❗️ 8 noyabr prospekti daha bir piyadanın canını aldı.
⠀
Az qala 24/7 bu haqda danışılır bu səhifədə, amma yenə də problemin kökünü başqa yerdə görürük.
⠀
🚷 Biz deyəndəki, yeraltı və yerüstü piyada keçidləri ləğv edilməlidir, bu prospektdə normal eynisəviyyəli keçidləri təşkil olunmalıdır, bizə şərhlərdə yazırlar: "Nə danışırsınız, yerüstü keçid yaxşıdır! Təhlükəsizdir! Sadəcə piyadalar məsuliyyətsizdir!".
⠀
🔸 Nə qədər ki, biz piyadaları günahlandıracağıq, nə qədər ki "keçiddən istifadə etmirlər, məsuliyyətsiz piyadalar" nəzər nöqtəsindən çıxış edəcəyik, bir o qədər də vəziyyət düzəlməyəcək.

#qəzalar #8noyabrprospekti

⬆️ Bugünki hadisə ilə bağlı müxtəlif səhifələrdə şərhləri oxuyuram və dəhşətə gəlirəm (şəkildə sadəcə bir misal).
⠀
Düzdür, təəcüblənmirəm, ilk dəfə deyil. Lakin üzücü odur ki, biz problemin kökünü görmürük.
⠀
Yenə də kim piyadanı, kim sürücünü günahlandırır. İnfrastrukturda və küçənin səhv quruluşunda heç kim problem görmür.
⠀
Dərd həmçinin orasındadır ki, dövlət qurumlarının əksəriyyəti də eyni düşüncədədir.
⠀
Ən bəd xəbər isə odur ki, bu düşüncə (ilk növbədə yüksəkvəzifəli məmurlarda) dəyişməyənə qədər, küçələr hələ çox can alacaq.
⠀
⚠️ Xahiş edirəm, bu cür videoları səhifənizdə paylaşın, bu çətin maarifləndirmə prosesində mənə kömək edəsiniz.

⬆️ Gəlin, 8 Noyabr prospektinə bir daha qayıdaq və buradakı piyadalar üçün nəzərdə tutulmuş "şəraitə" diqqət yetirək.
⠀
Baxmayaraq ki, qanunda müəyyən olunub ki, yaşayış məntəqələrində piyada keçidləri arasında maksimum məsafə 300 metr ola bilər, buradakı keçidlər arasında hətta 1 km-dən çox olan yerlər var.
⠀
🚍 Burada kifayət qədər avtobus dayanacaqları var ki, onların yanında piyada keçidləri və bəzi yerlərdə səkilər ümumiyyətlə yoxdur.
⠀
Bu cür şəraitdə piyadalar nə etməlidir? Yenə də onları qınayaq, təhqir edək?
⠀
❗️ Yanaşma 180 dərəcə dəyişməlidir. Şəhərin əsas prospektlərindən biri tam sıfırdan layihələndirilməlidir, insanların hərəkəti nəzərə alınmalıdır, küçələrdəki soyqırıma son qoyulmalıdır.

🌆 "Bakının baş planı niyə qəbul olunmur?" sualına cavab.

💬 Memar Elçin Əliyev öz müsahibəsində baş plan haqqında danışarkən çox yaxşı bir nümunə gətirdi.
⠀
Şəhərin baş planında aydın göstərilir ki, məsələn, Səməd Vurğun və Süleyman Rəhimov küçələrinin kəsişməsində 14 mərtəbəli bina tikilməlidir.
⠀
İndi belə bir mənzərəni təsəvvür edin: baş planın qəbulundan sonra hansısa hər şeyə qadir olan şəxs eyni yerdə 13 mərtəbəli deyil, 23 mərtəbəli bina tikir.
⠀
Daha sonra bütün ictimaiyyət şəhərin Baş planını müvafiq idarənin saytında görüb soruşacaq: “Orada axı 13 mərtəbəli bina nəzərdə tutulub. Niyə 23 mərtəbəli bina tikirlər?”. Bu artıq qanuna birbaşa hörmətsizliyin nümunəsini yaradacaq.
⠀
❓ "Baş planı niyə qəbul olunmur?" sualını cavab məhz budur.

#başplan

🏆 Bilet al - hədiyyə qazan.
⠀
Budapeşt meriyası öz sakinlərini ictimai nəqliyyat üçün hədiyyəli yeni il qabağı aksiya keçirir. Yanvarın 9-dək ictimai nəqliyyata ən azı bir aylıq bilet alan sərnişin aksiyanın iştirakçısı ola bilər və hədiyyə olaraq illik və yaxud kvartallıq pulsuz gediş haqqını qazana bilər. İllik biletin qiyməti 103 min forintdor (500 AZN-ə yaxın).
⠀
Eyni zamanda, qeyd olunur ki, Budapeştdə bayram ərəfəsində xüsusi bəzədilmiş tramvaylar və trolleybuslar hərəkət edəcək. Çox gözəl görsənir 😍
⠀
🇭🇺 Macarıstanın paytaxtı ictimai nəqliyyatda cəhətindən ən rahat şəhərlərindən biridir. Burada 5 nəqliyyat növü hərəkət edir - avtobus, tramvay, trolleybus, metro və kabotaj.

#Budapeşt #tramvay

❓ İcra hakimiyyətləri ləğv olunsa urbanistik islahatları aparmaq daha asan olacaq?
⠀
Uzun müddətdir söhbət gedir ki, gələn həmçini icra hakimiyyətləri ləğv olunacaq, əvəzində şəhər və rayonlar yeni prinsip əsasında idarə olunacaq. İndi bu yaxşı xəbərdir bizim üçün? Gəlin, indiki vəziyyətə və dünya təcrübəsinə baxaq.
⠀
🇦🇿 Bu gün Azərbaycanda ortastatistik küçənin 3 əsas hissəsi ayrı-ayrı qurumların nəzdindədir. Səki olan hissəsi - icra hakimiyyətində, yolları - Avtomobil Yolları Dövlət Agentliyində, hərəkət edən nəqliyyatı və nişanları isə - AYNA agentliyində. Bura NİİM-in balansında olan svetoforları və ayrıca qurum ki fəaliyyət göstərən Bakı Metropolitenini əlavə etsək hətta 5 (!) qurum edir.
⠀
Bu qədər fərqli-fərqli qurumlar olduqda bir küçədə hər hansı bir yeniliyi tətbiq etmək, nəqliyyatı optimallaşdırmaq çox mürəkkəb prosesə çevrilir. Hər qurum öz razılığını verməlidir, münasibətini bildirməlidir, müzakirələr aparılmalıdır.
⠀
🔸 Sizə dəfələrlə digər şəhərlərin misallarını gətirmişdim. Və onların hamısını vacib amil birləşdirir - vahid şəhər bələdiyyəsinin olması.
⠀
Bu cür vahid qurum olanda, əsas qərarı da o verir. Uzağa getməyək, elə bu yaxınlarda sizə göstərdiyim 🇬🇪 Tiflisdəki urbanistik islahatların keçirilməsinə əsas qərar verən bir nəfər olub - şəhər meri (bələdiyyə başqanı) Kaxa Kaladze. Təbii ki, bu cür qərarların arxasında müxtəlif təhlillər və müzakirələr durur, lakin əgər şəhər bələdiyyəsi qərar verirsə ki, "Gəlin şəhərdəki ictimai nəqliyyata üstünlük verək, küçələri insan yönümlü edək", bu prosesi artıq heç kim ləngidə bilmir. Digər icraedici qurumlar sadəcə hərəsi icraçı funksiyasını yerinə yetirir. Bizə ən yaxın 🇹🇷 Türkiyədə də vəziyyət belədir.
⠀
🔹 Bu yaxınlarda ölkədə Nəqliyyat Şurası yaradıldı ki, şəhər infrastrukturu nisbətən mərkəzləşmir formada idarə olunsun, lakin əgər yayılan xəbərlər yalan çıxmasa, bəlkə gələn il biz tam yeni bir sistemin qurulmasının şahidi olacağıq.
⠀
❓ Sizin proqnozunun nədir, nə fikirləşirsiniz?

#idarəetmə

🇦🇿 Şəhərdə vahid icraedici orqan olmalıdır. Qonşu ölkələrdə səlahiyyət mer vəzifəsini daşıyan şəxsdə var, bizdə niyə şəhərin "yiyəsi yoxdur"?
⠀
Bir neçə gün öncə artıq bu məsələni qaldırmışdım, İlkin Babayev "Sabaha Saxlamayaq"-da bir daha bunun vacibliyini qeyd etdi.

#idarəetmə