🇩🇪 Avtomobil həvəskarların "vətəni" Almaniyada sürücülərə "qarşı" çıxırlar.
⠀
Gələn aydan etibarən Frankfurt şəhərinin mərkəzində sürət həddini maksimum 20 km/s-a qədər endirməyi planlaşdırırlar.
⠀
Bu radikal addımın atılmasının ilkin səbəbi - həm təhlükəsizlik, həm də şəhər mərkəzinə daxil olanların avtomobillərin sayını azaltmaqdır. Eyni zamanda, burada pulsuz parkinq yerləri təmamilə ləğv olunur. Tədbir planının bir parçası olaraq, bu şəhərdə yeni velosiped zolaqlarının salınması da nəzərdə tutulub.
⠀
🔹 Xatırladım ki, gələn ildən Milan şəhərində sürət həddi endiriləcək, Brüsseldə isə artıq 3 ildir bütün şəhərdə maksimum sürət 30 km/s-dır.

#təhlükəsizlik #Frankfurt

💡 Sadə işıq həllələri küçəni axşam vaxtı bu cür bəzəyə bilər.

🔸 “SMART” dayanacaqlar - Bakının eybəcər və lazımsız elementi.

💬 Polad İsmayılov yazır:

“Avtobusun gəlməsini bu "smart" dayanacaqdan görə bilmiriksə, bu bizə lazım idimi? Bunun qiyməti ictimaiyyətə niyə açıqlanmır?

Bu layihəni təqdim edən qurum və ya şəxsədir sualım: bu marketi soldan deyil, sağdan planlaşdırmaq olmazdımı? Əvəzində solda şəffaf şüşə olardı, insanlar da rahat şəkildə gələn avtobusu görərdilər.”

🔸 Düşünürəm ki, “SMART” dayanacaqlar Bakıda quraşdırılan ən lazımsız elementdir ictimai nəqliyyat cəhətindən.

Öz geridəqalmış dizaynı ilə eyni zamanda şəhəri də eybəcərləşdirir. Ümid edirəm, vaxt gələcək bu biabırçılıq dayanacaqlar söküləcək.

#dayanacaqlar

🇰🇿 Qazaxıstanın Almatı şəhərində yeni tikilən yol qovşağı daha pis tıxaclara gətirib çıxardı.
⠀
Tikintisi 2019-cu ildə başlamış bu körpü və tunnellərin məqsədi tıxacların qarşısnı almaq idi. Amma cəmi 2 ay əvvəl açılmış bu qovşaqdan sürücülər artıq şikayət edir.
⠀
💰 Yol qovşağında 43 milyon dollar xərcləndi.
⠀
Bu xəbərdə təəccüblü heçnə yoxdur, yolların genişləndirilməsi və şəhər daxilində qovşaqların tikintisi tıxaclarla mübarizədə heç bir halda kömək etmir, daha pis vəziyyətə gətirib çıxarır.
⠀
🔹 Maraqlıdır ki, eyni zamanda Almatı şəhərində digər urbanistik islahatlar gedir, burada BRT-tipli ayrılmış avtobus zolaqları və velosiped yolları salınır.
⠀
Lakin əgər bu qovşaqlar nəticədə yenə də dar şəhər küçələrinə dirəşəcəksə, onlar heç vaxt effekt verməyəcək.

Prinsipcə, Bakı bunu öz nümunəsində artıq sübut edib.

#tıxaclar

⬆️ Əvvəllər heç olmasa Rəşid Behbudovdakı avtobus zolağı işə yarayırdı.
⠀
Lakin nəzarətsizlik və cəzasızlıq buranı da pis günə qoydu.

#avtobuszolağı

🆘 Bu vəziyyət uçuruma aparır.
⠀
İctimai nəqliyyat nə qədər ki tıxaclarda dayanacaq, nə qədər ki, bu məsələnin həllinə CİDDİ (sözün əsl mənasında) yanaşmayacaqlar insanların arasında bu cür narazılıqlar artacaq.
⠀
Minlərlə insan hər gün işə gecikir, lazımsiz sözlər eşidir, stres və əsəb keçirir. Elə bilirsiniz bu elə-belə keçəcək cəmiyyətdə? Təbii ki, xeyr.
⠀
Qarabağı aldıq, qalib xalq olduq. İndi bu qalib xalq normal nəqliyyata və şəhər mühitinə layiq deyil?
⠀
❓ İndiki vəziyyətdən çıxmaq üçün hansı düşmənə qalib gəlməliyik? Köklü islahatlar olmasa, bir gün bu çox pis fəsadlara gətirib çıxaracaq.

#ictimainəqliyyat

🇯🇵 Yaponiyada asma tipli monorelsin gözəl görüntüsü.

🌏 Dünyanın müxtəlif yerlərindən bu cür gözoxşayan və maraqlı mənzərələr @World_Tour1 kanalında toplanır.

Baxırsan və stres də azalır. 😌

✅ @World_Tour1

⭕️ İnsan və xüsusilə uşaqların həyatı bu qədər dəyərsiz olmamalıdır.
⠀
Zərifə Əliyeva küçəsində səkinin bir hissəsini məftil ilə bağlayıb piyadaları yola çıxmağa məcbur edirlər.
⠀
🔸 Təmir-tikinti işlərini apararkən heç olmasa konuslarla müvəqqəti bir yol ayırmaq olardı insanların təhlükəsiz hərəkəti üçün. Paytaxtın ən mərkəzidir özü də bura.

#təhlükəsizlik #səkilər

🇬🇪 Tbilisi sürətlə transformasiya etməyə davam edir.
⠀
Burada iki zolaqdan birini avtobuslara verirlər, yeraltı piyada keçidlərini isə “zebra”larla əvəz edirlər.
⠀
Bugünki ətraflı reportajda Tiflis şəhərinin urbanistik islahatlarına yaxından baxırıq:
⠀
➡️ https://youtu.be/K8iri3EvNHk

🔹 Tbilisidən daha bir vloq olacaq növbəti həftədə. Kanala dəstək olan sadiq izləyicilərimiz onu daha öncədən görə biləcək.

Həmçinin Patronlar bu və digər videoların daha geniş versiyalarını izləyə bilir.

#vloq #Tbilisi

⚠️ Bu gün nəqliyyat sahəsində ümid doğuran bir xəbər çıxdı.
⠀
Aprel ayında dövlət başçısının sərəncamı ilə yaradılan Nəqliyyatı Əlaqələndirmə Şurasının vəzifələri təsdiqləndi.
⠀
Aydın məsələdir ki, bu vəzifələrin hamısı nəqliyyata, yollara və küçələrə aiddir. Lakin, ən çox diqqət çəkən bənd piyada infrastrukturu və ictimai nəqliyyat üçün zolaqların ayrılmasıdır.
⠀
Avtobus zolaqları Bakının ən böyük dərdlərindən biridir. Onların həm təşkil edilməsi ləngiyir, salınmış zolaqlar isə işləmir. Bu köklü problemin həlli artıq yeni yaradılan Şuranın birbaşa vəzifəsi olacaq.
⠀
💡 Ümid bəsləyirəm ki, bu gün ictimai nəqliyyatda islahatların növbəti mərhələsinin başlanğıc bir nöqtəsi olacaq. Çünki vəziyyət həqiqətən kritikdir, dünənki video bunu bir daha sübut etdi.

#avtobuszolağı

Sadə, zövglü, geniş və funksional dəmiryol dayanacağı.
⠀
📍🇩🇪 Leypsiq, Almaniya.

#dəmiryolu

Bakı küçələrinin öz "Black Friday"-i var.
⠀
🛑 Mikayıl Üseynov küçəsində yenə avtobuslar dalbadal tıxacda ilişib qalıb.

Minlərlə insan hər gün bu küçədə əziyyət çəkir.

#tıxaclar #ictimainəqliyyat

Bir az da şəhərin mobilliyi barədə… 🫠

📸: Orxan Zəkirov.

🇦🇿🚆 Azərbaycana yeni qatarlar gəlir.
⠀
Deyilənə görə, fotoda Polşada yığılan yeni “Stadler” qatarıdır.
⠀
ADY elektrik qatarlarla yanaşı, həm də dizel variantları sifariş etmişdir ki, Balakən istiqamətinə hərəkət edə bilsin.

#dəmiryolu

🇬🇧 İngiltərənin Bristol şəhərində reklam lövhəsi.
⠀
"Qərar verməyin vaxtıdır".
⠀
Bu cür lövhə bizdə çox çatışmır, soldakı vəziyyət tam olaraq Bakının indiki vəziyyətini xatırlayır.
⠀
⏳ Vaxtımızdan gedir, lakin tıxac probleminin həlli üçün hələ də köklü islahatlara başlamamışıq.

🇳🇱 Utrext şəhərində eyni məkan 1980-ci və 2022-ci illərdə.
⠀
Bir sıra şəhərlərdə yolların genişləndirilməsi və salınması üçün təbiət qurban verilmişdir.
⠀
Bu arada, Seul şəhərində də eyni proseslər baş verib.

#əvvəlsonra