🚲 Daha bir küçədə velosiped zolağı təşkil edilib.
⠀
🔹 Afiyəddin Cəlilov küçəsində təmir işləri bitir, izləyicinin göndərdiyi fotodan görünür ki, burada zolaqlanma işləri aparılmasına başlanılıb və artıq ilk cızıqlardan görünür ki, velosiped zolaqları nəzərdə tutulub.
⠀
🔸 Bu küçənin bəzi yerlərində səkilərlə də problemlər var, təəssüf ki, indiki layihədə yalnız asfalt örtüyünün dəyişməsi həyata keçirilib.

❗️ UPD: Avtobus zolağı hələ ki olmayacaq.

#velosipedzolaqları

🛣 Vaxtilə Bakının küçələri maksimum genişləndirilib, asfaltlanıb və avtomobillərin ixtiyarına verilib.
⠀
🔸 Nədənsə şəhəri daha ədalətli etmək lazımdır deyəndə, dərhal "sürücüləri sıxışdırırlar" etirazları ortaya çıxır. Unutmayaq ki, son 20 il ərzində ölkədə yalnız və yalnız avtomobillərin hərəkətini daha sürətli etmək üçün çalışıblar. Bunun üçün səkiləri daraldıb və ağacları kəsiblər, 2 milyonluq (!) şəhərdə tramvayı ləğv ediblər.
⠀
🔸 Nəticəsi də bəllidir - tıxaclar, bərbad ictimai nəqliyyat, piyada gəzmək üçün şərait demək olar ki yoxdur. Ekoloji vəziyyət də bəllidir. Xoşbəxt olduqmu? Xeyr.
⠀
❗️ Bunun bir çıxış yolu var - şəhəri insan yönümlü etmək, ilk növbədə gündəlik avtomobil istifadəsini azaltmaq, digər hərəkət iştirakçılar üçün uyğun şərait yaratmaqdır.
⠀
📍 Bakı şəhəri, Xocalı prospekti ("Ağ Şəhər"-in yanı).

#yollarıngenişləndirilməsi

❓ Unudulmuş dairə?
⠀
🚧 8 noyabr prospekti və Afiyyədin Cəlilov küçələrini təmir edirlər, lakin onları birləşdirən arasındakı “asfalt səhrasına” bənzər bu ərazi nəyə görəsə diqqətdən kənarda qalıb.
⠀
🔸 Ümid edək ki, müasir standartlar bura da gəlib çıxır. Ətraflı #minivloq’da.

🇺🇸 Amerikalılar maşın xəstəsidir.
⠀
Dənizin düz qırağına avtomobil ilə girirlər. Tanış mənzərədir? 🙂

#ABŞ

💯 100 manat öz sözünü deyir?

📍 Ş. Bədəlbəyli küçəsi.

#avtobuszolaqları

🚲 8 noyabr prospektində velosiped yolunun bir hissəsini artıq asfaltladılar.

#8noyabrprospekti #velosipedzolaqları

🚍 İctimai nəqliyyatının reputasiyası haqqında.
⠀
💬 Bu gün sosial şəbəkələrdə taksi xidmətlərinə dair iki şikayət rastıma gəlib. İnsanlar narazıdır ki, taksilərin qiyməti artıb, lakin əvəzində keyfiyyətli xidmət yoxdur (avtomobillər yenə də köhnə, kondisionerlər qoşulmur).
⠀
🚕 Çünki nə baş verdi? İnsanları kütləv taksi istifadəsindən çəkindirməyə başladılar, amma ictimai nəqliyyata heç olmasa şifahi olaraq cəlb etmək üçün demək olar ki, heçnə edilməyib, bircə qiymət qaldırılıb.
⠀
☑️ Bəli, avtobus zolaqlarının sayı artırıldı, bir az velosiped zolaqları salındı, lakin insanlara bu məlumat düzgün çatdırılırmı?
⠀
Misal üçün, aşağıdakı suallara kim cavab verəcək?
❓ Yeni BUS zolaqların sayəsində hansı avtobuslarda gediş müddəti azaldı?
❓ Bakının hansı nöqtələri arasında ictimai nəqliyyat və velosipedlə maşından daha tez çatmaq olar?
❓ Yaxın zamanda marşrut şəbəkəsi necə dəyişəcək? Xəritə varmı?
❓ Hansı yeniliklər gözlənilir?
⠀
Siyahını davam etmək olar. Təbii ki, yaxşı işlər görülür, lakin cəmiyyət məlumatsızdır. Bakı Nəqliyyat Agentliyinin layihələri az olsa da, səhvlər olsa da, BNA onları təqdim etmək bacarırdı.
⠀
🔸 Biz hazırda elə bir mərhələdəyik ki, bizdə ictimai nəqliyyat "kasıbın nəqliyyatı" reputasiyasına malikdir. Rəsmi təbliğat və maarifləndirməyə çox ehtiyac var.

🔸 Təbii ki, bu işlər parallel olaraq ictimai nəqliyyatın inkişafı ilə aparılmalıdır, bu istiqamətdə nə etmək lazımdır - daha detallı bu həftə ətraflı danışarıq.

#ictimainəqliyyat #analitika

🚧 Afiyəddin Cəlilov küçəsində son vəziyyət.
⠀
🚲 "Meqafan" tərəfdə velosiped zolağını yer tapılmadı, amma çıxış yolu da var. AYNA üçün təklifim.
⠀
#minivloq

🇸🇰 Düzgün cavab Bratislavadır.
⠀
🚲 Həmin küçədəki velosiped zolağının eninə fikir verin. Bu hələ birtərəflidir, əks tərəfdə də bu ölçüdə zolaq var.
⠀
🔹 Bratislavadan ətraflı reportajı izləməyənlər üçün link.

#Bratislava