👉« ለህክምና ወደ አሜሪካ ከመጓዙ በፊት ከተፈሪ ጋር በስልክ ተገናኝተን ነበር። አሜሪካም ሆኖ ተደዋውለናል።ለህክምና ቀጠሮ እንደያዘ ነግሮኝ ነበር።ለመጨረሻ ጊዜ ስንገናኝ ለጥምቀት በዓል የእንኳን አደረሰህ መልዕክት ተለዋውጠናል፡፡»

👉 «ተፈሪን ድራመር ብቻ አድርጎ መውሰድ እሱን ማሳነስ ይሆናል።ተፈሪ እጅግ ሩህሩህ ደግ ለሰው አዛኝ ነው። ይህ በተለምዶ ሰዎች ሲያልፉ የሚባል ሳይሆን የእውነት የኖረበት ስለሆነም ነው፡፡»

👉 «ተፈሪ የሙዚቃ ተመራማሪ፤መምህር፤የሙዚቃ ደራሲ ሲሆን በምርምሩ ረገድ ኢትዮጵያን ከጫፍ ጫፍ ዞሮ ምርምር ያደረገ ሲሆን ውጤቱን ለህዝብ ለማድረስ በተዘጋጀበት ጊዜ ህይወቱ ማለፉ ያስቆጫል፡፡»

👉 «በርግጥም  በተቋማት ደረጃ መሰራት የሚገባውን የባህል እሴትን ማጥናት ብሎም መሰነድን ብቻውን ሲያደርግ የነበረ ታላቅ ሰው ነበር፡፡»

👉« ባለፈው ዓመት በወጣው የየማ እና የኔ አልበም ላይ ከመጀመሪያ እስከ መጨረሻ  ተሳትፎ ነበረው።አልበሙ ላይ የመጀመሪያውን ሳንፕል አሰምቼው ወዶታል።በተለይ ሀገረሰብ የሆኑ ስራዎችን መውደዱ እገዛውን ከፍ አድርጎልን ነበር።ከደጋ ሰው አልበምም ሾንቢቴ ለተሰኘው ሙዚቃ ፍቅር ነበረው። ከወጣ በኃላም ''ታዋቂ አደረጋችሁኝ አይደል? " ዕያለ ይቀልድብኝ ነበር»

👉«ተፈሪ በቅርብ ካሳተመው ኦርጂንስ አልበሙ በተጨማሪ በእጁ ብዙ አርካይቮች አሉት።
የሰበሰባቸው ያጠናቸው ብዙ ስራዎች ነበሩት።በቅጂ ደረጃም የጨረሰውን አልበም አንድ ላይ ሰምተነዋል።
ወደፊት ብዙ የሚሰጠን ስራዎች ነበሩ አንድም ህልፈቱ የሚያስቆጨው ይህ በመሆኑ ነው፡፡»

👉 «ድራም ተጫዋቹ፤መምህሩ፤ተመራማሪውን ተፈሪ  በቀጥታ በስራም ይሁን በተዘዋዋሪ ስለሚገናኘው፤ ስለሚያውቀው ህልፈቱ ለኢትዮጵያ የሙዚቃ እድገት ስብራት መሆኑን ተረድቶታል። ይህ በሌሎች ማህበረሰቦች ዘንድ ተመሳሳይ ነው ከተባለ አይደለም። ነገር ግን ተፈሪን ወደፊት የሚረዱ፤ስራዉ ላይ ምርምር የሚደርጉ ሰዎች በቀጣይ ይፈጠራሉ።»

ሲል የሙዚቃ ባለሙያው እዮኤል መንግስቱ ከኤፍ ኤም አዲስ 97.1 መሰንበቻ ፕሮግራም ጋር የነበረዉን ቆይታ አጠቃሏል።

ተፈሪ አሰፋ በላስታ ሳውንድ፣ ውዳሴ፣ ኢትዮ-ጃዝ እና ነጋሪት ባንድ በሠራቸው ሥራዎቹ ባህላዊ የኢትዮጵያን ሙዚቃዎች የኢትዮ-ጃዝ መንፈስን በማላበስ በሙዚቃ ዓለም ላይ የማይሻር አሻራ አሳርፏል፡፡

በስቱዲዮም ዘመን አይሽሬ የሙዚቃ ሥራዎችን የሠራ ሲሆን፣ በ2011 ዓ.ም በተካሄደው አዲስ ጃዝ ፌስቲቫል ከቃየን ጋር፣ በ2015 ዓ.ም በተካሄደው አዲስ ጃዝ ፌስቲቫል ደግሞ ከኢትዮጵያን ሪከርድስ ጋር በመሳተፍ የኢትዮጵያን ሙዚቃ ከፍ አድርጓል፡፡

ሀገር በቀል ሙዚቃዎች ላይ በትኩረት በመሥራት እና የጃዝ የሙዚቃ ስልትን በመጫወት የሚታወቀው ተፈሪ በፖላንድ ሀገር በተለያዩ የሙዚቃ ስልቶች እስከ ሁለተኛ ድግሪ ተምሯል፡፡ ትምህርቱን እንዳጠናቀቀም በሩሲያ፣ በካዛኪስታን፣ በቤላሩስ እና በሌሎች የአውሮፓ ሀገራት ሲሠራ ቆይቶ፣ ወደ አሜሪካ በማቅናት አካውንቲንግ በመማር የሙዚቃ ሥራ እስከሚያገኝ ድረስ አካውንታትን ሆኖ ሠርቷል፡፡

በአሜሪካ እያለም ላስታ ሳውንድ የተባለን ባንድ በማቋቋም የመጀመሪያ መድረኩን ከጥላሁን ገሰሰ ጋር የሠራ ሲሆን፣ አልበምም አሳትሟል፡፡

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://t.me/waliyaentmt

#Waliya_Entertainemnt #Music #teferi #eyuel_mengistu

ለሀዘንትኞች
የወንድማችን የተፈሪ አሰፋ ህልፈትን ተከትሎ ቀብርን አስመላልክቶ የተሳሳተ መረጃ እየተሰራጨ ይገኛል፣ ስለሆነም ሀዘንተኛው ፣ ትክክለኛ መረጃ ያገኝ ዘንድ፣ የቀብር ስነ-ስርዓቱ ተወልዶ ባደገበት በእዚሁ በአዲስ አበባ በቅድስት ስላሴ ካቴድራል ቤ/ክ ለማድረግ በሂደት ላይ መሆኑን እየገለፅን፣ ስለ አጠቃላይ የቀብሩ ስነ ስርዓት አካሄድ እና አፈፃፀም ይፋዊ መረጃ እስከሚሰጥ ድረስ በትዕግስት እንድትጠብቁ መግለፅ እንወዳለን።

አክሊሉ ወልደዮሃንስ

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://t.me/waliyaentmt

#Waliya_Entertainemnt #Music #Teferiassefa

Job Title: Marketing Manager

Job Type: On-site - Permanent (Full-time)

Work Location: Addis Ababa, Ethiopia

Applicants Needed: Female

Salary/Compensation: Monthly

Key Responsibilities:
- Develop and execute integrated marketing strategies.
- Identify and secure sponsorship.
- Proactively seek new clients for Waliya’s services.
- Lead digital campaigns (social media, email, SEO/SEM, content marketing) and traditional channels. 
- Collaborate with other teams to align messaging and maximize impact. 
- Negotiate sponsorship agreements and client contracts, ensuring mutually beneficial terms and deliverables. 
- Analyze campaign performance using metrics (ROI, engagement, conversion) to refine tactics. 
- Manage budgets, timelines, and vendor relationships to ensure cost-effective delivery. 
- Stay ahead of industry trends and leverage insights to innovate campaigns. 
- Cultivate partnerships with influencers, media, and industry stakeholders. 
- Uphold brand consistency across all touchpoints and markets. 

Qualifications:
- Education: Bachelor’s degree in Marketing, Business, Communications, or related field. 
- Experience: 1+ years in marketing.

Send your cv
@bekibami

#waliya_Entertainment #music #jobpost #marketing_manager

«አዲስ አልበሜ ከፋሲካ በፊት ወይ በኃላ ይወጣል» ድምፃዊ አለማየሁ ሂርጶ

ዝነኛው ድምፃዊ አለማየሁ ሂርጶ ከ19 አመት በኃላ ወደ ሙዚቃዉ ተመልሷል፡፡

የ80 እና የ90ዎቹ የኢትዮጵያ የሙዚቃ ዘመን ላይ አይረሴ ተወዳጅ ዜማዎችን ለአድማጭ ያቀረበዉ ድምፃዊ ወደ ሚወደው ሙያ ብቻ ሳይሆን በስደት ከኖረበት ኖርዌይ ወደ ሀገሩ ጠቅልሎ በመግባት በአዲስ አበባ ከተማ እየኖረ ነው፡፡

👉 «ወደ ሀገሬ ከመጣሁ በኃላ ዑመር መሀመድ የሚባል የምወደው ጓደኛዬ እንዳይደብረኝ፤ለስራዬም እንዲያግዘኝ ኪቦርድ ገዝቶ ሰጥቶኛል፤እሱ ብቻ ሳይሆን አሁን የምኖርበትን ቤት በነፃ ኑርበት አለኝ። እንዴት ደግ መሰለህ? አመሰግነዋለሁ፡፡»

👉« ከመጣሁ አራት ወር ሆኖኛል።አሁን ላይ ሙሉ አልበሜን በሶስት ወር ውስጥ ጨርሻለሁ።ወደ 14 የሚሆኑ ስራዎችን ጨርሼ ምርጫ እያደረግን ነው አለማየሁ ደመቀ፤ብስራት ሱራፌል፤ሽፈራዉ ከበደን የመሳሰሉ ባለሙያዎች ተሳትፈዋል።»

👉 «የኢትዮጵያ እናቶች አዲሱ ስራ የተሰራበት አጋጣሚ ገጣሚ እዩኤል ብርሀኑ አንድ የእናት ግጥም አምጥቶ አሳየኝ፤በጣም የሚገርም ብቃት ያለው ልጅ ነው። አሌክስ ይህን ከፃፍኩ 13 አመት ይሆነዋል፤ምን አልባት አንተን እየጠበቀ ይሆናል የቆየው አለኝ፤ስንኙን ሲነግረኝ ተገረምኩ ከዛም ሰራሁት፡፡»

👉 «የኢትዮጵያ እናቶች ልጆቻቸውን የሚያሳድጉበት መንገድ እኮ አስገራሚ ነው። በ200 እና 300 ብር ደሞዝ ተመስገን እያሉ ከብልሀት ጋር ልጆቻቸውን
አሳድገዋል።ለእናቶች ሁሌ ቢዘፈን፤ቢለቀቅ ያንሳል፡፡»

👉« መኖር ደስ ይላል የሚለውን ሙዚቃ ደግሞ በስጦታነት ያበረከተልኝ አብዱ ኪያር ነው።የሚገርምህ ግጥም እና ዜማውን ብቻ ሳይሆን ለስቱዲዮ ለአቀናባሪ፤ለመሳሪያ ተጫዋች ለሙዚቀኞች ከፍሎ የራስህ አድርገዉ ይህ የኔ ስጦታ ነው ብሎ የሸለመኝ ሙዚቃ ነው፡፡»

@waliyaentmt

« ለቅኔ ለዜማ ቤት ዝቅ ማለት ተገቢ ነው።እንደዛ ካልሆነ ዜማውን አታገኝም።»
አበበ ብርሃኔ(የግጥም እና የዜማ ደራሲ)

#Ethiopia | ከ300 በላይ የሙዚቃ አልበሞች ላይ የተሳተፈው ፤ከሶስት አስርት ዓመታት በላይ እያስቆጠረ ባለዉ የሙዚቃ ህይወት ጉዞው ለበርካታ አንጋፋ እና ወጣት ድምፃውያን ግጥም እና ዜማዎችን የሰጠው አበበ ብርሃኔ የዜማ አሻራውን በብዛት ያሳረፈበትን የወጣቱ ድምፃዊ አህመድ ማንጁስ «አልጣሽ» አልበምን መነሻ በማድረግ ከኤፍ ኤም አዲስ 97.1 መሰንበቻ ፕሮግራም ጋር ቆይታ አድርጓል።

👉« አልበም ላይ አንድም፤ስድስትም፤አስርም ዜማ መስራቴ ለእኔ እኩል ነው።ዋናው ነገር ለተዘጋጀው አልበም የምሰራው ስራ ውበት አለው ወይ? የሚለው ላይ ነው ትኩረት የማደርገው ፡፡»

👉« ከአህመድ ማንጁስ ጋር ግንኙነታችን የጀመረዉ እሱ የተስጥኦ ውድድርን አሸንፎ በንጋታው እኔ ቤት መጣ።ቁጭ አለ የሆነ ረሀብ፤ጉጉት ያለው ስሜትን ይዞ ነበር የመጣው። እንደ መጀመሪያ ልቤ አቃተዉ የሚለውን ነጠላ ዜማን ሰራን፡፡»

👉 «አልበም እፈልጋለሁ ግን እንዴት ነው የሚሰራው?  ሲል ጠየቀኝ። ከአይድል የሚመጡ ብዙዎቹ  ዘፋኞች የሚጠይቁት ጥያቄ ነው።አንተ አትጨነቅ እየሞከርን እናየዋለን ብዬ አልጣሽ አልበም ጥንስሱ ተጀመረ፡፡»

👉« በስሟ እየማልኩ የተሰኘውን ሙዚቃ የሰራነዉ ማንጁስ ብዙ ጊዜ  አሚና ትሙት እያለ ሲምል ሰማቼ የሰራሁት ነው።አሚና እናቱ መስላ ነበር  የታየችኝ ነገር ግን ኮምቦልቻ ለስራ ስንሄድ እህቱ እንደሆነች ነገረኝ ።የዚህ ሙዚቃ መነሻ ይህ ነው፡፡»

👉 «አልጣሽ ሙዚቃ ለዳዊት ፅጌ የተሰራ ዜማ ነበር።ጎሳዬም ድንገት ደውሎልኝ  ይህን ዜማ ሰምቶት ወዶት ነበር።በአጋጣሚ ማንጁስ ከኮምቦልቻ መልስ ሞባይሌ ውስጥ ለማሳያ(ሳምፕል) ከተቀረፁ  ዜማዎች ውስጥ አልጣሽን ሰምቶ ወደደው እና ተሰራ፡፡»

👉 «ከግጥምና ዜማ ደራሲው ይልማ ገ/አብ ጋር በተለያዩ አጋጣሚዎች አብረን ሰርተናል። አሁንም እየሰራን ነው።ለይልማ ዜማ መስጠት አቅቶን ይሆናል እንጂ ዜማ ሰተህው ብዕሩ የሰላ አይደል? በዚህ እድሜው ያለዉ ብስለት ያስገርማል፤ እኔ እንደውም እችላለሁ ወይ ለእሱ የሚመጥን ስራ ብዬ እጨነቃለሁ፤''አልጣሽን፤በስሟ እየማልኩ''ን ጨምረን ሰጠነው ከይልማ ጋር መስራት መባረክ ነው፡፡»

👉 «የፍቅር አዲስ  አልበም እየተዘጋጀ ነው። አዲስ ሁላችንንም ምሳ አብላታ ተንከባክባ፤ይቅናችሁ ብላ፤ለስራ ምቹ ሁኔታ ፈጥራ የተሳኩ ስራዎች እንዲሰሩ ታግዘናለች፤ከራሷ ስራ በላይ፤የምታርመው እርማት፤የምትሰጠው አስተያየት ጠብ አይልም።»

አበበ ብርሀኔ በብዙዎች የሚባለውን ''አመለሸጋነት፤ትሁት፤ሩህሩህ'' መሆንህ መነሻው ምን ይሆን?  ተብሎ ሲጠየቅ ይህን በሏል፡፡

👉« ዜማ ማለት በጣም ረቂቅ ነገር ነው፤ ከወጣ በኃላ ዝም ብለን ስንሰማው ያለው ስሜት ነዉ እንጂ ያንን ዜማ ለማምጣት የተደረገው ጎንበስ ቀናን ልነግርህ አልችም እና ለዜማ ፣ለቅኔ ቤት ዝቅ ማለት ተገቢ ነው።እንደዛ ካልሆነ ዜማውን አታገኝም፡፡

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://t.me/waliyaentmt

#Waliya_Entertainemnt #Music #Ahmedmanjus #abebebirhane