🌨️ Qarlı havada, buz bağlamış küçələrdə velosiped sürən xanımlarımız da var.

➡️ Video burada.

#qar #velosipedzolaqları

🚊 Relssiz tramvay bizə lazımdırmı?
⠀
Bakıda tramvayın dəqiq olub-olmaması təsdiqlənməyə qədər, bu mövzu ətrafında hələ çox müzakirələr olacaq. İndi isə "relssiz tramvay" məsələsi gündəm olub. Təxmini belə düşünürlər: "Qoy tramvaylar olsun, lakin xərc çəkib relslər salmayaq, bu köhnə texnologiyadır, adi təkərlərlər hərəkət etsin".
⠀
🇨🇳 Bəli, Çində belə texnologiya hazırda sınaqdan keçirilir (fotoda), lakin özünü hələ doğrultamayıb, bunun üçün zaman lazımdır.
⠀
✅ Və indidən bu cür sistemlərin mənfi cəhətlərindən danışmaq olar.
⠀
🔸 Relssiz tramvay - sadəcə böyük elektrobusdur. Yəni o gedib haradasa dayanıb, şarj yığmalıdır. Bu isə vaxt itkisi deməkdir.
🔸 Belə tramvaylar relslər lazım olmasa da, onların xüsusi nişanlanması ideal olmalıdır, istər nişanlanma xətləri, istər yol örtüyünün özü. Yəni relslərdən çox da ucuz olmayan yol infrastrukturudur bu.
🔸 Ekoloji cəhətdən belə sistemlər tramvaylar kimi təmiz deyil. Təkərlərin asfalt ilə təması havaya zərərli maddələrin qalxmasına səbəb olur.
⠀
Yox, əgər Bakıda tramvayın təşkil edilməsi üçün maddi vəsait yoxdur, o zaman, gəlin avtobusların üzərində BRT sistemlərinə üstünlük verək (Tiflisdə, İstanbulda və bir sıra digər şəhərlərdəki kimi). Heç olmasa, bilək belə sistemlər dünyada geniş tətbiq olunur, onların təcrübəsinə əsaslanaraq özümüzə uyğun inteqrasiya edək.
⠀
🔹 Kimsə deyirsə ki, tramvay köhnəlmiş nəqliyyat növüdür, xatırladım ki, son illər ərzində İzmir, Dubay, hətta Əlcəzairdə yeni tramvay xətləri çəkilir.
⠀
🇦🇿 Bakıya isə tramvayların qayıdıb-qayıtmaması hələ də sual altındadır.

#tramvay

🇩🇰 Danimarkanın Olborq şəhərində BRT sistemi. Bus Rapid Transit.

Öz ayrılmış xətti ilə hərəkət edən sürətli avtobus.

Hərdən buna metrobus deyilir (İstanbulda misal üçün).

#avtobuszolaqları #BRT

💬 Şəhərsalma və Arxitektura Komitəsinin sədri Anar Quliyev:
⠀
“Bakının baş planı Bakını insan yönümlü şəhər olaraq inkişaf etdirməyə imkan verir.”
⠀
Bu termini 2019-cu ildə bloq yaradılanda fikirləşmişdik. Artıq yaşamalı şəhərləri ifadə edən bu söz birləşməsi yüksəkvəzifəli məmurların müsahibələrində eşidirik. 😎

#başplan #arxkom

🇫🇷 Paris küçələrində tramvay.
⠀
Bu gözəllikdən Bakıda niyə olmasın?
⠀
🚊 Ən azı 3 avtobusu əvəz edir tutumuna görə.

#tramvay #paris

❓ Yaxşı layihələrin şansı varmı?
⠀
Bakının yeni baş planının təsdiqi ilə bir sıra vacib nəqliyyat layihələrinin reallaşmasına ümid yaranır.
⠀
⬆️ Belə ki, 2021-ci ildə Bakı Nəqliyyat Agentliyi Ukrayna dairəsi belə bir layihə təklif etmişdi, amma digər qurumlar bunu təsdiqləmədi.
⠀
Halbuki, çox gözəl layihədir, buna turbo-dairə deyilir. Ukrayna dairəsini daha təhlükəsiz vəziyyətə gətirə bilər, buradakı xaosdan həm sürücüləri həm piyadaları xilas edə bilər. İstək olsa, velosiped zolaqlarına da təşkil etmək mümkündür.
⠀
🔹 Bu gün həm baş plan var, həm Əlaqələndirmə şurası var, ümid edək ki, bu və digər "tozlanan qovluqlarda" qalan insan yönümlü layihələr reallaşacaq.

#ukraynadairəsi

🚊 Baş planda nəzərdə tutulan tramvaylar xətlərinin sxemi.
⠀
Açıq şəkildə yazılıb ki, "yüngül relsli nəqliyyat". Bu gün baş planın təqdimatı keçirilib, lakin yenə də dəqiq qeyd olunmayıb, relsli tramvay olacaq yoxsa yox.
⠀
📹 Videosu burada.

#tramvay #başplan

🚊 Tramvay xətlərinin yenilənmiş sxemi.
⠀
İzləyicimiz Azər Axundov baş plana əsaslanaraq, Bakıda təklif olunan tramvay xətlərinin daha aydın sxemini hazırlayıb.

Xəritədən təxmin olunur ki, bəzi xətlər mövcud dəmir yolları olan ərazilərdən keçir.

#tramvay #başplan

⬆️ Əvvəllər köşklər ancaq səkiləri zəbt edirdi, indi növbəti mərhələyə çıxıblar.

Düz yolun ortasında bir köşkün yiyəsi nə az nə çox - 10 soyuducu quraşdırıb.

Görəsən baş planda buna dair nə deyilir?

#köşklər

Kreativ izləyicilərimiz yaradır 😂


#yumor

🚍 Bakı və Sumqayıt arasında belə avtobuslar hərəkət edəcək.
⠀
Ekspres marşrut olacaq, iki şəhərin Avtovağzalını birləşdirəcək. 3 dayanacağı olacaq. İnterval 11 dəqiqə.
⠀
Keçən il bu yolda ayrılmış avtobus zolağı salındı, avtobus ilə səyahət müddəti xeyli azaldı.
⠀
Düzdür, cəmi 48 sərnişin daşıya bilir, lakin hər kəs əyləşir, ayaq üstə belə şəhərlərarası avtobuslarda getməyə icazə verilmir adətən. Aeroport Ekspres marşrutunda da bu "Neoplan"lar hərəkət edir.
⠀
💰 Gediş haqqı 80 qəpik. Manatlıq taksilərin birbaşa rəqibi ola bilər bu marşrut.

#ictimainəqliyyat

Urbanistləri hirsləndirməyin 😆

#yumor