አጋጠመኝ። ዳኑ orthopedics ዶክተር ኤልያስ በአስገራሚ ብቃት አክሞኝ አሁን በጣም ጥሩ ነው ያለሁት። አልሓምዱሊላህ። Thank you so much Dr Elias, Dr Aida and all the Danu orthopedics team.

ብሏል።
እንኳን አተረፈህ የሀገር እንቁው ኤቢዲ 🙏 አላህ ጨርሶ ይማርህ 🙏

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://t.me/waliyaentmt

#Waliya_Entertainemnt #Music #abdukiar

የተወዳጁ ሙዚቀኛ ተፈሪ አሰፋ አስከሬን ዛሬ ሀገሩ ይገባል !!

#Ethiopia : ተወዳጁ ሙዚቀኛ ተፈሪ አሰፋ* በሀገረ አሜሪካ በሕክምና ላይ እንዳለ በድንገት ሕይወቱ ማለፉ ይታወሳል።

አስከሬኑ ዛሬ ረቡዕ የካቲት 12 ቀን 2017 ዓ.ም. ወደ ሀገሩ ይመጣል ። በነገው ዕለት ሐሙስ የካቲት 13 ቀን 2017 ዓ.ም. በኢትዮጵያ ብሔራዊ ቴአትር ከጠዋቱ 3:00 ጀምሮ የክብር ስንብት መርኀ ግብር ይከናወናል።

ከክብር ስንብቱ መርኀ ግብር በኋላ፣ ከቀኑ 6:30 ላይ በመንበረ ጸባዖት ቅድስት ሥላሴ ካቴድራል የቀብር ሥነ ሥርዓቱ ይፈጸማል።

በክብር ስንብት እና በቀብር ሥነ ሥርዓቱ ላይ በመገኘት ተወዳጁን ጥበበኛ ተፈሪ አሰፋን እንድንሰናበተው ኮሚቴው የአክብሮት ጥሪውን ያቀርባል። የሥነ ሥርዓቱ አስተባባሪ ኮሚቴ ።

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://t.me/waliyaentmt

#Waliya_Entertainemnt #Music #teferi

«አዲሱ አልበሜ ከፋሲካ በኋላ ይወጣል»

ድምፃዊት ዘቢባ ግርማ

ድምፃዊት ዘቢባ ግርማ ከሰሞኑ «መያዜን» የተሰኘ ነጠላ ዜማዋን  አቅርባለች። ኤፍ ኤም አዲስ 97.1 መሰንበቻ ፕሮግራም ከድምፃዊቷ ጋር ስለአዲሱ ስራዋ እንዲሁም ተያያዥ በሆኑ ጉዳዮች ዙሪያ ቆይታ አድርጓል።

👉 «መያዜን ቆንጆ ሙዚቃ ነው። አልበም ላይ የነበረ ሲሆን እዚህ ሙያ ውስጥ ከ''የኛ ''ጀምሮ ፤ ምን ልታዘዝ? ኢትዮጵያን አይድልን ጨምሮ በግል ስራዎቼ የሚወዱኝ የሚያደንቁኝ ለኔ ልዩ ፍቅር ያላቸዉ አድናቂዎቼ የሚሰጡኝ ሀሳብ አለ። ሁሉንም የማየው በመልካም ነው ምክንያቱም ሰርቼ ስለመጣሁ ስትሰራ ደግሞ ጥሩም ይሆን መጥፎ አስተያየቶች ካሉ መቀበል ይገባል፡፡»

👉 «መያዜ ሙዚቃ ከዓራት አመት በፊት የተሰራ ነው።አልበሜ ከተጀምረ አሁን አምስተኛ ዓመቱ ላይ ይገኛል።የተጠናቀቀው አልበሜ ላይ የተለያዩ ፈርጆች ይግባበት ሲባል ዲስኮ ቢኖረዉ በሚል ካሙዙ በሰጠው ጥቆማ የተሰራ ነው፡፡»

👉 «ከዚህ በፊት የሰራሁት "ስሜን" በስሙ የሰራሁት ሙዚቃ ነፍሰጡር ስለነበርኩ ለቤተሰቤ ማስታወሻ ፤ ለልጄ ለዮሚም ታሪክ፤ለባለቤቴም ምስጋና  በሚል የተሰራ ነበር።ከዛ መድረክ ላይ የሚያሰራኝን፤ለህዝብ የሚመጥን ሙዚቃ ለመስራት ሳስብ "መያዜን" ልሰራ ስል  ወለድኩ።በሶስት ወሬም የሙዚቃ ቪዲዮውን ሰራሁት፡፡»

👉 «በነገርህ ላይ በወሊድ ምክንያት 85 ኪሎ ገብቼ ነበር።ክሊፑ ላይ ግን ከዳይሬክተሯ አዮ ግርማ ጋር  ተነጋገረን  ስርዓተ ምግብ (ዳይት) ጀምሬ በመጠኑ ቀንሼ ነው ስራዉ የተጀመረው።እኔ ብዙ ስራዬ ላይ አልንቀሳቀስም እሱም እንዲለወጥ በሚል ለአጭር ጊዜ የዳንስ ስልጠናም ወስጃለሁ፡፡»

👉 «ሙዚቃው በዓይን ፍቀር ዉስጥ ላሉ ወይም ለተያዙ ሊሆን በሚችል መንገድ የተዘጋጀ ነው።ግጥሙን እልፍ አገድ፤ዜማውን አብዲ ያሲን የሰሩት ሲሆን ለአልበም ታስቦ የተሰራ ነው። አይናፋር የሆነች፤ፍቅሯን መግለፅ ያልቻለች ነገር ግን ዓይኔ እያየ ሌላ ሰው ከሚወስድብኝ ልናገር እኔም ችዬዋለሁ የምትል ሴት ተወክላበታለች፡፡»

👉 «ትዳር ልጅ በአጠቃላይ ቤተሰብ ውብ የሆነ የህይወት ሂደት እንደሆነ ኖሬ እያየሁት ነው።በብዙየተካስኩበት ሲሆን በዛው ልክ ደግሞ ፈታኝም ነው።ምክንያቱም የኢትዮጵያ ሙዚቃ ዘርፍ  ባለትዳር ለሆነች ወልዳ ለመጣች ሴት ክፍትም ምቹም አለመሆኑንም አይቻለሁ። እዚህ ሙያ ውስጥ እንደሴት ለመቆየት ትንሽ የተፈተንኩበት ዓመት ነበር ግን ደግሞ በቤተሰብ ተክሻለሁ።»

👉 «ባለቤቴ ኢሱ በህይወቴ  ውስጥ ባይኖር አዲሱ አልበሜ ዘንድሮ አይወጣም ነበር።ስቱዲዮ ሄጄ አምሽቼ አድሬ በምመጣበት ጊዜ፤ትንሿ ልጄን የሚንከባከብ፤ዮሚን ጠዋት ት/ቤት የሚወስድልኝ፤
በእርግዝና እና ወሊድ ምክንያት ስራ አቁሜ በነበረበት ጊዜ በኢኮኖሚም የሚደግፈኝ እሱ ነበር።

ለሙዚቃ ያለው ጥልቅ ፍቅር ለስፖርት ሁላ ያለው አይመስልህም ሙዚቃ አድማጭ ነው።ዘፈኖቼን በመስማት እንዲህ ቢሆን የሚል አስተያየት ይሰጠኛል የሚገርም ጆሮ አለው፡፡»

👉 «በቅርቡ በኢንስታግራም እና ይፋዊ የፌስቡክ ገፄ ላይ ከዝነኛው የግጥም እና ዜማ ደራሲ ሞገስ ተካ እንዲሁም የሙዚቃ አቀናባሪ አቤል ጳዉሎስ ጋር ስቱዲዮ ውስጥ ሆነን የታየው ተንቀሳቃሽ ምስል(ቪዲዮ) በአዲሱ አልበሜ የመጨረሻ ምዕራፍ ላይ ከኔ ህይወት ጋር የተገናኘ አምባሰል ቅኝት ውስጥ ያለ ሙዚቃን
እያስተካከልኩ የተቀረፀ ነው። በጉጉት የምጠበቅው ስራዬም ነው፡፡»

👉 «አዲሱ አልበሜ ላይ አንጋፋ እና ወጣት የግጥም እና ዜማ ባለሞያዎች  ተሳትፈውበታል። ይልማ ገ/አብ፤አበበ ብርሀኔ፤መሰለ ጌታሁን፤አለምፀሀይ ወዳጆ ፤ሞገስ ተካ ጋር የመስራት ዕድል ገጥሞኛል።ከወጣቶቹ ናትናኤል ግርማቸው ፤ወንደስን ይሁብን የመሰሉ ባለሙያዎችም አሉበት፡፡»

👉 «አልበሜ 14 ትራኮች አሉት።የተለያዩ ሙዚቃ ቪዲዮዎችን ለመስራት ተዘጋጅቻለሁ።በሀሳብ ደረጃ ፍቅርን በተለያየ መንድ
የገለፅንበት፤ምስጋናን ያቀረብንበት ይቅርታን የጠየቅንበት እናትን ያሞገስንበት አልበም ነው።»

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://t.me/waliyaentmt

#Waliya_Entertainemnt #Music #zebiba_girma

ዜና ዕረፍት!

የዜማና ግጥም ደራሲ እንዲሁም ድምጻዊ የነበረው ሁለገቡ ከያኒ አሳዬ ዘገየ በሕክምና ሲረዳ ቆይቶ ከዚህ ዓለም በሞት እንደተለየ የቅርብ ቤተሰቦቹ አስታውቀዋል።

በኢትዮጵያ የሙዚቃ ዘርፍ ውስጥ ላለፉት 47 ዓመታት ለበርካታ ድምፃዊያን ግጥምና ዜማ በመስጠት የሚታወቀው አርቲስት አሳየ ዘገየ ሁለገብ ከያኒ እንደነበር ገፅ ታሪኩ ያስረዳል።

በአሜሪካ ሚኒሶታ ግዛት ውስጥ ህክምናውን ሲከታተል የቆየው አሳዬ በኋላም "ዶክተሮቹ በህይወት የምትቆየው ከ6 ወር እስከ አንድ ዓመት ነው ብለውኛል" በሚል ከወራት ፊት ወደ ኢትዮጵያ መምጣቱ ይታወሳል።

ዋልያ ኢንተርቴይመንትም በከያኒው ዕረፍት የተሰማው ኅዘን እየገለጸ ለቤተሰቦቹ፣ ወዳጅ ዘመዶቹ እና አድናቂዎቹ መፅናናትን ይመኛል።

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://t.me/waliyaentmt

#Waliya_Entertainemnt #Music #Asaye