HUQUQIY TARG‘IBOT TADBIRI

⭐️Kadastr agentligi direktorining 2025-yil 25-apreldagi 133-19-sonli buyrug‘i ijrosini ta’minlash maqsadida ⭐️Kadastr agentligi va 🌟Davlat kadastrlari palatasi Toshkent shahar boshqarmalarining Korrupsiyaga qarshi kurashish bo‘yicha bosh mutaxassislari Sh.Ro‘zmatov hamda T.Yuldashev tomonidan tizim xodimlari uchun huquqiy seminar o‘tkazildi.

◾️Unda O‘zbekiston Respublikasi Prezidentining 2025-yil 21-apreldagi “Korrupsiyaga qarshi kurashish tizimini yanada takomillashtirish bo‘yicha belgilangan ustuvor vazifalar ijrosini samarali tashkil etishga doir chora-tadbirlar to‘g‘risida” PF–71-son Farmoni va “Davlat organlari va tashkilotlarining korrupsiyaga qarshi ichki nazorat bo‘linmalari mustaqilligini ta’minlash hamda faoliyati samaradorligini oshirish chora-tadbirlari to‘g‘risida” PQ–147-son qarori mazmun-mohiyati taqdimot materiallari asosida tushuntirib o‘tildi.

◾️O‘tkazilgan seminarda tuman filiallari mas’ullari masofadan ZOOM platformasi orqali ishtirok etdilar.

◾️Bu kabi huquqiy targ‘ibot tadbirlari soha xodimlarining huquqiy ongi, qonunchilikdagi yangiliklardan xabardorlik darajasini yanada oshirish va fuqarolarga ko‘rsatiladigan xizmatlar sifatini yaxshilashga xizmat qilishi shubhasiz.

#Kadastr #korrupsiyaga_qarshi_kurash #seminar

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

🎬🎬🎬🎬 📝📝📝📝

OAV BIZ HAQIMIZDA

▶️ “Toshkent” telekanalining “Poytaxt” informatsion dasturi orqali Mirzo Ulug‘bek tumanida 🌟Davlat kadastrlari palatasi masʼullari ishtirokida o‘tkazilgan sayyor qabul tafsilotlari yoritildi.

#Kadastr #oav_biz_haqimizda #sayyor_qabul #tv #murojaatlar

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

🇺🇿🇺🇿🇺🇿🇺🇿

SIZ UCHUN MAʼLUMOT

⚡️Ko‘chmas mulkning kadastr yig‘majildini shakllantirish uchun quyidagilar asos bo‘ladi:

✅ yer uchastkalarining berilganligi (realizatsiya qilinganligi);

✅ binoning, inshootning qurilganligi va foydalanishga topshirilganligi;

✅ belgilangan tartibda ajratilgan yer uchastkasida qurilishi tugallanmagan obyektning mavjudligi;

✅ ko‘chmas mulkning bo‘linganligi;

✅ ko‘chmas mulkning birlashtirilganligi.

✅ Ko‘chmas mulkning kadastr yig‘majildi qonunchilikda nazarda tutilgan boshqa asoslarga ko‘ra ham shakllantirilishi mumkin.

🇺🇿“Koʻchmas mulkka boʻlgan huquqlarni davlat roʻyxatidan oʻtkazish toʻgʻrisida”gi O‘zbekiston Respublikasining Qonuni, 17-modda.

#Kadastr #huquqiy_asos

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

🇺🇿🇺🇿🇺🇿🇺🇿🇺🇿🇺🇿🇺🇿🇺🇿🇺🇿🇺🇿

Bugun 1-may.
Qonunchilikda nimalar o‘zgardi?

◾️Ayrim banklarga balansga olingan mol-mulklarni bozor qiymatida to'g'ridan-to'g'ri sotishga ruxsat etiladi.

◾️Ayrim tadbirkorlar davlat ro‘yxatidan o‘tkazilganda, davlat boji undirilmaydi.

◾️Ayrim tadbirkorlarga garovsiz kiriditlar ajrtiladi.

◾️Ayrim tadbirkorlarga qo‘shilgan qiymat solig‘i tezlashtirilgan tartibda amalga oshiriladi.

◾️Kreativ park rezidentlariga soliq imtiyozlari joriy etiladi.

◾️«Hamkor tadbirkor» dasturi yo‘lga qo‘yiladi.

◾️Fuqarolar yig‘ini raislari professional mediatorlikka bepul o‘qitiladi.

◾️Fonogrammadan foydalanishni cheklanadi.

◾️Tadbirkor ayollarga grantlar ajratiladi.

◾️Ozodlikdan mahrum etish joylaridan ozod qilinganlarga nafaqa puli “Inson” markazlari orqali to‘lanadi.

◾️«Toza qo'llar» dasturi amalga oshiriladi.

◾️Kam taʼminlangan oilalarga elektr va tabiiy gaz to‘lovlarining bir qismi kompensatsiya qilinadi.

#DavKadastrPalata #Qonunchilikdagi_yangiliklar

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿

RASMIY MUNOSABAT

⭐️Kadastr agentligi Toshkent shahar boshqarmasi tomonidan ijtimoiy tarmoqda e’lon qilingan murojaat yuzasidan quyidagilar ma’lum qilinadi.

◼️2025-yilning 24-aprel kuni Boshqarmaning Mirzo Ulug‘bek tuman bo‘limi inspektorlari tomonidan Vazirlar Mahkamasining 183-sonli Qarori bilan tasdiqlangan nizom talablariga asosan o‘rnatilgan tartibda davlat yer nazorati tadbiri olib borilganida Toshkent shahar, Mirzo Ulug‘bek tumani, “Oltintepa” MFY, Bo‘zariq ko‘chasi, 4-uy manzilida yashovchi fuqaro P.A. tomonidan o‘ziga tegishli turar joy obyektiga qo‘shimcha 69 kv.m yer maydonini o‘zboshimchalik bilan egallab olganligi aniqlangan.

◼️Mazkur holat yuzasidan fuqaroga nisbatan 15 kunlik muddatda o‘zboshimchalik bilan egallab olingan yer maydonini ya’ni o‘rab olingan tunika devorini o‘z hisobidan ixtiyoriy ravishda bartaraf etish va yer maydonini avvalgi holatiga qaytarish yuzasidan tegishli ko‘rsatma xati berilgan.

◼️Agarda fuqaro tomonidan davlat organining qonuniy talablari o‘z vaqtida bajarilmasa, majburiy tartibda bartaraf qilish bo‘yicha sud organlariga da’vo arizasi kiritilishi ma’lum qilinadi.

#Kadastr #rasmiy_munosabat

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

🎬🎬🎬🎬 📝📝📝📝

SAYYOR QABUL OAV NIGOHIDA

✅Joylarda tashkil etilayotgan sayyor qabullar davlat idoralari va fuqarolarni bir-biriga yaqinlashtirib, o‘rtadagi ishonchni yanada mustahkamlashga xizmat qilmoqda.

◼️Xabaringiz bor, kuni kecha 🌟Davlat kadastrlari palatasi masʼullari ishtirokida poytaxtimizning Mirzo Ulug‘bek tumanida fuqaro va tadbirkorlar uchun sayyor qabul o‘tkazilgan edi.

◼️Aholining kadastrga oid bir qator murojaatlariga ijobiy yechim topilgan mazkur tadbir tafsilotlari quyidagi OAV hamda ijtimoiy tarmoqlarda keng yoritildi:

▶️ “Toshkent” telekanalida;
▶️ “O‘zbekiston24” radiokanalida;
▶️ Ochun uz telegram kanalida;
▶️ Mirzo Ulug‘bek tumani hokimligi telegram kanalida.

#Kadastr #oav_biz_haqimizda #sayyor_qabul #radio #murojaatlar

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

🇺🇿🇺🇿🇺🇿🇺🇿

RASMIY MUNOSABAT

⭐️Kadastr agentligi Toshkent shahar boshqarmasi Darakchi uz saytida e’lon qilingan murojaat yuzasidan quyidagilarni ma’lum qiladi.

◼️Boshqarmaning Shayxontohur tumani bo‘limi tomonidan 2024-yil 23-mayda o‘tkazilgan davlat yer nazoratiga ko‘ra, Shayxontohur tumani, Olim Xo‘jayev MFY, M.Obid ko‘chasi, 29-uy oldida fuqaro R.A. Toshkent shahar hokimining 2018-yildagi qarorlariga asosan fuqarolar B.D., U.D., N.K. ga tegishli jami 3 194 kv.m. yer maydonini o‘zboshimchalik bilan egallab olganligi, bundan tashqari o‘zboshimchalik bilan egallangan davlat zaxirasidagi 91 kv.m yer maydonida vakolatli tashkilotlardan ruxsat olmasdan noqonuniy bino qurganligi aniqlangan.

◼️Ushbu holat bo‘yicha tegishli hujjatlar rasmiylashtirilgan. Biroq o‘zboshimchalik bilan egallab olingan va ushbu yer maydonida noqonuniy qurilgan qurilma ixtiyoriy bartaraf etilmaganligi (15 kunlik muddat ichida) sababli 07.06.2024 yilda MJtKning 60-moddasi 3-qismi bilan BHMning 150 baravari miqdorida jarima qo‘llanilgan.

◼️Fuqaro R.A. qo‘llanilgan jarimadan norozi bo‘lib Jinoyat ishlari bo‘yicha Shayxontohur tuman sudiga ariza bilan murojaat qilgan. Uning yoshi, nafaqadaligi, oilaviy sharoiti inobatga olinib, 16.07.2024 yildagi sud qaroriga ko‘ra, MJtKning 33-moddasini qo‘llab BHMning 10 baravari miqdorida ma’muriy jarima qo‘llanilgan.

◼️Keyinchalik Toshkent shahar sudi Jinoyat ishlari bo‘yicha sudlov hay’ati kassatsiya instansiyasining 18.09.2024 yildagi qaroriga ko‘ra fuqaro R.A. ga qo‘llanilgan ma’muriy jarima jazosi bekor qilinib, ma’muriy ish hujjatlari qo‘shimcha surishtiruvga yuborilgan. Hozirgi kunda sud jarayonlari davom etayotganligi sababli ma’muriy ish materiali ma’muriy huquqbuzarlikni sodir qilgan shaxs ishtirokida ko‘rib chiqilmoqda.

◼️Bundan tashqari, fuqaro R.A. o‘zboshimcha egallab olgan yer maydonini bo‘shatish va ushbu yer maydonida qurilgan noqonuniy binoni aybdor shaxs hisobidan buzish bo‘yicha ⭐️Kadastr agentligi Toshkent shahar boshqarmasi tomonidan fuqarolik ishlari bo‘yicha Shayxontohur tumanlararo sudiga da’vo ariza kiritilgan. Sudning 28.08.2024 yildagi hal qiluv qaroriga asosan da’vo arizasi qanoatlantirilgan.

◼️Fuqaro R.A. yuqoridagi qaror ustidan Fuqarolik ishlari bo‘yicha Toshkent shahar sudiga kassatsiya shikoyati bilan murojaat qilgan. Sudlov hay’ati kassatsiya instansiyasining 21.02.2025 yildagi ajrimi bilan Sudning 28.08.2024 yildagi hal qiluv qarorini o‘zgarishsiz qoldirgan va shikoyatni rad qilgan.

◼️Qo‘shimcha ravishda, mazkur sud qarori ijrosini ta’minlash uchun ijro varaqasi MIB Shayxontohur tuman bo‘limiga yuborilganligi ma’lum qilinadi.

#Kadastr #rasmiy_munosabat

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

📝📝📝📝

SAYYOR QABUL – AHOLI MANFAATLARI UCHUN

◼️Xabaringiz bor, ⭐️Kadastr agentligi hamda 🌟Davlat kadastrlari palatasi Toshkent shahar boshqarmalari mutasaddilari tomonidan📍Yashnobod tumanida sayyor qabul o‘tkazildi.

▶️ Fuqarolarning kadastr sohasi bilan bogʻliq murojaatlari koʻrib chiqilgan qabul tafsilotlari mazkur reportajda.

#Kadastr #sayyor_qabul #Yashnobod #video

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube