❗️🅿️ Ödənişli parklanmanın ilk müsbət effekti hiss olunur.
⠀
💬 İslamov Fərid yazır:
"Əvvəllər Caspian ətrafında bir dənə parkinq yeri tapmaq üçün gələnə yaxın 3-4 dua oxumalı olurdun ki, yer tapasan. Çox vaxt duaların da xeyri olmurdu. Maşını olan, amma pulu olmayan hamı saxlayırdı. İndi isə gözəllikdir. 50faizə yaxın yerlər boşdur."
⠀
🔹 Bu mexanizm hər yerdə normal işləsə, şəhərin yükü xeyli azalar. Təbii ki, bütün digər islahatlar (alternativ mobillik üsulların inkişafı) da parallel olaraq aparılmalıdır.

#parklanma

Bu meydanın transformasiyasına çoxdan ehtiyac yaranıb.
⠀
Bu gün Dəmiryolu vağzalının önünü maşınlar üçün bağlayıb, yalnız piyada və ictimai nəqliyyat üçün açıq saxlayıblar.
⠀
🔹 Dərhal çox sakit və nisbətən təhlükəsiz bir məkana çevrilib bura. Təsəvvür edin, indi burada asfaltın əvəzinə müasir park və ictimai nəqliyyat üçün qovşağ yaradılır (İstanbulun misalı).
⠀
Belə bir təkliflər vaxtilə BNA və ADY tərəfindən verilsə də, təəssüf ki, icra mərhələsinə onlar çatmayıb.

#vağzalmeydanı

🇨🇦 Kanadanın Toronto şəhərində yaxın zamanda ilk "Niderland-tipli" yolayrıcısı təşkil ediləcək.
⠀
Yeni urbanistik yanaşması ilə təşkil olunmuş bu yolayrıcısında avtomobil, velosiped və piyadalar arasında konflikt nöqtələri minimuma endiriləcək.
⠀
Yolayrıcısına birləşən küçələrdə həmçinin əlavə velosiped zolaqları salınacaq, ağaclar əkiləcək.
⠀
🔹 Kanada və ABŞ son illər küçələrini daha təhlükəsiz etmək üçün Avropa ölkələrinin təcrübəsini tətbiq etməyə davam edirlər. Əsas məqsəd - yolları daha təhlükəsiz etməkdir.

#təhlükəsizlik #visionzero

🛴🇫🇷 Sentyabrın 1-dən Parisdə elektroskuterlər qadağan olunur.
⠀
Bu xəbəri indi hamı tirajlayır. Çoxu şərh edir ki, bəs "Bizdə də mütləq olsun, skuterlər bezdirdilər. Paris edibsə, bizdə etməliyik!".
⠀
Əslində burada bir neçə vacib nüans var ki, onları kontekstdən çıxarmaq olmaz.
🔹 Parisdə yalnız İCARƏ skuterləri qadağan olunub. Şəxsi skuterlərdən sərbəst istifadə edə bilərsiniz.
🔹 Parisdə əsas qadağa skuterlərin düzgün park edilməməsi görə idi, kim harada gəldi atıb gedirdi onları.
🔹 Paris bunları qadağan etməklə, yenə də ikitəkərli mobillik üzərində işləməyə davam edir. Daha çox elektrik velosiped icarəsinə üstünlük veriləcək, daha çox velosiped zolaqları salınacaq.
⠀
Yəni, siz "Bizdə də Parisdəki kimi olsun" çağırışları edirsinizsə, ilk növbətə Parisdəki kimi velosiped yollarının uzunluğunu tələb edin. Bu gün Parisdə 700 km velosiped zolağı varsa, Bakıda bu heç 5 km təşkil etmir.

#skuterlər #Paris

İnklüziv şəhərin nümunəsi.
⠀
👩‍🦼 Əlil arabasında bir vətəndaş nəyinki özü sərbəst hərəkət edir, həmçinin küçədə iti gəzdirmək imkanı var.
⠀
Foto: Twitter / parrrrda.

Dünya inkişaf edir və urbanistik trendlərə üstünlük verilir.
⠀
🇺🇸 ABŞ-dan daha bir nümunəni göstərmək istəyirəm. Dünyanın ən avtomobilləşmiş ölkəsində bu gün yolları bu cür avtomobillərdən alıb bordürlə qorunan velosiped yollarına verirlər.
⠀
📍 Denver şəhəri, Kolorado.

#ABŞ #velosipedzolaqları

Əvvəllər Nizami küçəsinin bu hissəsində maşın saxlamaq üçün yer yox idi.
⠀
Ödənişli parklanma bura da gəlib çıxıb və boş yerlər tapmaq olur.
⠀
Məzuniyyətlər mövsümü bitəndən sonra yaranan vəziyyət maraqlıdır.

#parklanma

🔄 Ukrayna dairəsi belə ola bilərdi, amma olmadı.
⠀
2021-ci ildə Bakı Nəqliyyat Agentliyi yaxşı bir təklif irəli sürmüşdü. Lazımsız dərəcədə geniş və konflikt nöqtələrlə dolu Ukrayna dairəsini turbo-dairəyə transformasiya etmək istəyirdi. Bu cür turbo-dairələrdə hərəkət zolaqları arasında münaqişələr minimuma endirilir, nəticədə ümumi axının sürəti artırılır.
⠀
Üzərindən iki il keçsə də, bu layihə reallaşmadı, güman ki ona görə ki digər aidiyyatı qurumlar buna razlıq vermədi. Artıq yol hərəkətinin təşkili səlahiyyəti AYNA-ya verilib, ümid edirəm, yeni qurum bu təşəbbüsü yenidən irəli sürər.

#AYNA

Yaxşı mühitdən danışarkən biz bu prinsipi məkanlara da tətbiq edə bilərik. Lənkəranda olarkən "Tor" kofeşopa baş çəkdik. Regionlar üçün çox fərqli və unikal bir üslubda yaradılan "TOR" kofeşop öz birbaşa funksiyasından əlavə həmçinin gənclərin sosiallaşa biləcək bir məkana çeviriblər.
⠀
https://youtu.be/Wnx_mu-izZM?si=QkwMWIVlcabmawbj

🔹 P.S. Video reklam xarakterini daşımır, həqiqətən yaxşı bir sosial məkanın nümunəsidir.

#vloq #regionlar #Lənkəran

Şəhər deqradasiyasının nümunəsi.
⠀
Binanın sökülməsi və onun qabağında obyektin tikilməsi ilə yanaşı, nədənsə piyada keçidi də yoxa çıxıb.
⠀
Foto: İbrahim Cəfərli.

UPD: İzləyicilər yazır ki, piyada keçidi yerindədir və xətlənib.

#əvvəlsonra

Gözəl keçmişə qayıtmaq istəyənlər üçün Bakıda nişan tapıldı. 🌞
⠀
Ciddi danışsaq, necə olur ki, aktuallığını 4 il əvvəl itirilən lövhələr hələ də hətta mərkəz küçələrdən demontaj olunmayıb?
⠀
📍 Üzeyir Hacıbəyli küçəsi.

📣 Əziz dostlar!
⠀
Səhifəmiz birlikdə böyüyür və hər bir izləyici mənim üçün çox dəyərlidir. Sizin üçün daha da maraqlı və keyfiyyətli məzmun yaratmaq üçün köməyinizə ehtiyacım var.
⠀
🔹 2 dəqiqə vaxtınızı ayırıb bu sorğuda iştirak etməyinizi rica edirəm. Yeni mövsümdə həm səhifədə, həm də vloqda daha da faydalı paylaşımlar üçün sizin üçün çalışacağıq.

https://forms.gle/MTn1FNLU8VzNmdHP6
⠀
Öncədən hər birinizə təşəkkürlər! 💚

#sorğu

Parkovşiklə səmimi söhbət.

Prinsipcə sirr deyildi ki, qeyri-qanuni parklanma "mafiya" tipli idarə olunurdu.

Deyir, bizə gündə 12 manat pul qalır. Yəni, bunların qazancı ayda heç 400 AZN təşkil etmir. Düşünürəm ki, bu insanları işsiz saxlamamaq üçün, elə AzParkinq strukturuna nəzarətçi kimi götürmək olar.

Yaxın illərdə onsuzda parklanmaya ciddi nəzarətə ehtiyac var. Heç olmasa normal maaş və rəsmi iş yerləri olar.

#parklanma