⚡️ Yol qəzalarında yeganə səbəbkar insanlar özləri deyil.
⠀
Yol infrastrukturu özü belə olmalıdır ki, qəza riski minimuma endirilsin. Bunun üçün inkişaf etmiş şəhər və ölkələrdə yolları elə layihələndirirlər ki, orada hərəkət etmək özü-özünə təhlükəsiz olsun. Maşınla, piyada, velosipedlə - fərq etməz.
⠀
📍 Bu gün Heydər Əliyev prospekti maqistral kimi tikilməsəydi, bu həm ağır qəzaların qarşısını alardı, həm daha çox insan daşıya bilərdi, həm də daha yaşıl və səs kirliyindən azad olan bir məkan olardı. 🇳🇴 Oslo şəhərinin nümunəsini əlavə edirəm.

#təhlükəsizlik #visionzero

🏖 Dəniz qırağı tək "lejanka", "zontik" və restoran anlayışı ilə bitmir. Çimərlik şəhərin ən maraqlı ictimai məkanına çevrilə bilər.
⠀
Burada velosiped zolaqları, kinoteatr və hətta kitabxana (Beach Library) təşkil etmək olar. İcarədən qazanılan pullara isə həmin dəniz qırağına qulluq etmək olar, onu səliqəli saxlamaq olar.
⠀
🇮🇱 İsrail və 🇺🇸 ABŞ-dan maraqlı nümunələr.

#İsrail #ABŞ

🇦🇿 Füzuli şəhərində yeni salınan küçənin görünşü heç də ürəkaçan deyil.
⠀
Çox təəssüf ki, işğaldan azad olunan regionlarımızda hətta sıfırdan salınan şəhərlərdə yenə də küçə layihələndirmə məsələlərində müasir yanaşmanı tətbiq etmirlər.
⠀
Görünür ki, yenə də yeganə önəmli prinsip - "əsas geniş yol olsun". Bəli, fikir vermək olar ki, burada velosiped yolu və geniş səkilər nəzərdə tutulub, bu yaxşı haldır, lakin yolun bir tərəfinə digər tərəfinə keçmək çox təhlülkəli və narahat görünür.
⠀
Çünki:
🔹 Piyada keçidlərinin sayı kifayət qədər deyil, onlar hər yolayrıcında olmalıdır, burada isə bu uzunluqda cəmi 2 ədəd görünür;
🔹 4-zolaqlı yolların kəsişməsində mütləq svetoforlar qoyulmalıdır (ümid edirəm, qoyulacaq);
🔹 Piyada keçidləri əgər nizamlanan deyil, mütləq təhlükəsizlik adacıqları olmalıdır;
🔹 Görürük ki, parklanma yerləri sadəcə boya ilə işarələnib, onların səki çıxıntısı ilə olması ilə etməsi daha məsləhətdi, Ağ Şəhərdəki kimi, onsuzda sıfırdan edirsiniz;
🔹 Velosiped yolları səkilərdə var, amma velosiped yolunun keçidləri yoxdur nə yolayrıcıda nə də piyada keçidlərinin yanında.
⠀
🇸🇪 Müqayisə üçün İsveçin paytaxtından bir küçənin fotosunu əlavə edirəm. Fərq göz qabağındadır.
⠀
Bunların hamısını danışanda, söhbət gözəllikdən getmir, bu daha vacib olan təhlükəsizlik məsələsidir. Bu gün İsveçin əhalisi Azərbaycan ilə demək olar ki eyni olsa da, onlarda qəzalarda qat-qat bizdən az insan ölür. Çünki İsveçdə infrastruktur özü təhlükəsizdir.
⠀
❗️ Ümid edirəm, nə qədər ki gec deyil, yenidən salınan bütün şəhərlərdə yanaşma dəyişəcək.

#Qarabağ