🚲 Qala divarları boyunca velosiped zolaqları təşkil olundu.
⠀
📍 Əziz Əliyev küçəsində izləyicimizin çəkdiyi fotolar. Yoxuşa qalxmaq üçün təcrübəli velosipedçi olmalısan, yaxud skuter və ya elektrik velosiped köməyin olsun 🙂
⠀
#velosipedzolaqları

🚲 Dilarə Əliyeva küçəsində yeni salınan velosiped zolaqları haqqında.
⠀
🔸 Burada da velozolaqlar yolun bir tərəfində təşkil olunub. Nədənsə bu artıq bir standarta çevrilib, bu yanaşma hər yerdə tətbiq edilir. Baxmayaraq ki, bir təklifim olub ki, zolaqlar küçənin hər iki tərəfində olsun (çünki küçə özü çox canlı və ikitərəflidir), bunun üçün yolun kəsiyi tam şərait yaradır.
⠀
🔹 Fotolarda həmçinin Azadlıq prospektindən misallar gətirdim, orada yeni hərəkət təşkil olunandan sonra velozolaqlarda artıq kənar xəttdən istifadə olunmur, və bufer zonanı da daha kompakt etmək olur.
⠀
✅ Bu küçədə yenidən zolaqlanma işlərini aparmaq heç vaxt gec deyil. Velosiped zolaqları küçədə elə salınmalıdır ki, onlar həqiqətən velosipedi və skuteri bir nəqliyyat vasitəsi kimi istifadəsini stimullaşdırsın.

#velosipedzolaqları

🚲 Maqistral tipli yolda velosiped zolağı.
⠀
🛣 Bu gün açılışı baş tutan Balaxanı-Pirşağı yolunda da velosiped zolağı açılıb. Mərkəzdən qəsəbələrə velosiped üçün şəraitin yaradılması müsbət tendensiya kimi görünür.
⠀
❗️ Lakin çox önəmlidir ki, burada təhlükəsizlik nəzərə alınsın. Şəhər küçələrdən fərqli olaraq, burada avtomobillər yüksək sürətlə hərəkət edir, qəza riskləri və onların fəsadları daha çoxdur.
⠀
🔹 Burada velosiped zolaqları fiziki olaraq hərəkət hissəsindən təhlükəsiz şəkildə ayrılmalıdır. Fotolarda misallar var.
⠀
#velosipedzolaqları

🚲 Moskvanın velosiped zolaqlarına baxaq.
⠀
🔹 Əsas diqqət çəkən məkan nədir? Velosiped zolaqlarına yanaşma bütün küçələrdə eyni deyil. Bufer zonasının olması arzuolunandır lakin hər yerdə mütləq deyil.
⠀
🔹 Hərəkət zolaqlarının sayı biri keçmirsə, velozolaqları təhlükəsiz buferi olmadan avtomobil yolu ilə birgə təşkil etmək olar. Bunu "Vision Zero" deyir".
⠀
🔹 Əksər hallarda isə zolaqlar birtərəfli və küçənən hər iki tərəfində salınır.
⠀
#Moskva #velosipedzolaqları

🚲 Son bir ildə velosiped istifadəçilərin sayı artıb və artmaqdadır.

🔹 Velozolaqlar qıraqdan boş görsənsə də, şəkildəki mənzərə də artıq nadir hal deyil.

🔹 Velosipedlər daha az yer tutur, avtomobillər kimi gözə çarpmır. Lakin infrastruktur genişləndikcə, istifadəçilər artır.

🔹 Bir dəqiqəlik fikirləşin ki, Bakıda bütün küçələrdə velosiped zolaqları var. Qısa məsafələrdə və müvafiq ssenariləedə velo və skuter ən yaxşı alternativə çevriləcək.

📍 Afiyəddin Cəlilov küçəsi.

#velosipedzolaqları

🚲 Yaxşı velosiped zolaqlarının nümunəsi.
⠀
🇦🇺 Bura Sidneydir, Avstraliyanın ən böyük şəhəri, əhalisi 5.2 milyon insan təşkil edir. Dayanıqlı inkişafa doğru irəlləyən bir şəhər kimi, burada velozolaqlar salınır və bunun üçün yolun hərəkət hissəsini daraldırlar. Bəzi yerlərdə hətta küçə mebeli üçün də yer tapılıb.
⠀
🔹 Fotolarda maraqlı məqamlar toplanıb. Misal üçün, burada velokeçidlərdə təhlükəsizlik adacıqları quraşdırılır, ayrıcı zolaq isə bordürlar (səki daşı ilə) və yaxud yaşıl zolaq ilə hərəkət hissəsindən ayrılır.
⠀
☑️ Sidney şəhərinin hədəfi 220 km velozolaq təşkil etməkdir.
⠀
#velosipedzolaqları

🚲 8 noyabrda velosiped keçidlərinin təşkilinə başladılar.
⠀
🔹 Bura Xəqani Rüstəmov küçəsi ilə kəsişmədir. Bu kəsişmədə həmçinin yeraltı piyada keçidi mövcuddur, lakin əgər bu gün biz insan yönümlü şəhərlər konsepsiyasını ən yüksək səviyyədə müzakirə ediriksə, burada velokeçidlə yanaşı piyada keçidi də təşkil edilməlidir.
⠀
🔹 Zatən təcrübə onu göstərir ki, velosiped keçidlərini insanlar piyada keçidi kimi istifadə edir. İnklüziv, rahat və əlçatan şəhərlərdə keçidlər də əlçatan olmalıdır.

☑️ Bu haqda ətraflı olaraq bu vloqda danışmışdım.
⠀
#velosipedzolaqları #8noyabrprospekti

🚲 Qorunan velosiped zolaqları — müxtəlif şəhərlərdən misallar.
⠀
💬 Şərhlərdə yazırlar ki, bizim velozolaqlar çox zəif qorunur və mövcud baryerlər sürücüləri ora girməkdən heç cür çəkindirmir. Fotolarda isə daha çox ABŞ şəhərlərindən misallardır. NACTO standartlarında hətta belə tövsiyyələr var ki, parklanma zolaqları olan yerlərdə "protected bike lane" təşkil olunsun. Bu cür zolaqlarda qəza riski də 28% aşağıdır.

🌳 Yaşıllıqla ilə təşkil olunan baryerlər həmçinin küçəyə əlavə gözəllik də qatır. Ağaclar hündür olsa, velosipedçilər üçün həm də kölgə yaradır (Sofiya misalında göstərmişdim).
⠀
☑️ Lakin bugünki kimi müşahidə olan halların qarşısını almaq üçün daha sadə yanaşma ola bilər. Sizcə nəyi nəzərdə tuturam?
⠀
#velosipedzolaqları

🚲 AYNA Bakının yenilənmiş velozolaqların xəritəsini paylaşıb.
⠀
🔹 Artıq şəhər mərkəzinin Yasamal ilə birləşməsi görsənir. Xəritədə həmçinin planlaşdırılımış zolaqlar qeyd olunub — R.Behbudov, Ü. Hacıbəyov və Xəqani küçələrində çatışmayan zolaqlar. Bəzi zolaqlar köhnədən çəkiləndir — bu küçələrdə səki bərpa olunmalı, zolaqlar isə yolun hərəkət hissəsində təşkil olunmalıdır.
⠀
🔹 Eyni zamanda, velozolaqlar mütləq şəbəkələşdirilməlidir və ərazini bir tor kimi bağlamalıdır ki, tam təhlükəsiz bir şərait olsun.
⠀
🔹 Necə ki, küçədə səki bir standart kimi salınır, velozolaq da HƏR KÜÇƏDƏ təşkil olunmalıdır. Başqa cür yeni istifadəçiləri cəlb etmək mümkün olmayacaq.
⠀
#velosipedzolaqları