🚲 Velosiped zolaqları çəkildi və...?
⠀
Səhər paylaşılan bir foto gündəm yarada bildi. Bəli, bu günü çoxdan gözləyirdik, haradasa ümidimizi itirmişdik ki, Bakıda bu cür proseslər çətin nə vaxtsa başlasın.
⠀
❗️ İndi növbəti mərhələlər hansıdır və bizi nə gözləyir?
⠀
🔹 Sosial mediada hələ çox oxuyacağıq, tanışlardan eşidəcəyik ki, "Bakının harasına velosiped yolları yaraşır? Yollar dardır, tıxacdır və s.". Bu müqavimətə qalib gəlməliyik. Unutmayaq məhz bu cür fikirlər Avropada hələ 40 il əvvəl var idi.
⠀
🔹 Bütün işlər davamlı olmalıdır. Veloyolların dəhlizləri yaradılmalıdır, velosiped sürmək həqiqətən təhlükəsiz və rahat olmalıdır, kəsişmələr düzgün təşkil edilməlidir.
⠀
🔹 Velosiped yolları fiziki olaraq avtomobil axınından ayrılmalıdır, əgər küçədə sürət 30 km/s-dan yuxarıdırsa. Bunu qəzaların fəsadlırını sıfıra endirmək üçün "Vision Zero" konsepsiyası deyir. Bu, velozolaqlara maşınların daxil olmasının da qarşısını alacaq (fotoda artıq vəziyyət görünür).
⠀
🔹 Gördüyüm təcrübəyə əsasən deyə bilərəm ki, adətən velozolaqlar, avtobus zolaqları mövcud küçədə birbaşa tətbiq olunmur, küçə təmir üçün tam bağlanır, onun səkiləri və hərəkət hissəsi yenidən planlaşdırılır və sonradan ictimaiyyətə müasir həll kimi təqdim olunur. Tbilisi əsasən bu yol ilə gedir.
⠀
🔹 Nəticələri çıxarmaq üçün vaxt lazımdır. Yaxın aylar ərzində bu zolaqlarda hələ ki çox velosiped sürən insan görməyəcəyik və "Görürsünüz, nəyə lazım idi" kimi populist fikirlər səslənəcək. Amma yaradılan infrastruktur vaxt keçdikcə istifadəçi cəlb edir.
⠀
🔹 İnsan yönümlü şəhərdə yaşamaq istəyiriksə, cəmiyyət olaraq velosiped zolaqlarının şəhərin ayrılmaz bir hissəsi kimi təbliğ etməliyik. Mikromobillik əlçatan olsa, tədricən avtomobil istifadəsini və müvafiq olaraq tıxaclar da azaldacaq.
⠀
🔸 Vətəndaş olaraq aktiv ola bilərsiniz, AYNA agentliyinə müraciətlər yazın, velosiped yollarını yaşadığınız küçədə tələb edin. Əlaqələndirmə şurası yaradılandan sonra bu proseslərin ötən illərə nisbətən daha sürətlə getməsinə ümid var.

#velosipedzolaqları

❗️ Velosiped yolları öz yerində, amma ictimai nəqliyyatı da unutmayaq.
⠀
Misal üçün, bura Rəşid Behbudov küçəsidir, Mərkəzi Bankın düz önündəki avtobus cibi. Vaxtilə burada güya "avtobusların rahatlığı" üçün səkidən kəsib cib yaradıblar, bugünki vəziyyət odur ki, bu cibdə, yolun üzərində birbaşa olaraq sərnişinlər avtobusu gözləyir. Bu haqda danışmışdım.
⠀
🔸 Avtobus ciblərinin şəhər daxilində mənasız olması haqqında və onların necə işləməyi haqqında artıq göstəmişdim.
⠀
Əgər nəhayət yollarda velosiped zolaqları salan şəhər oluruqsa, bu cür səhvlər də aradan qaldırılmalıdır.

#ictimainəqliyyat

🇬🇪🇦🇿 Tbilisidən Bakıya təbriklər gəlir.

İnsan yönümlü Qafqaza doğru 💚

⬆️ Belə bir mühitdə yaşamaq istəyərdiniz?

Bilirəm ki, cavabınız "xeyr" olacaq. Lakin cəmiyyətdə hələ də stereotiplər qalıb ki, bu cür geniş yollar ideal şəhərin nümunəsidir.

Təəssüf ki, məmurların arasında da belə bir fikirlər var. İstisna etmirəm ki, bizim ölkədə hələ də səhvlər buraxıb haradasa "tıxaclarla mübarizə" adı ilə yolları genişləndirəcəklər.

🔹 Baxmayaraq ki, nəqliyyat elmi çoxdan sübu edib ki, yolların genişləndirilməsi tıxac problemini həll etmir.

📸: Foto süni intellekt ilə yaradılıb.

🇦🇿 Qarabağı niyə bu günə qoyurlar?
⠀
AAYDA agentliyi bərpa olunan Ağdam şəhərində bu cür “sənət əsəri” yaradıb. ⬆️
⠀
Bu qurumun müasir insanyönümlü prinsipə ilə sanki düşmənçiliyi var.
⠀
⚠️ Hələ 4 zolaq üzərindən nizamlanmayan piyada keçidi təşkil ediblər ki, hansı ki çox təhlükəlidir və gələcəkdə burada piyada ölümlərinə gətirib çıxaracaq.
⠀
Çox heyif, Ağdam şəhərini güya müasir etmək istəyirdilər, bəh-bəhlə təqdim etmişdilər, nəticədə isə yenə də keçən əsrin səhvləri.
⠀
🔸 Xatırladım ki, AAYDA ən çox dövlət büdcəsindən pul alan qurumdur, milyardlar ayrılır.
⠀
Bu pula müasir düşüncəli bir mütəxəssis tapmaq bu qədər çətindir?

#Qarabağ

Geniş yolların haradasa müsbət cəhəti odur ki, onları insan yönümlü mühitə çevirmək heç vaxt gec deyil.
⠀
Şəkildə olan şərti bir misaldır.

#urbanistika

⬆️ Gözəl mənzərədir! Sən demə, belə də mümkün imiş.

İstiqlaliyyət küçəsində tıxaca baxmayaraq sürücülər velosiped zolağına hamı bir nəfər kimi riayət edir.


#velosipedzolaqları #tıxaclar

🔥 🚲 Yeni velozolaqları urbanistik inqilabın başlanğıcı adlandırmaq olarmı?
⠀
Bir həftədir bu mövzu gündəmdən düşmür, hərəsi bir söz deyir, kimsə sevinir, kimsə söyür. Amma reallıq nədir?
⠀
❓ Niyə məhz yolları daraldaraq bu işlər görülür? Davamı olacaqmı? Təhlükəsizlik məsələsi necə olacaq?
⠀
Detalları öyrənmək üçün AYNA agentliyinin təmsilçisi Tərlan Səfərovla birbaşa olaraq yeni zolaqlar çəkilən küçələri gəzişdim və həssas suallara cavab tapdım. Urbanist və peşəkar velosipedçi Arzu Süleymanov bizə xarici təcrübədə haqqında danışdı.
⠀
🔹 Xoş seyrlər: https://youtu.be/sCWo0Dtyq5o
⠀
❗️ Gələn il vloqlarımız davam edəcək. Mövzuların seçilməsində iştirak etmək üçün və YouTube-da paylaşılmayan videoları izləmək üçün sizi Patreon-da üzvlərimizin sırasına qoşulmağa dəvət edirəm: https://patreon.com/city4people

#vloq #velosipedzolaqları

"Velosiped yolunu qətiyyən avtomobil yolunun hesabına etmək olmaz! Tıxac olacaq! Bu nə özbaşınalıqdır?!"
⠀
🇩🇪 İzləyicimiz Köln şəhərindən belə bir foto göndərib. Velosiped zolağı elə avtomobil zolağının enindədir.

#velosipedzolaqları