🔹 Dostlar, bu səhifənin və son vaxtlar davamlı şəkildə apardığım vloqların bir vacib məqsədi var.

Əgər biz istəyirik ki, bizim şəhərlər, ilk növbədə isə Bakı, rahat və təhlükəsiz olsun, biz mütləq müasir təcrübə haqqında bizim vətəndaşları da maarfləndirməliyik.

🔹 Yaxşı şəhər nə deməkdir? Uğurlu ölkələrin təcrübəsi nə deyir? Bizim şəhərlərdə hansı proseslər baş verir və onları düzgün necə istiqamətləndirək? Necə edək ki, səkilərimiz kəsilməsin və bu haqda vaxtında siqnal verək?

Biz bu haqda danışmasaq və paylaşmasaq o zaman cəmiyyətdə yaxşı şəhərlərə dair ictimai sorğu da yaranmayacaq.

🔹 Son zamanlar aşağı templə olsa da, hansısa dəyişikliklərin şahidi ola bilirik. Lakin bu kifayət deyil. Daha çox maarifləndirməyə ehtiyac var, əsas məsələ isə - davamlı şəkildə.

"İnsan yönümlü şəhərlər" layihəsinin və videobloqların davamlığında mənə dəstək olan insanların böyük töhvəsi var.

🔸 Patreon platformasında abunə olmaqla siz tək kanala maddi dəstək deyil, həmçinin apardığım işimdə mənə əlavə motivasiya verirsiniz, işimi düzgün istiqamətdə apardığıma ümidimi artırırsınız.

🔸 Hazırda bizə dəstək göstərən dəyərli izləyicimizin sayı 20-ni keçib. Hədəf 50-yə doğru ☑️

🟢 patreon.com/city4people

Və bir daha xatırlayıram ki, Patronlar üçün eksklüziv kontent paylaşıram, ayrıca bir qrupda müzakirələr aparıram və şəxsən bütün suallarınıza cavab verməyə hazıram.

🔸 Birdəfəlik dəstək göstərmək üçün:
☑️ kofe.al/city4people
Kartdan karta:
☑️ ABB: 5522-0993-6003-6123
☑️ Leobank: 4098-5844-6806-8406
☑️ Kapital Bank: 4169-7385-1582-2504


İnsan yönümlü şəhərlərdə yaşamaq hər birimizin haqqıdır. Və bu gün mütləq gələcək! 💚

🇺🇸 Sietl şəhəri insanyönümlü olmaq istəyir.
⠀
Güman ki bilirsiniz, ABŞ-ın əksər şəhərləri sırf avtomobillər üçün qurulub. “Maşınsız həyat Amerikada mümkün deyil” ifadəsi bu ölkədə yaşayan hər kəsin dilindədir.
⠀
Lakin Sietlın Nəqliyyat Departamenti bu stereotipi qırmaq istəyir.
⠀
🔹 Planların birinə görə burada ~1300 km səki, ~600 km velozolaq və ~120 km tam və qismən piyadalar üçün nəzərdə tutulmuş küçə salınacaq.
⠀
Əgər dünyanın ən avtomobilləşmiş ölkə bunu edirsə, bizim də transformasiya etməmək üçün heç bir bəhanəmiz qalmamalıdır.

#ABŞ

Aşbaz Fərhad Aşurbəyli piyadaları ayaq ilə təpikləməyə çağırır.

Deyir ki, “yolu keçmək qaydalarını uşaqlara və “idiot” valideynlərə keçmək lazımdır”.

Bir şəhərdə ki, piyadalar üçün nəyinki yolu keçmək, heç səkidə gəzmək üçün şərait yoxdur, məşhur insanların belə statusların yazılması yolverilməzdir.

Maraqlıdır ki, Fərhad bəy urbanist İlya Varlamovu hər dəfə Bakıda qarşılayır və gəzdirir, piyadalar üçün saysız-hesabsız problemləri bilir, amma yenə də piyadaları günahlandırmağa çalışır.

📍 Heydər Əliyev prospekti, Koroğlu metrosunun yanı.
⠀
Prospektin bu hissəsində vaxtilə çoxlu piyada qəzaları baş verirdi, insanlar metroya düşməmək üçün daha qısa yol seçib yolu qaçaraq keçməyə üstünlük verirdi. Çoxlu qəzalardan sonra bura uzun məhəccər quraşdırıldı ki, piyadaları qaçmağa sövq etməsinlər.
⠀
🔹 İndi biz qırağa qoyaq bu məsələni ki, şəhər daxilində sürətli maqistral olmamalıdır, piyada keçidləri isə eynisəviyyəli və nizamlanan olmalıdır. Bu haqda mütəmadi olaraq səhifədə danışıram.
⠀
Söhbət ondan gedir ki, artıq 2 aydan çoxdur ki, prospektin bu hissəsində məhəccərlərin bir hissəsi çatışmır, məhz "Koroğlu" metrosu tərəfdə, insanların daha çox qaçdığı yerdə. Və keçən ay artıq burada gecə vaxtı qəza baş verib.
⠀
❗️ Qəzadan 1 aydan çox vaxt keçsə də, hələ də məhəccərin çatışmayan hissəsi bərpa olunmayıb. Ümid edirəm, növbəti qəzanı gözləmədən məhəccər yerinə quraşdırılar.

#təhlükəsizlik

Növbə mədəniyyəti ana südü ilə gəlmir.
⠀
Bunun üçün maarifləndirməni tək uşaqlar deyil, daima insanlar arasında aparmaq lazımdır.
⠀
🇭🇺 Budapeşt avtovağzalında məlumat xarakterli bir lövhə.

#Budapeşt

🇦🇿 Bakının mərkəzindən tarixi küçələr necə dəyişə bilər və niyə bu vacibdir?
⠀
Memar Dilqəm İsmayılov ilə “Tarqovı”nın qonşuluğunda olan əraziləri gəzişdik, mövcud vəziyyəti və yeni vizyon haqqında danışdıq.
⠀
https://youtu.be/L4Gr-D1zlkA?si=_-zhvO2RSZNCHSff
⠀
🔸 Bu cür reportajların davamlı çəkilişini önəmli sayırsınız, bizə Patreon-da dəstək göstərənlərin sırasına qoşula bilərsiniz.

#vloq #mərkəziküçələr

Hər il dövlət büdcəsinin planı müzakirə olunanda mütləq metronun dotasiyalarından söhbət açılır, sosial şəbəkədə bunun üzərində "hayp" tutmaq, insanları qıcıqlandırmağa başlayırlar.
⠀
Dünyanın bütün inkişaf etmiş ölkələrində, hətta varlı Almaniyada ictimai nəqliyyat sərnişinlərdən gələn ödənişlərdən özünü qarşılamır. Türkiyədə də ictimai nəqliyyata çoxlu pul ayrılır. Almaniya ümumiyyətlə möhtəşəm eksperiment keçirmişdir keçən il, aylıq abunə haqqını 9 avroya endirmişdir. Bunun üçün dövlət büdcəsindən 2,5 milyard avro subsidiya ayrılmışdır.
⠀
🔹 Bakı metrosuna gələndə isə, vəziyyət ümumiyyətlə çox üzücüdür. 3 milyonluq şəhərə cəmi 27 metrostansiyası var, bu gülməlidir. Stokholm şəhəri Bakıdan 3 dəfə kiçikdir, amma orada 100 stansiya var. Bakıda metrosunun yükünü bir qədər azaltmaq üçün, qırmızı və yaxşı xətləri ayırmaq üçün təxmini 2,5 milyard manat ayrılmasına ehtiyac var. Bu məbləği heç olmasa 5 ilə bölüb hissə-hissə ayrılsalar, metrodakı mövcud (və günü-gündən artan) sıxlığın qarşısını qismən ala biləcəyik.

#metro #gedişhaqqı #ictimainəqliyyat