Bir çoxlarınız bayram günlərində uzaq yola çıxacaqsınız. 🚗
⠀
Sükan arxasında ehtiyatlı olun, şəhər tıxacından çıxan kimi "qaza basıb" 130-140 sürətlə "radarsız" yollarda sürməyin heç bir mənası yoxdur. Uzağı yarım saat vaxt udacaqsınız.
⠀
Sərnişin kimi səyahət edirsinizsə, bunu sürücüyü də başa salın. Maşında əyləşən hər kəsdən kəməri taxmağı tələb edin.
⠀
Öz adımdan bu səhifəni daimi izləyən və dəstək göstərən hər kəsə təşəkkür etmək istəyirəm, sizə və yaxınlarınıza insan yönümlü bir şəhərdə yaşamağı arzu edirəm.
⠀
Bayramınız mübarək! 🎉

❓ O gün soruşmuşdum, "Kim bilir, bu nədir?"

Ətraflı izahı videoda. Düşünürəm ki, Bakıda bir çox parkinq üçün zəbt olunan səkiləri bir gün belə parkletlərə çevirməklə insanlara qaytarmaq olar.

Tam videoya burada.

#parklet

🇭🇺 Budapeştin ictimai nəqliyyatının ətraflı icmalı.
⠀
Budapeştdə bir neçə ictimai nəqliyyat növü var, hamısı da saat kimi çalışır. Məhs bunun sayəsində insanlar daha az avtomobildən istifadə edir və tıxaclar Bakıdakı kimi dəhşət dərəcədə deyil.
⠀
🔹 Yeni videoda Budapeştin əsas ictimai nəqliyyatında - metro və tramvayda gəzişdim, onları ətraflı göstərdim. Həmçinin yaxşı ictimai nəqliyyatın 5 vacib amillərdən danışdım.
⠀
https://youtu.be/mbGnNeOcys8
⠀
Videoların davamlı olmasına ən yaxşı dəstək isə Patreon-da abunə olmaqdır. 💚

#ictimainəqliyyat #Budapeşt #vloq

❗️ Bu gündən etibarən Aeroport yolunda maksimal sürət həddi saatda 90 km/s olacaq.

Yeni nişanlar artıq quraşdırılıb. Elektron tablolarda zolaqlar üzrə sürət 90/90/90/70 müəyyən edilib (əvvəl 110/110/90/70).
⠀
🔹 Eyni zamanda, Heydər Əliyev prospektində (Mərkəz-Koroğlu olan hissədə) sürət bütün zolaqlar üzrə 70 km/s olacaq.

#təhlükəsizlik

❗️ Şad xəbər var. Lazımsız və qanunsuz piyada keçidi, görünür ki, sökülür.
⠀
Koroğlu Rəhimov küçəsində son vaxtlar gündəmə gətirdiyimiz məsələ öz həlli tapmaq üzrədir.
⠀
Xatırladım ki, burada normal eynisəviyyəli nizamlanan keçid ola-ola əlçatan olmayan və müasir şəhərsalmaya zid olan yerüstü keçid tikirdilər.
⠀
Bu haqda çəkdiyim videoya 7 mindəm çox baxış gəlib. Məsələni işıqlandıran İTV və digər media resurslar da sağ olsun.
⠀
🔹 Müvafiq dövlət qurumlarına da düzgün qərara görə təşəkkürlər. Növbəti addım - digər mövcud küçədənkənar keçidləri eynisəviyyəli keçidlərlə əvəz edilməsidir.

#piyadakeçidi

👆 Yaxşı infoqrafikadır.

Həm də, sürücülərin nəzərinə çatdırım ki, 90 sürətlə gedəndə ortastatistik avtomobildə təxmini 20-30% yanacaq sərfiyyatı da azalır. Yəni, büdcəyə də qənaətdir.

#təhlükəsizlik #infoqrafika

🇸🇪 Bu günü sizi dünyanın ən təhlükəsiz şəhərinə dəvət edirəm.
⠀
İsveçin əhalisi Azərbaycan qədər olsa da, bu ölkədə yol qəzalarında bizdən 4-5 dəfə daha az insan həlak olur. Amma burada siz yeraltı/yerüstü piyada keçidlərinə rast gəlməyəcəksiniz. Yolları isə bizdən dar olsa da, burada tıxaclar olmur.
⠀
💡 Bunun sirri nədir? "Vision Zero" proqramının vətəni olan Stokholm şəhərini gəzdim və əsl yol təhlülkəsizliyini göstərməyə çalışdım.
⠀
https://youtu.be/Thwd9B8dDFs
⠀
🔹 Qeyd edim ki, İsveçdən bir neçə reportaj buraxmaq planda var, siz isə görülən işlərə öz dəstəyinizi göstərə bilərsiniz: https://t.me/city4people_az/1114

#Stokholm #vloq

🇨🇴 Boqota şəhərində ayrılmış avtobus zolağı sizi belə tıxacdan xilas edə bilər.
⠀
Avropa deyil bura, Cənubi Amerikadır. Burada da başa düşürlər ki, insanlara seçim vermək lazımdır. Ya öz maşınında daha komfortlu, amma daha gec və tıxacda, ya da ictimai nəqliyyatla, ayaq üstə gedə bilərsən, lakin vaxtında çatacaqsan.

#avtobuszolaqları

✅ Koroğlu Rəhimov küçəsindəki lazımsız yerüstü piyada keçidi tarixə qovuşdu.

Paylaşdı: Road Safety

#piyadakeçidləri #əvvəlsonra

Amsterdam deyil, Tbilisidir. 🇬🇪
⠀
İnfrastrukdur yaradıqca, onun istifadəçiləri də peyd olunacaq. 10 il bundan əvvəl Gürcüstanda belə bir mənzərə təsəvvür etmək olmazdı.
⠀
🚲 Amma şəhər meriyası kütləvi velosiped zolaqları salmağa başladı və velosiped istifadə edən vətəndaşların sayı artmağa başladı. Bu gün Bakının da belə islahatlara çox böyük ehtiyacı var.
⠀
Foto: Viktor Tsilosani

#Tbilisi #velosipedzolaqları

🇬🇪Gürcüstanlı bir izləyici səhifədəki postu paylaşaraq yazır:
⠀
💬 "Bakılılar tez-tez Tbilisi şəhərinin təcrübəsini paylaşırlar. Onlarda bizdən daha çox pul, daha çox biliyi və resurs var. Lakin onların avtomobil hərəkətini limitləşdirmək üçün cəsarəti yoxdur."
⠀
Düz sözə nə deyəsən?!