🚲 28 may küçəsi.

Bu dəqiqə çəkdim.

#velosipedzolaqları

Bakının memarlıq irsinin qorunması

Memar Dilqəm İsmayılovla Bakının memarlıq irsinin qorunmasının vacibliyi barədə danışdıq. Qonağımız deyir ki, şəhərsalma ilə bağlı mövcud yanaşmalar səbəbindən Bakı öz kimliyini itirmək riski ilə üz-üzədir.

Tam video burada.

@akinchiproject

🚲 Velozolaqlar: Aqressiya və populizm.
⠀
🔹 Velosiped zolaqlarına qarşı bəzilərin aqressiyası başa düşüləndir.
⠀
🤔 İntuitiv olaraq elə gəlir ki, avtomobil zolaqların sayı azaldıqca, tıxaclar da çoxalır. Heç kim buna öyrəşməyib. İllərdir beynimizə yürüdüblər ki, geniş yollar — tıxacsız yollar deməkdir. Halbuki, artıq Azərbaycan özü də bunu sübut edib — ən geniş yollarımız tıxacların girovudur (Bakı-Sumqayıt yolu, Ziya Bünyadov prospekti və s.).
⠀
🔹 Səhifədə paylaşılan videolara (28 May küçəsində velozolaqdan istifadə) Facebook-da yazılmayan şərh qalmadı — qurma videodur, montajdır, dönər və kola xətrinə əllərinə skuter sürənlərdir — bu düşüncə bir qədər cəmiyyətdə qalacaq (yaxın 5 il ərzində).
⠀
🔸 Amma ən iyrənc olan cəmiyyətin nəbzini “tutan” ucuz reytinq xətrinə çıxış edən, özünə “müxalifət” deyən populistlərdir. Onlar siyasəti müzakirə etməyə qorxurlar, iqtisadi vəziyyəti şərh etməyə kompetensiyası çatmır, gücləri elə velozolaqlara çatır.
⠀
💬 Məni “dövlətin trollu”, “AYNA-ya işləyən” adlandıran da tapılır. Halbuki, mən bunları təbliğ etməyə başlayanda AYNA bir qurum kimi hələ yox idi (2018-ci ildən bu yana).
⠀
🔸 Mənim bu şəhərə sualım çoxdur — səkiləri niyə bu vəziyyətdədir? avtobuslar hərəkət qrafiki niyə dayanacaqlarda yoxdur? niyə yollar səbəbsiz bağlanılır və avtobuslar tıxacda qalır? elə bu velozolaqlar özü niyə tam olaraq şəbəkələşmir? — mən heç nəyi ideallaşdırmıram.
⠀
🚲 Lakin bu gün real alternativ yaradılır ki, heç olmasa iki təkərə minib təhlükəsiz şəkildə bu velozolaqlarla təyinat məntəqəsinə daha tez çata bilək — buna niyə qarşı çıxırsınız? Zatən bu zolaqlardan öncə Bakı tıxaclardan boğulurdu.
⠀
🔹 Dünyanın hansı nöqtəsinə getsəniz, hansı nəqliyyat kitabını açsanız, yazılacaq ki, tıxacların qənimi alternativlər yaratmaqdır.
⠀
🚗 Əziz sürücülər, sadə perspektivdən baxın: bu gün yolda gördüyünüz hər bir velosiped və skuter istifadəçisi potensial sürücüdür — zolaq olmasa, sabah o da yola maşınla çıxacaq, daha çox sıxlıq yaradacaq və sizi də daha çox yubadacaq. Sizə bu lazımdırmı?
⠀
☑️ Hətta əminəm ki, bu gün bu velozolaqlardan şikayət edənləri bir müddət sonra velosiped və skuter sürənlərin arasında görəcəyik. Zaman hər şeyi öz yerinə qoyacaq.
⠀
📸: Fotoda 28 May küçəsində tıxac, 2021-ci il. İndiki halda təşkil olunan velozolaqlarının Bakıda heç təməli qoyulmamışdır.
⠀
#analitika

🚇 Xətlərin ayrılmasından sonra “28 May” belə dəyiçəcək. ⬆️

Bakı Metropoliteni geniş izahedici video paylaşıb.

❗️ Diqqət, keçiddə 800 Mb fayl.

#metro

📺 Bu süjet burada qalsın. Arxiv üçün.

🎤 Jurnalist bizə söz verir ki, bu yol tikiləndən sonra tıxaclara son qoyulacaq, “işə və evə daha tez çatacaqsınız”.

❌ Spoyler: Xeyr. Tıxaclara heç bir təsiri olmayacaq. Bir müddət sonra yeni yol da yüklənəcək, daha çox avtomobil səfərlərini artıracaq.

🔹 Ətrafımda olan bütün nəqliyyat mütəxəssisləri bu layihəni qınayır, deyir ki, bu yolun tikintisi üçün 1200 ağacın kəsilməsi səhv addım idi.

🚷 Mən hələ üç yeni yeraltı keçidlərinin tikintisini demirəm (bu layihə çərçivəsində). 2025-ci il və şəhər daxilində yeraltı keçid (çox güman ki onlar da əlçatan olmayacaq). Metro tikirik, tramvaya dair real perspetkiv var, lakin XX-ci əsrin səhvlərini də təkrarlayırıq.

🔹 Yeganə ümid onadır ki, şəhərdə parallel olaraq ictimai nəqliyyat və mikromobillik inkişaf etsin ki, qismən yükü özünə götürə bilsin.

📍 Qoy qalsın bu video burada. Qismət olar, bu videoya 5 ildən sonra qayıdarıq.

#yollarıngenişləndirilməsi

❌ Mədəniyyət məkanı sayılan Rus Dram Teatrın qabağında mədəniyyətsizlik.

Baryerləri söküb piyada zonasını parkinqə çeviriblər. Əminəm ki, bunu hansısa obyekt edib.

❗️ Bu ərazi birdəfəlik piyadalaşmalıdır.

#gecəxronikası