አደገኛ ወንጀል ነው!

አለም አቀፉ የጉምሩክ ድርጅት /WCO/ ኮንትሮባንድን እንደሚከተለው ይተረጉመዋል፡፡ ኮንትሮባንድ ማለት ማንኛውም በህግ የተከለከለ አሰራር ሲሆን እነርሱም፡- ከማምረት /production/፣ ከማጓጓዝ /shipment/፣ ከመቀበል /receipt/፣ ባለቤት ከመሆን /possession/፣ ከማከፋፈል /distribution/፣ ከመግዛትና መሸጥ እንዲሁም ማንኛውም ለዚህ አሰራር ሁኔታዎችን ማመቻቸትን /facilitation/ ያካትታል፡፡

የኢትዮጵያ ጉምሩክ አዋጅ ኮንትሮባንድን <<ህጎችንና በህግ መሰረት የወጡ መመሪያዎችን በመተላለፍ ወደ ጉምሩክ ክልል ዕቃዎችን ማስገባት፣ በህጋዊ መንገድ የወጡትን በህገ ወጥ መንገድ መልሶ ማስገባት፣ መያዝ፣ ማከማቸት፣ ማዘዋወር፣ ማስተላለፍ፣ እንዲገቡ ወይም እንዲወጡ ለማድረግ መሞከር፣ እንዲሁም እነዚህ ዕቃዎችን መግዛትን፣ መሸጥንና ለዚህ ድርጊት ተባባሪ መሆንን ያጠቃልላል፡፡; በማለት ተርጉሞታል።

1. የኮንትሮባንድ ወንጀል በሀገር ኢኮኖሚ ላይ ብቻ ሳይሆን የህዝብን ጤንነት፣ የሀገርን ሰላምና ፀጥታ የሚያውኩ ዕቃዎችን በማስገባት አገራዊ ደህንነትን አደጋ ላይ የሚጥል አደገኛ ወንጀል ነው፡፡
2. ከኢኮኖሚ አንፃር የኮንትሮባንድ ወንጀል ህጋዊ ነጋዴውንና አምራቹን አዳክሞ ከገበያ በማስወጣት ምርታመነትንና ህጋዊ ንግድን ያቀጭጫል፤ ህጋዊ የንግድ ውድድርን ያዳክማል፤ የመንግስትን የገቢ ምንጭ ያደርቃል፡፡
አማራጭ የሕግ እውቀት
👉Telegram👈
https://t.me/lawsocieties

👉Facebook Page 👈
https://www.facebook.com/lawsocieties/

👉 LinkedIn 👈
https://www.linkedin.com/company/lawsocieties/

👉YouTube 👈
https://youtube.com/@Ale_Hig

የኢትዮጵያ ልማት ባንክን ጨምሮ ስምንት የመንግስት ልማት ድርጅቶች በኢንቨስትመንት ሆልዲንግስ ስር እንዲተዳደሩ ተወሰነ

ለመንግስት የልማት ድርጅቶች ይዞታ እና አስተዳደር ተጠሪ የነበሩ የልማት ድርጅቶች ከአሁን ጀምሮ በባለቤትነት የሚተዳደሩትና የሚመሩት በኢትዮጵያ ኢንቨስትመንት ሆልዲንግስ ስር መሆናቸው ተገልጿል።

የኢትዮጵያ ልማት ባንክ ፣ ኢትዮ ፖስት ኢትዮ ኢንጂነሪንግ ግሩፕ፣ የኢትዮጵያ የኢንዱስትሪ ግብአቶች ልማት ድርጅት፣ የኢትዮጵያ ምድር ባቡር ኮርፖሬሽን፣ የኢንዱስትሪ ፓርኮች ልማት ኮርፖሬሽን፣ የኢትዮጵያ ኤሌክትሪክ ሃይል ኮርፖሬሽን እና ለኢትዯ ፋርማ ግሩፐ ተጠሪ የሆኑት ብሔራዊ የእንስሳት ጤና ጥበቃ ተቋምና ሺልድ ቫክስ በኢንቨስትመንት ሆልዲንግስ ስር እንዲሆኑ የተደረጉት መንግስታዊ ተቋማት ናቸዉ።

የኢትዮጵያ ኢንቨስትመንት ሆልዲንግስ ዋና ስራ አስፈፃሚ ብሩክ ታዬ ( ዶ/ር) እንደተናገሩት እነዚህ የልማት ድርጅቶች ለኢትዮጵያ ኢንደስትሪላይዜሽን እና የዕድገት ምኞቶችን ለማሳካት ወሳኝ ናቸው ብለዋል፤ "እኛም ባለን ትኩረት፣ ሙያዊ አስተዳደር እና ንቁ ባለቤትነት እነዚህን ድርጅቶች ወደ አዲስ የስራ አፈጻጸም እና ፈጠራ እንደምናመጣ እርግጠኞች ነን" ሲሉም እርምጃውን አድንቀዉታል።

የኢትዮጵያ ኢንቨስትመንት ሆልዲንግስ (ኢኢሆ) በሚኒስትሮች ምክር ቤት ደንብ ቁጥር 487/2022 የተቋቋመ ድርጅት ሲሆን አሁን ላይ አዳዲሶችን ጨምሮ በአጠቃላይ ከ 25 በላይ የመንግስት የልማት ድርጅቶችን በባለቤትን እያስተዳደረ እንደሚገኝ ተገልጿል ።
Source: capitalethiopia
ከጠበቃና የሕግ አማካሪ አማራጭ የሕግ እውቀት እና አገልገሎት
Alternative legal enlightenment and Service
https://linktr.ee/alehig
alehig.com

ከማይንቀሳቀስ ንብረት ጋር በተያያዘ የመንደር ውል ህጋዊ የሚሆንባቸው 5/አምስት/ ሁኔታዎች 👉(Abraham Yohanes)

✅ የማንይቀሳቀስ ንብረትን ለማስተላለፍ ወይም የማይንቀሳቀስ ንብረት ላይ ያለ መብትን ለማስተላለፍ የሚደረግ ውል በ ፍርድ ቤት ወይም ውል ለማዋዋል ስልጣን በተሰጠው አካል ፊት ካልተደረገ ተቀባይነት የለውም። ነገር ግን ከተወሰኑ የሰበር ችሎት ውሳኔዎች በመነሳት የመንደር ውል ህጋዊ ተብለው የሚቆጠሩበት ሁኔታዎች አሉ። እነዚህ 5 ሁኔታዎች የሚከተሉት ናቸው።

❶ኛ የሽያጭ ውል መኖሩ ከታመነ ወይም ካልተካደ

✅ ገዢ ውል እንዲፈፀምለት ክስ አቅርቦ ከሳሽ መከላከያ መልሱ ላይ በመካከላቸው ውል መኖሩን ካመነ ወይም ካልካደና በሌሎች ነጥቦች ላይ መልስ ከሰጠ ፍርድ ቤቱ በራሱ አነሳሽነት ውሉ በፍርድ ቤት ወይም ውል ለማዋዋል ስልጣን በተሰጠው አካል ፊት አልተደረገም ብሎ ውድቅ ሊያደርገው አይችልም።

❷ኛ በማህበር በመደራጀት የተሰራ ቤት በሽያጭ ማስተላለፍ (ሰ/መ/ቁጥር 36294 ቅፅ 8)

✅ በማህበር በመደራጀት እየተሰራ ያለ ቤት ቤቱ ተጠናቆ ካርታ እስኪወጣለት ድረስ የማህበሩ አባል የሆነ ሰው ይህን ቤት ቢያስተላልፍ ቤት የመስራት መብቱን ወይም እጣውን እንዳስተላለፈ እንጂ የማይንቀሳቀስ ንብረትን እንዳስተላለፈ አይቆጠርም። የማህበሩ አባል በስሙ ካርታና የባለቤትነት ማስረጃ እስካልተሰጠው ድረስ ቤቱ ወይም እየተሰራ ያለው ቤት በማህበሩ አጠቃላይ ይዞታ ስር የሚገኝ በመሆኑ የማህበሩ አባል ለ 3ኛ ወገን ሊያስተላልፍ የሚችለው እጣውን ወይም ጥቅሙን እንጂ የማይንቀሳቀስ ንብረት ላይ ያለውን መብት አይደለም። እንዲህ አይነት ውሎች የግድ ስልጣን በተሰጠው አካል ፊት ሊረጋገጡ አይገባም።

❸ኛ ያልነበረን ቤት ሰርቶ ለማስተላለፍ የሚደረግ ውል (ሰ/መ/ቁጥር 32222 ቅፅ 7)

✅ ብዙን ግዜ እንዲህ አይነት ውል ከ Real Estate ቤቶች ግንባታ ጋር የተያያ ነው። ምንም እንኳን ውላቸው ላይ የማይንቀሳቀስ ንብረት ሽያጭ ውል ቢሉም ዉሉ በሚደረግበት ግዜ ቤቱ ያልነበረ በመሆኑ የማይንቀሳቀስ ንብረት ባለሀብትነት ከአንዱ ወደ ሌላው ተላልፏል ሊባል አይችልም። ያልነበረን ቤት ሰርቶ ለማስተላለፍ የሚደረግ ውል የግንባታ ውል እንጂ የማይንቀሳቀስ ንብረት ሽያጭ ውል ሊባል የሚችል ባለመሆኑ ውሉ በፍርድ ቤት ወይም ውል ለማዋዋል ስልጣን በተሰጠው አካል ፊት መረጋገጥ አይኖርበትም።

❹ኛ አዋዋይ ፊት ቀርቦ ነገር ግን አስተዳደራዊ ወይም የፕሮቶኮል ጉዳዮች ለተወሰነ ግዜ ሳይፈፀምበት የቆየ የመንደር ውል (የሰ/መ/ቁጥር 36740 ቅጽ 8)

✅ ችሎቱ በዚህ መዝገብ ላይ በሰጠው ውሳኔ መሠረት በግራ ቀኙ መሀከል የተደረገው የመንደር ውል ስልጣን በተሰጠው አካል ፊት ቀርቦ ነገር ግን አስተዳደራዊ ወይም የፕሮቶኮል ጉዳዮች የተሟሉት የተወሰነ ግዜ ከቆየ በኋላ ቢሆንም ውል ለማዋዋል ስልጣን በተሰው አካል ፊት ያልተደረገ ነው በሚል ውድቅ ሊደረግ አይገባም የሚል ነው።

✅ ችሎቱ በዚህ መዝገብ ላይ እንዳለው ቤቱን የሚመለከቱ እዳና እገዳ ለማጣራትና ክፍያ ለመፈፀም የውልና ማስረጃ ምዝገባ ጽ/ቤት በውል ላይ ማህተም ሣያሣርፍበትና የፕሮቶኮል ቁጥር ሰጥቶ ሣያረጋግጥበት የተወሰነ ጊዜ ያለፈ ቢሆንም እነዚህ አስተዳደራዊ ጉዳዮች እስኪከናወኑ ድረስ በውል ላይ ማህተም ሣያርፍበት መቆየቱ ወይም የፕሮቶኮል ቁጥር ሣይሰጠው መዘግየቱ ውል እንዳልተደረገ የሚያስቆጥረው ነው ለማለት አያስችልም፡፡

❺ኛ የሊዝ መብትን ለማስተላለፍ የሚደረግ ውል (የሰ/መ/ቁጥር 191095 & 225796)

✅ በሊዝ የተገኘ ይዞታ ላይ ግንባታ ከመጀመሩ በፊት ወይም ተጀምሮ በግማሽ ከመጠናቀቁ በፊት የሊዝ መብት ዘመኑ እስከሚጠናቀቅ ድረስ በቦተው የመጠቀም መብትን ማስተላለፍ ይቻላል። ነገር ግን የሚተላለፈው በቦታው ላይ ግማሽ ግንባታ ከተከናወነ በኋላ ከሆነ በቦታው ላይ የመጠቀም መብት ብቻ ሳይሆን በቦታው ላይ ከተሰራው ህንፃ ጭምር በመሆኑ የሊዝ መብት ማስተላለፍ የማይንቀሳቀስ ንብረት እንደ ማስተላለፍ ይቆጠራል። ስለዚህ ሁለት ነገር መታየት ይኖርበታል። የመጀመሪያው አንድ ሰው መሬት በሊዝ ወስዶ ምንም አይነት ግንባታ ካልፈፀመበት ወይም ግንባታ ጀምሮ በግማሽ ከማጠናቀቁ በፊት የሊዝ መብቱን በመንደር ውል ማስተላለፍ ይችላል። ሁለተኛው የግንባታው ደረጃ ግማሽና ከዛ በላይ የደረሰ ከሆነ ግን የሚተላለፈው በቦታው ላይ የመጠቀም መብት ብቻ ሳይሆን በቦታው ላይ የተገነባውን የማይንቀሳቀስ ንብረት ጭምር በመሆኑ ውሉ ውል ለማዋዋል ስልጣን በተሰጠው አካል ፊት ቀርቦ መረጋገጥ ይኖርበታል።
https://t.me/Law_issue

ሊፈጠር የሚችለውን ቅሬታ ስለማንሳት/ ይፋ ስለማድረግ፡ የውጭ አገር ዜጎችን የማይንቀሳቀስ ንብረት ባለቤት እና ባለይዞታ ሊያደርግ ይችላል በተባለው ረቂቅ አዋጅ ላይ ጥቂት እይታዎች

1. አሁን ያለው የሕግ ሥርዓት (የቀድሞው ሕግ - የፍትሐ ብሔር ሕግ አንቀጾች 390-393)
 አጠቃላይ መርህ፡ ገደብ ከሌለ በቀር የውጭ ዜጎች በፍትሃ ብሔር መብቶቸ፣ የመስራትና የመጠቀም መብቶችን በሚመለከት ረገድ እንደ ኢትዮጵያውያን የሚቆጠሩ መሆኑን ተድንግጎ ይገኛል፡፡ (አንቀጽ 389(1)) ።
 መሰረታዊ ገደቦች፡- በ‹ንጉሰ ነገስቱ ትእዛዝ› በግልፅ ካልተፈቀደ በስተቀር የውጭ ዜጎች በኢትዮጵያ ውስጥ የማይንቀሳቀስ ንብረት ባለሃብት ሊሆን እንደማይችል በአንቀጽ 390 ስር የተቀመጠውን ድንጋግይ በግልፅ ይከለክላል (ይህም ከንጉሠ ነገሥቱ በኋላ በነበረው ዘመን ከመንግሥት ከፍተኛ ባለስልጣን ይሁንታ ወይም ድንጋጌ ጋር ይዛመዳል) ።

 ማስፈጸሚያ፡- የውጭ አገር ዜጎች ሰዎች ንብረቱን ያለፍቃድ ካገኙ በኋላ በስድስት ወራት ውስጥ ለኢትዮጵያዊው መሸጥ ይጠበቅባቸው ነበር፣ ምንም እንኳን በቅን ልቦና ቢያደርጉም፣ ለምሳሌ በውርስ (አንቀጽ 391) ። ይህን ያለማድረግ ንብረቱ በመንግስት ባለስልጣኖች ጠያቂነት ተይዞ በግዳጅ ሽያጭ ለኢትዮጵያዊ እንዲተላለፍ የሚደረግ መሆኑ ይህ ተግባር ላስከተለው ወጪና ደንብ መተላለፍ ደግሞ የሽያጩ 20% የገንዘብ ቅጣት የሚጣል ስለመሆኑ ተደንግጎ ይገኛል፡፡(አንቀጽ 392(1) እና (2))።
 የተፈፃሚነት ወሰን፡- ከሙሉ የባለቤትነት መብት በተጨማሪ እነዚህ ገደቦች ከባለቤትነት ጋር በተያያዙ መብቶች ላይም ተፈጻሚ ይሆናሉ፡፡ ለምሳሌ የአላባ ጥቅም (ከሌላ ሰው ንብረት የመጠቀም እና ትርፍ የማግኘት መብት) ወይም ምናልባትም የባለቤትነት መብትን በሚመስሉ የረጅም ጊዜ የሊዝ ውል (አንቀጽ 393)።
 አመክንዮ (ከህጉ በውስጠ ታዋቃኒት ሊወሰድ የሚችለው ግምት)፡- የዚህ ማዕቀፍ ታሪካዊ ዳራ ሲቃኝ የጠባቂነት አካሄድን(Protectionist stance) የሚያንፀባርቅ ሲሆን ምናልባትም መሬት በዋነኛነት ለኢትዮጵያውያን እንዲቆይ፣ አስፈላጊ በሆነው አገራዊ ሃብት (መሬት) ላይ የውጭ ቁጥጥርን ለመከላከል እና ምናልባትም ከኢኮኖሚ ብዝበዛ ወይም ከልክ ያለፈ የውጭ ተጽእኖ ለመከላከል ታስቦ የተቀረፀ እንደነበር ደርሳናት ይጠቁማሉ።
2. አዲሱ ረቂቅ ህግ፡ ጠቃሚ ነጥቦች እና ግምገማ
ረቂቅ ህጉ ዜና ከ65 አመታት በላይ የቆየውን ገደብ የሚያነሳ በመሆኑ ጠቃሚም አከራካሪም የህግ፣ ህገመንግስታዊ፣ ማህበራዊ እና ኢኮኖሚያዊ ጉዳዮች አሉት፡፡
ሀ. ሕገ መንግሥታዊነት እና ሕጋዊነት፡-
 ሕገ መንግሥታዊ መሰናክል (የኢፌዲሪ ሕገ መንግሥት አንቀጽ 40(3)) ፡ ትልቁ የሕግ እንቅፋት ይህ ነው። “መሬት የኢትዮጵያ ብሔሮች፣ ብሔረሰቦችና ሕዝቦች የጋራ ንብረት በመሆኑ ለሽያጭም ሆነ ለሌላ መገበያያ መንገዶች ሊተላለፍ አይችልም” በማለት አንቀጽ 40(3) በማያሻማ ሁኔታ ይናገራል። እንዲሁም መሬት የመንግስት ወይም የህዝብ ንብረት እንደሆነ እና ዜጎች በትክክል መሬቱን የያዙ እንዳልሆኑ ይልቁንም የመጠቀም መብት እንዳላቸው (በአብዛኛው በመንግስት ሊዝ) መሆኑን በግልፅ አስቀምጧል። በግንባታ እና በመሬት ባለቤትነት መካከል ያለው ዋናው የክርክር ነጥብ ማንም ኢትዮጵያዊ እንኳን ሳይቀር ከስር ያለውን መሬት በግሉ መያዝ ካልቻለ የውጭ ዜጋ እንዴት የማይንቀሳቀስ ንብረት ሊኖረው ይችላል? አብዛኛውን ጊዜ መሬቱም ሆነ በላዩ ላይ ያሉት ሕንፃዎች እንደማይንቀሳቀስ ንብረት የሚቆጠሩ መሆኑ ይታመናል፡፡
 ተገቢነት ያለው ወይም እምቅ ትርጓሜ/ሰርከምቬንሽን፡- ወደፊት ተገቢውን ሂደት ጨርሶ ተግባር ላይ እንዲውል የታቀደው ህግ የመሬቱን እና የህንፃውን ባለቤትነት (ለምሳሌ የፋብሪካ መዋቅር ወይም በጋራ መኖሪያ ቤት ውስጥ ያለ አፓርትመንት) መካከል ያለውን ልዩነት ለመለየት ሊሞክር ይችላል። ምናልባት ልክ እንደ ኢትዮጵያውያን ዜጎች፣ በመንግስት የተሰጠ የመሬት ሊዝ ውል እያለ የውጭ አገር ዜጎች የሕንፃው ባለቤት ሊሆኑ እንደሚችሉ ሊጠቁም ይችል ይሆናል፡፡
 የሕገ መንግሥት ጥናት፡- ይህ አተረጓጎም እንኳን በጥንቃቄ ሊጤን ይገባዋል። በመዋቅሮች ላይ የባለቤትነት እና የሊዝ መብት ለውጭ ዜጎች መስጠት የአንቀጽ 40(3)ን ይዘትና እና መንፈስ ያከብራልን? ዜጎች በሊዝ የመሸጥ መብት ቢኖራቸውም ሕገ መንግሥቱ “ብሔሮች፣ ብሔረሰቦችና ሕዝቦች” የመጨረሻውን የመሬት ባለቤትነት የተጎናፀፉ መሆናቸውን በግልፅ አስቀምጧል። ለውጭ አገር ዜጎች የባለቤትነት መሰል መብቶችን መስጠት - ሕንፃዎችን እና የሊዝ ኮንትራቶችን ብቻ ያካተተ ቢሆንም - ይህንን አስፈላጊ ሀሳብ ያጠፋል ተብሎ ክርክር ሊቀርብበት ይችላል፡፡ በዚህ ሁኔታ "ባለቤትነት" የሚለው ቃል እራሱ እጅግ በጣም ረቂቅ ነው፡፡
 የይዞታ መብት፡- ምንም እንኳን ለውጭ አገር ዜጎች የተሻሻሉ የይዞታ መብቶችን መስጠት (እንደ ረጅም ጊዜ፣ ደህንነቱ የተጠበቀ የሊዝ ውል) “የባለቤትነት መብት” የመስጠት ያህል ሕገ መንግሥታዊ ባይሆንም እነዚህ መብቶች በረቂቅ ሕጉ እንዴት እንደሚገለጹ ልብ ማለት ያስፈልጋል።
 ህጋዊነት ማጠቃለያ፡- ረቂቅ ህጉ “ባለቤትነት” የሕንፃ ባለቤትነት ብቻ እንደሆነ በጥንቃቄ እስካልተደነገገ ድረስ፣ ለዜጎች ካለው የመሬት ሊዝ ሥርዓት ጋር ተዳምሮ፣ የመሬት ባለቤትነትን ከማስተላለፍ ጋር የተያያዘ ማንኛውንም አንድምታ እስካልቀረበ ድረስ፣ ተከራካሪ ከሆነ ሕገ መንግሥቱን የሚጻረር ከፍተኛ አደጋ አለው። ሕገ መንግሥታዊ ድንጋጌዎችን ስንመለከት ያለዚህ ዓይነት ጥንቃቄ የተሞላበት መመዘኛ “ባለቤትነት” የሚለውን ቃል መጠቀም በሕግ አነጋገር እጅግ በጣም አጠራጣሪ መሆኑ አይቀሬ ነው።
ለ. ማህበረ-ኢኮኖሚያዊ ጉዳዮች፡ መፈናቀል እና የመሬት ዘረፋ/ ነጠቃ፡
ይህ በተለይ እንደ አዲስ አበባ ባሉ ትላልቅ የአገሪቱ ከተሞች ውስጥ ትልቅ የህዝብ ጉዳይ ነው።
 ወቅታዊ ጫና፡- ለረዥም ጊዜ ነዋሪዎች ቀደም ሲል በፈጣን የከተሞች መስፋፋት እና የልማት ፕሮጀክቶች (እንደ "ኮሪደር ልማት" ያሉ) ፣ በተደጋጋሚ በቂ የካሳ ክፍያ ላለመከፈልና ለማህበራዊ ትሥስር መበጠስ ተዳርገናል የሚል ስሞታዎችን አልፎ አልፎ በማሰማት ላይ እንደሚገኙም ይሰማል፡፡
 የአለምአቀፍ ፍላጎት ተጽእኖ፡- የውጭ ባለቤትነትን መፍቀድ—ምናልባትም በሀብታሞች ወይም በቢዝነስ ሰዎች—በሚፈለጉ ሰፈሮች የሪል እስቴትን ዋጋ በሚያስደንቅ ሁኔታ ሊጨምር ይችላል። በዝቅተኛ እና መካከለኛ ደረጃ ላይ ለሚገኙ ኢትዮጵያውያን የመኖሪያ ቤት መግዛት ወይም የቀደመ ትሥ ስራቸውን በከተማ ማዕከላዊ ቦታዎች ላይ ማቆየት የማይቻልበት ሁኔታ በዚህ ምክንያት ፍጥነቱን ሊጨምር የሚችልበት አጋጣሚ ሰፊ ሊሆን ይችላል፡፡ በሌላ አገላለፅ እጅግ ጠቃሚ የሆኑ የከተማ ቦታዎች/አከባቢዎች በአገር ውስጥ ባለሃብቶች እና የውጭ ዜጎች እጅ ሊያከማቹ የሚችሉበት ሁኔታ ሊፈጠር ይችላል።
 የመኖሪያ ቤት የማቅረብ አቅም፡- በኢትዮጵያ ውስጥ በሚገኙ የከተማ አካባቢዎች የመኖሪያ ቤት እጥረት ከፍተኛ መሆኑ ይታወቃል፡፡ አሁን ለሚታየው ከፍተኛ የመኖሪያ ቤት እጥረት ለነዋሪዎች አቅርቦትን ለማሳደግ የተሰሩ በርካታ ስራዎች ቢኖሩም ችግሩ በተለያዩ ምክን ያቶች እየጨመረ ከመሔዱ ወጪ ስለመቀነሱ ይፋዊ ሪፖርት ወይም ሳይንሳዊ ጥናት የለም፡፡ ስለሆነም ለዚህ ግዙፍ ችግር ትርጉም ያለውን እርምጃ ሳይወስዱ የውጭ ፍላጎትን ማምጣት ችግሩን የባሰ ሊያባብስ ይችላል፡፡ ይህም የመኖሪያ ቤት ዋጋን

ውድ ግብር ከፋዮቻችን የታክስ እንቅስቃሴ ለውጥ ላይ ከሆነ በመመሪያ 143 /2011 መሰረት ለውጥ የተካሄደባቸውን እንቅስቃሴዎች ያሳውቁ
ማንኛውም ድርጅት ከተመዘገበበት ቀን ጀምሮ ባሉት 30 ቀናት ውስጥ የመመስረቻ ጽሑፍ፣ የመተዳደሪያ ደንብ፣ የሽርክና ማህበር ስምምነት ወይም ሌላ የመመስረቻ ወይም የምዝገባ ሰነድ ቅጂ ለባለሥልጣኑ መቅረብ አለበት፡፡ እነዚህ ሰነዶች ላይ ማንኛውም ለውጥ ሲደረግ ድርጅቱ ለውጡ በተደረገ በ30 ቀናት ውስጥ ለውጡን በጽሑፍ ለባለሥልጣኑ ማሳወቅ አለበት፡፡
ሀ. በንግድ ድርጅቱ ስያሜ ላይ የተደረገ ለውጥ፤
ለ. በድርጅቱ ስም የተመዘገበ፡-
i. ቋሚ የንግድ ሥራ፣ የቢሮ እና የመኖሪያ አድራሻ ለውጥ፣
ii. በማምረቻ ቦታ ወይም ታክስ ከፋዩ በሚጠቀምበት መጋዘን ላይ የተደረገ የአድራሻ ለውጥ፤
iii. በፖስታ ወይም በመደበኛ እና በተንቀሳቃሽ ሰልክ፣ ፋክስ ወይም ኢ-ሜል አድራሻ ላይ የተደረገ ለውጥ፤
ሐ. በዋነኛ የሥራ እንቅስቃሴው ወይም በቅርንጫፍ ወይም በንግድ ሥራው ዘርፍ ወይም መስክ ላይ የተደረገ ለውጥ፤
መ. በድርጅቱ መተዳደሪያ ደንብ ወይም የመመስረቻ ጽሑፍ ወይም የሽርክና ስምምነት ላይ የተደረገ ለውጥ፤
ሠ. በአክሲዮን ባለድርሻ አባላት ላይ የተደረገ ለውጥ፤
ረ. በድርጅቱ ወይም በታክስ እንደራሴው የባንክ ሂሳብ ወይም የባንክ ቅርንጫፍ አድራሻ ላይ የተደረገ ለውጥ፤
ሰ.በታክስ እንደራሴው እና ከሚኒስቴሩ ጋር ግንኙነት በሚያደርግበት የኤሌክትሮኒክስ አድራሻ ላይ የተደረገ ለውጥ፤
ሸ. በተመዘገበና በተከፈለ ካፒታል ላይ የተደረገ ለውጥ፤……………..
ሙሉን ለማግኘት ከላይ የተቀመጠውን መመሪያ ያንብቡ
እናመሰግናለን !!