Bugun Surxondaryo viloyati hokimi Ulug‘bek Qosimov Termiz shahri Manguzar mahallasida bo‘lib, Yangi O‘zbekiston ko‘chasi bo‘ylab amalga oshirilayotgan obodonlashtirish va tozalash ishlarining borishi hamda infratuzilma holati bilan tanishdi.

Hududda infratuzilmani yaxshilash, huquqbuzarliklar profilaktikasini olib borish hamda jinoyatchilikdan holi mahallaga aylantirish bo‘yicha amalga oshirilayotgan ishlar yuzasidan shahar sektor rahbarlari va mahalla “yettiligi” axborot berdi.

Viloyat rahbari bu boradagi ishlarni tizimli tashkil etish lozimligini ta’kidlab, hududdagi ko‘p qavatli turar joylar atrofi tartibga keltirilmaganligi, BSKlar faoliyati yo‘lga qo‘yilmaganligini tanqid qildi.

Shahar hokimi va mutasaddilarga qisqa muddatda ko‘rsatib o‘tilgan kamchiliklarni bartaraf etib, BSKlar faoliyatini tashkil etish vazifasi topshirildi.

#Surxondaryo #Manguzar #jinoyatchilikdanholihudud #BSK

Telegram | Facebook | Instagram | YouTube | Web-site | X

Bugun Surxondaryo viloyati hokimi Ulug‘bek Qosimov qurilish sohasida amalga oshirilayotgan ishlar bilan tanishish maqsadida Termiz shahri va Jarqo‘rg‘on tumanidagi qator obyektlar hamda taqdimotlar bilan tanishdi.

Xususan, Termiz shahrida maktab binosini mukammal ta’mirlash jarayonlari, zamonaviy chiqindi yig‘ish punkti faoliyati, At-Termiziy shoh ko‘chasining 2,7 km qismini to‘liq ta’mirlash hamda 300 o‘rinli tibbiyot klasterini tashkil etish ishlarining borishi o‘rganildi. “Zoom” platformasi orqali shahar va tumanlarda og‘ir hudud sifatida tanlab olingan 15 ta mahalla foydalanishga topshirildi.

Jarqo‘rg‘on tumanida avtoshohbekatda yangidan yo‘lga qo‘yilayotgan avtobus yo‘nalishlari taqdimoti hamda “Yangi O‘zbekiston” massivida amalga oshirilayotgan ishlar ko‘zdan kechirildi.

Batafsil: https://surxondaryo.uz/blog/2143

#Surxondaryo #qurilish #maktab #taqdimot #mahalla #jamoattransporti

Telegram | Facebook | Instagram | YouTube | Web-site | X

Bugun Termiz shahrida O‘zbekiston Respublikasi Maktabgacha va maktab ta’limi vaziri Hilola Umarov va Surxondaryo viloyati hokimi Ulug‘bek Qosimov ishtirokida ta’lim muassasalari rahbarlari, o‘qituvchilar hamda faxriy ustozlar bilan muloqot o‘tkazildi.

Tadbirda samarali faoliyat yuritayotgan 6 nafar o‘qituvchilarimiz “O‘zbekiston Respublikasi xalq ta’limi a’lochisi” ko‘krak nishoni bilan, faol o‘qituvchilar hamda iqtidorli o‘quvchilar, ularning ota-onalari tashakkurnoma va sovg‘alar bilan taqdirlandi.

Shuningdek, Surxondaryoda ta’lim tizimini rivojlantirish, maktablarni zamonaviy sharoitlar bilan ta’minlashdagi say-harakatlari uchun viloyat hokimi Ulug‘bek Qosimovga “Ta’lim homiysi” ko‘krak nishoni topshirildi.

Batafsil: https://surxondaryo.uz/blog/2144

#Surxondaryo #talim #ustozlar #uchrashuv

Telegram | Facebook | Instagram | YouTube | Web-site | X

Bugun Surxondaryo viloyati hokimi Ulug‘bek Qosimov Termiz shahri va Denov tumanida oliy ta’lim muassasalariga o‘qishga kirish uchun test sinovlari o‘tkaziladigan obyektlarda yaratilgan sharoitlar va ularning jarayonlarga shaylik holati bilan tanishdi.

Denov tadbirkorlik va pedagogika institutida “Hokim va yoshlar uchrashuvi”da ishtirok etib, yoshlarning murojaat va takliflarini tingladi. Shuningdek, Qizilsuv daryosi bo‘yida yoshlar saylgohini tashkil etish ishlarining borishini ko‘zdan kechirdi.

Batafsil: https://surxondaryo.uz/blog/2145

#Surxondaryo #testsinovlari #kuzatuvxonalari #hokimvayoshlar #yoshlarsaylgohi

Telegram | Facebook | Instagram | YouTube | Web-site | X

Bugun Surxondaryo viloyati hokimi Ulug‘bek Qosimov bu borada amalga oshirilayotgan ishlar hamda yangi investitsiya loyihalari bilan tanishish maqsadida Termiz shahri va Termiz tumanidagi qator obyektlarga tashrif buyurdi.

Xususan, Termiz shahrida xostel, ko‘p tarmoqli xususiy klinika, lak bo‘yoq va pardozlash mahsulotlari ishlab chiqarish hamda milliy shirinliklar tayyorlash korxonalari faoliyati hamda Termiz tumanida parrandachilik klasteri va “Termiz xalqaro savdo markazi” hududida Fonon zargarlik loyihasini tashkil etish ishlari bilan tanishildi.

Shuningdek, viloyat Investitsiyalar, sanoat va savdo boshqarmasining 2024-yil 1-yarim yilligidagi faoliyati hamda Prezidentimizning “Surxondaryo viloyatida yoshlar tadbirkorligini qo‘llab-quvvatlashga doir chora-tadbirlar to‘g‘risida”gi qarori ijrosi yuzasidan mutasaddilarning taqdimotlari ko‘rib chiqildi.

Batafsil: https://surxondaryo.uz/blog/2146

#Surxondaryo #investitsiyaloyihalari #taqdimot

Telegram | Facebook | Instagram | YouTube | Web-site | X

Rossiya Federatsiyasiga tashrifini davom ettirayotgan Surxondaryo viloyati delegatsiyasi Chelyabinsk shahridagi yirik ishlab chiqarish korxonalari faoliyati hamda mahsulotlar va xizmatlar turlari bilan tanishdi.

Jumladan, blok-modulli qozonxonalar, bug‘ va issiq suv qozonlari, burnerlar, turli xil uskunalar o‘rnatilgan texnologik blok qutilarini ishlab chiqarish bilan shug‘ullanuvchi "Lantan" kompaniyasi, Rossiyadagi eng yirik po‘lat quvurlar ishlab chiqaruvchilaridan biri bo‘lgan Chelyabinsk quvur prokat zavodi (ChTPZ) hamda nafaqat Rossiyada, balki butun dunyo bo‘ylab, materiallarga ishlov berish, turli uskunalar bilan ta’minlash xizmatini ko‘rsatuvchi “Uralkran” kompaniyasi faoliyati bilan tanishishdi.

Ishlab chiqarish jarayonlari, tayyor mahsulotlar turlari va sifati bilan tanishgan delegatsiyamiz a’zolari kelgusida hamkorlikda loyihalarni amalga oshirish imkoniyatlarini ham ko‘rib chiqdi.

#Surxondaryo #Chelyabinsk #tanishuv

Telegram | Facebook | Instagram | YouTube | Web-site | X

Surxondaryo viloyati hokimi Ulug‘bek Qosimov Xitoy Xalq Respublikasiga tashrifini yakunlab Termizga qaytib keldi hamda bugun Termiz, Jarqo‘rg‘on va Sariosiyo tumanlarida “Yangi O‘zbekiston” massivlari, ijtimoiy soha obyektlari qurilishi bilan tanishdi.

“Yangi O‘zbekiston” massivlarida yashovchilar uchun ish o‘rinlari yaratish birinchi galdagi vazifa ekanligi ta’kidlanib, bu borada loyihalarni ishlab chiqish topshirildi. Shuningdek, ishlarni sifatli olib borish, joriy yilda foydalanishga topshirilishi belgilangan turar joylar va ijtimoiy soha obyektlari qurilishini muddatida yakunlash vazifasi yuklandi.

Batafsil: https://surxondaryo.uz/blog/2166

#Surxondaryo #qurilish #YangiUzbekistonmassiv #bandlik

Telegram | Facebook | Instagram | YouTube | Web-site | X

Bugun viloyat hokimi Ulug‘bek Qosimov hududlarga tashrifidan so‘ng, kunning ikkinchi yarmida Termiz shahrida Respublika Onkologiya va radiologiya ilmiy-amaliy tibbiyot markazi hamda Endokrinologiya ilmiy-amaliy tibbiyot markazi Surxondaryo filiallari faoliyati va ularda yaratilgan sharoitlar bilan tanishdi.

Tibbiyot markazlarida bemorlar uchun yaratilgan sharoitlar, keltirilgan tibbiy asbob-uskuna va jihozlar ko‘zdan kechirildi. Mutasaddilar kasalliklarni barvaqt aniqlash, oldini olish hamda ijtimoiy himoya va “ijtimoiy karta” tizimini joriy etish bo‘yicha viloyatimizda amalga oshirilayotgan ishlar yuzasidan taqdimot qildi.

Batafsil: https://surxondaryo.uz/blog/2170

#Surxondaryo #onkologiya #endokrinologiya #filiallar

Telegram | Facebook | Instagram | YouTube | Web-site | X

Bugun Surxondaryo viloyati hokimi Ulug‘bek Qosimov Termiz shahridagi “San’at saroyi” majmuasida tashkil etilgan tadbirda hududlarda aholining madaniy hordiq olishi uchun xizmat ko‘rsatish sifatini oshirish, madaniyat bo‘limlarining moddiy-texnika bazasi hamda sharoitlarini yaxshilash maqsadida Madaniyat vazirligi tomonidan ajratilgan 6 ta "Damas" avtomashinasi kalitlarini tuman Madaniyat bo‘limlariga tantanali topshirdi. Shuningdek, ushbu madaniyat bo‘limlariga 5 turdagi musiqa asboblari ham berildi.

Eslatib o‘tamiz, 2023-yil dekabr oyida Termiz shahri va beshta tuman madaniyat bo‘limlariga xizmat avtomashinalari topshirilgan edi.

Shundan so‘ng, viloyat rahbari O‘zbekiston Respublikasi davlat mustaqilligining 33 yilligi shodiyonalariga tayyorgarlik jarayonlari hamda viloyatning asosiy bayram dasturi taqdimotlari bilan tanishdi. Soha mas’ullari va mutasaddilarga bayram tadbirlariga yuqori saviyada hozirlik ko‘rish yuzasidan vazifalar belgilab berildi.

Tadbir yakunida joriy yil 27-30-iyun kunlari Jizzax viloyatida o‘tkazilgan II xalqaro maqom san’ati anjumanida Surxondaryo viloyatining tashkiliy va ijodiy jamoasining faol ishtiroki uchun sharoitlar yaratib berganligi uchun viloyat hokimiga Madaniyat vazirligining tashakkurnomasi topshirildi.

#Surxondaryo #Madaniyat #xizmatavtomashinalari #bayramdasturi #taqdimot

Telegram | Facebook | Instagram | YouTube | Web-site | X

Bugun Surxondaryo viloyati hokimi Ulug‘bek Qosimov Termiz shahrida qurilish sohasida amalga oshirilayotgan ishlar hamda kommunal soha tashkilotlari faoliyati bilan tanishdi.

Xususan, umumiy qiymati 78,7 mlrd so‘m bo‘lgan 300 o‘rinli “Tibbiyot klasteri” qurilishining yakuniy jarayonlari, Milliy gvardiya boshqarmasida madaniyat markazi, yotoqxona, tibbiyot punkti va Alisher Navoiy ko‘chasida “IT park” va “IT akademiyasi” filialining qurilishi, shuningdek, ushbu ko‘chada “Yoshlar va turizm” ko‘chasini tashkil etish ishlarining borishi ko‘zdan kechirildi.

Bundan tashqari “Surxondaryo suv ta’minoti” AJ faoliyati bilan ham tanishilib, 7 dona maxsus texnikalar hamda qo‘shimcha asbob-uskuna va jihozlar topshirildi.

Batafsil: https://surxondaryo.uz/blog/2175

#Surxondaryo #qurilish #tibbiyotklaster #ITpark #Yoshlarkochasi

Telegram | Facebook | Instagram | YouTube | Web-site | X

Surxondaryo viloyati hokimi Ulug‘bek Qosimov bugun Termiz shahridagi qator mahallalarda bo‘lib, ko‘chalar, avtomobil yo‘llari bo‘ylari va boshqa hududlarni obodonlashtirish, tashkil etilgan yashil maydonlar hamda daraxtlarni sug‘orish, saqlash borasida amalga oshirilayotgan ishlar bilan tanishdi.

Mutasaddilar o‘rganish ishlari davomida amalga oshirilayotgan ishlar, hudud tozaligi va obodligi uchun bajarilayotgan tadbirlar yuzasidan axborot berdi.

Birinchi navbatda chiqindilarni o‘z vaqtida olib chiqish, sanitar-gigienik qoidalarga qat’iy rioya qilish, yashil hududlarni sug‘orish, parvarishlar va saqlash ishlarini mas’uliyat bilan olib borish yuzasidan vazifalar belgilab berildi.

#Surxondaryo #Termizshahar #obodonlashtirish #yashilhududlar

Telegram | Facebook | Instagram | YouTube | Web-site | X

Surxondaryo viloyati hokimi Ulug‘bek Qosimov “San’at saroyi” majmuasida o‘tkazilgan “Ustozlar milliy forumi” tadbirlaridan so‘ng Termiz shahridagi 3-sonli maktab va “Lider Nur” nodavlat maktabgacha ta’lim tashkilotida yaratilgan sharoitlar bilan tanishdi.

Shuningdek, tadbirkor tomonidan bog‘chaning yerto‘lasida tashkil etilgan tikuvchilik korxonasi faoliyati hamda ishlab chiqarish jarayonlari ko‘zdan kechirildi.

Batafsil: https://surxondaryo.uz/blog/2192

#Surxondaryo #Termiz #maktab #bogcha #tikuvchilik

Telegram | Facebook | Instagram | YouTube | Web-site | X

Surxondaryo viloyati hokimi Ulug‘bek Qosimov turizm, madaniyat, madaniy meros va ommaviy kommunikatsiyalar hamda oila va xotin-qizlar yo‘nalishida amalga oshirilayotgan ishlar bilan tanishish maqsadida Termiz shahridagi qator qurilish obyektlarida bo‘ldi.

Xususan, Termiz shahri hududida “Yusufbek Surxon Baraka” OK tomonidan qurilayotgan 40 o‘rinli, “JAVOHIRBEK SURXON QURILISH” xususiy korxonasi tomonidan qurilayotgan 100 o‘rinli hamda “TOShKENT TERMIZ HAMKOR” MChJ tomonidan qurilayotgan 200 o‘rinli mehmonxona qurilishi hamda hunarmand xotin-qizlar tomonidan tayyorlangan milliy kiyimlar, zardo‘zlik mahsulotlari va Surxoncha do‘ppilar ko‘rgazmasi bilan tanishildi.

Shuningdek, Termiz shahri va tumanlarda “Namunali madaniyat markazlari”ni tashkil etish masalalari muhokama qilindi.

Batafsil: https://surxondaryo.uz/blog/2209

#Surxondaryo #Termiz #mehmonxona #hunarmandchilik

Telegram | Facebook | Instagram | YouTube | Web-site | X

Bugun Surxondaryo viloyati hokimi Ulug‘bek Qosimov Termiz shahrida ko‘p qavatli turar joylar qurilishi jarayoni bilan tanishdi. Shuningdek, qurilish sohasi mutasaddilari hamda ko‘p qavatli uy-joylar quruvchilari bilan loyihalarning borishi muhokama qilindi.

Shundan so‘ng, Termiz, Jarqo‘rg‘on, Qiziriq va Bandixon tumanlaridan o‘tuvchi 4R-100 “Manguzar q.-Jarqo‘rg‘on sh.-Bandixon q.-Oltinsoy q.-Denov sh.” avtomobil yo‘lining 11-126 km qismini joriy ta’mirlash ishlarining borishi hamda Bandixon tumanida joylashgan Favqulodda vaziyatlar boshqarmasiga qarashli “Yong‘in qutqaruv” binosi bilan tanishildi.

Batafsil: https://surxondaryo.uz/blog/2218

#Surxondaryo #qurilish #yolqurilishi #loyihalar

Telegram | Facebook | Instagram | YouTube | Web-site | X

Bugun Surxondaryo viloyati hokimi Ulug‘bek Qosimov erta tongdan Al-Hakim At-Termiziy majmuasida amalga oshirilayotgan obodonlashtirish ishlari bilan tanishdi.

Shuningdek, Termiz shahrida 14-sonli davlat maktabgacha ta’lim tashkiloti, 1-sonli ixtisoslashtirilgan maktab internati hamda Respublika ixtisoslashtirilgan kardiologiya ilmiy-amaliy markazi viloyat filiali faoliyati hamda yaratilgan sharoitlari bilan tanishildi.

Sog‘liqni saqlash va ta’lim tizimi mutasaddilari, ishtirokida aholiga patronaj tibbiy xizmatini ko‘rsatish hamda ta’lim-tarbiya maskanlarida sifatli ovqatlanishni yo‘lga qo‘yish masalalari muhokama qilindi.

Batafsil: https://surxondaryo.uz/blog/2245

#Surxondaryo #AtTermiziymajmuasi #maktab #bogcha #shifoxona

Telegram | Facebook | Instagram | YouTube | Web-site | X

Surxondaryo viloyati hokimi Ulug‘bek Qosimov Termiz shahri, Jarqo‘rg‘on va Denov tumanlarida investitsiya, eksport va sanoat yo‘nalishlarida amalga oshirilayotgan loyihalar, korxonalar hamda taqdimotlar bilan tanishdi.

Xususan, Termiz shahridagi “Tinchlik”, Denov tumanidagi “Qo‘zichoqli” yoshlar sanoat va tadbirkorlik zonalarida amalga oshirilayotgan ishlar, hududlarda ishlab chiqarish korxonalari, yangi bog‘ tashkil etish va yo‘l rekonstruksiyasi loyihalari taqdimoti bilan tanishildi hamda Jarqo‘rg‘onda gips ishlab chiqarish korxonasining ochilish marosimida ishtirok etildi.

Shuningdek, viloyatda eksport ko‘rsatkichlarining bajarilishi muhokama qilinib, sanoat va eksportyor korxonalar rahbarlari hamda tadbirkorlar bilan uchrashuvlar o‘tkazildi.

Batafsil: https://surxondaryo.uz/blog/2254

#Surxondaryo #investitsiya #loyihalar #taqdimot #Sanoatzona #korxonalar

Telegram | Facebook | Instagram | YouTube | Web-site | X

Surxondaryo viloyati hokimi Ulug‘bek Qosimov o‘zining haftalik ish rejasiga muvofiq bugun Termiz shahri hamda Termiz va Jarqo‘rg‘on tumanlarida qurilish sohasida amalga oshirilayotgan ishlar bilan tanishdi.

Xususan, tashrif davomida "Yangi O‘zbekiston" massivlari, shifoxonalar, maktab va tadbirkorlik loyihalari qurilishi ko‘zdan kechirilib, yangi loyihalar taqdimoti ko‘rib chiqildi.

Batafsil: https://surxondaryo.uz/blog/2309

#Surxondaryo #qurilish #turarjoylar #shifoxona #maktab

Surxondaryo.uz | Telegram | Facebook | Instagram | YouTube | X

Surxondaryo viloyati hokimi Ulug‘bek Qosimov Termiz shahrida quyosh panellari stansiyasi loyihasi, suv ishlab chiqarish inshooti va "IT park" faoliyati bilan tanishib, yangi turizm ko‘chasiga qurilishining birinchi bosqichiga start berdi. Shuningdek, qurilish mollari savdosiga ixtisoslashgan savdo kompleksi va sanoat zonasi tashkil etish loyihasi taqdimoti ko‘rib chiqildi.

Batafsil: https://surxondaryo.uz/blog/2315

#Surxondaryo #qurilish #quyoshpanellari #ITpark #turizmkocha #savdokompleks

Surxondaryo.uz | Telegram | Facebook | Instagram | YouTube | X