Normal avtobus dayanacağı belə olmalıdır. ⬆️
⠀
AYNA bu gün yeni quraşdırılan dayanacaqların fotolarını paylaşdı. Və görünür ki, nəhayət BNA vaxtında başlanılan "SMART dayanacaq" mövzusundan əl çəkdik.
⠀
🚍 Əslində, avtobus dayanacağı minimalistik və funksional olmalıdır. Dayanacaqda əsas 3 element olmalıdır:
⠀
✅ Bura gələn avtobusların nömrələri
✅ Avtobusların gəlməsinə qalan vaxt
✅ Şəhər üzrə ictimai nəqliyyatın xəritəsi
⠀
Misal üçün Londonda elə dayanacaqlar var ki, orada heç pavilyon yoxdur, amma sərnişinlər məlumat var.
⠀
AYNA-nın yeni quraşdırılan dayanacaqlarda bu elementlər olmasa da, onlar heç olmasa şəhərin görünüşünü korlamır, dizayn cəhətindən səliqəli görsənir.
⠀
🔸 Ümid edək ki, "SMART" dayanacaqlar da söküləcək, dünən oxudum ki, onlar artıq narkomanların yuvasına çevrilib.


#dayanacaqlar

30 nömrəli avtobusdakı monitor elə bilir ki o smartfondur 🙃

Fotonu çatımıza göndəriblər.

#izləyicilərdən #avtobuslar

💥🚙 Bu piyadaları sürət xilas etdi.
⠀
Diqqətsiz insanlar dünyanın hər yerində var. Hər kəs qayda poza bilər, hər kəs səhv buraxa bilər. Lakin bu səhvlər adamları öldürməməlidir.
⠀
🇬🇧 Bura İngiltərənin Bradford şəhəridir. Gördüyünüz ki, burada piyada keçidində bir sıra sürücülər piyadalara yol vermir və qəzalar baş verir. Lakin bu qəzada ağır xəsarət alan və ya həlak olan olmur. Kimsə yıxılır, kimsə vaxtında reaksiya verir və qəzadan qaçır.
⠀
💡 Bunun sirri çox sadədir - avtomobillərin sürəti aşağıdır (adətən şəhər mərkəzində 30 km/s), eyni zamanda yolun quruluşu və dizaynı elədir ki, istəsən 70-80 km/s-a sürə bilmərsən ("8 noyabr" prospektinə buradan salam).
⠀
📊 Birləşmiş Krallıqda hər il 100 min nəfərə 2,4 qəzalarda ölür, Azərbaycan isə bu rəqəm 8-dir. Şəhərlərimiz 3 (!) dəfədən çox insanın həyatını alır.

#təhlükəsizlik

🌨️ Qar yağanda Bakıda hansı problemlər daha çox üzə çıxır?

Xüsusən piyada və ictimai nəqliyyat ilə hərəkət edən sakinlərin fikri maraqlıdır.

#qar

⬆️ İzləyicidən müşahidə.

Yolları qardan təmizləsələr də, velosiped zolaqlarına diqqət yetirirlmir.

#qar #velosipedzolaqları

🌨️ Qarlı havada, buz bağlamış küçələrdə velosiped sürən xanımlarımız da var.

➡️ Video burada.

#qar #velosipedzolaqları

🚊 Relssiz tramvay bizə lazımdırmı?
⠀
Bakıda tramvayın dəqiq olub-olmaması təsdiqlənməyə qədər, bu mövzu ətrafında hələ çox müzakirələr olacaq. İndi isə "relssiz tramvay" məsələsi gündəm olub. Təxmini belə düşünürlər: "Qoy tramvaylar olsun, lakin xərc çəkib relslər salmayaq, bu köhnə texnologiyadır, adi təkərlərlər hərəkət etsin".
⠀
🇨🇳 Bəli, Çində belə texnologiya hazırda sınaqdan keçirilir (fotoda), lakin özünü hələ doğrultamayıb, bunun üçün zaman lazımdır.
⠀
✅ Və indidən bu cür sistemlərin mənfi cəhətlərindən danışmaq olar.
⠀
🔸 Relssiz tramvay - sadəcə böyük elektrobusdur. Yəni o gedib haradasa dayanıb, şarj yığmalıdır. Bu isə vaxt itkisi deməkdir.
🔸 Belə tramvaylar relslər lazım olmasa da, onların xüsusi nişanlanması ideal olmalıdır, istər nişanlanma xətləri, istər yol örtüyünün özü. Yəni relslərdən çox da ucuz olmayan yol infrastrukturudur bu.
🔸 Ekoloji cəhətdən belə sistemlər tramvaylar kimi təmiz deyil. Təkərlərin asfalt ilə təması havaya zərərli maddələrin qalxmasına səbəb olur.
⠀
Yox, əgər Bakıda tramvayın təşkil edilməsi üçün maddi vəsait yoxdur, o zaman, gəlin avtobusların üzərində BRT sistemlərinə üstünlük verək (Tiflisdə, İstanbulda və bir sıra digər şəhərlərdəki kimi). Heç olmasa, bilək belə sistemlər dünyada geniş tətbiq olunur, onların təcrübəsinə əsaslanaraq özümüzə uyğun inteqrasiya edək.
⠀
🔹 Kimsə deyirsə ki, tramvay köhnəlmiş nəqliyyat növüdür, xatırladım ki, son illər ərzində İzmir, Dubay, hətta Əlcəzairdə yeni tramvay xətləri çəkilir.
⠀
🇦🇿 Bakıya isə tramvayların qayıdıb-qayıtmaması hələ də sual altındadır.

#tramvay