11ኛው የቴክኒክና ሙያ ሳምንት በክላስተር ደረጃ ተካሄደ፡፡
---------------------------------------------

መጋቢት 30 ቀን 2013 ዓ.ም በአዲስ አበባ ከተማ አስተዳደር የቴክኒክና ሙያ ትምህርትና ስልጠና ኤጀንሲ በጀነራል ዊንጌት ፖሊ ቴክኒክ ኮሌጅ በክላስተር ደረጃ የጀነራል ዊንጌት ፖሊ ቴክኒክ ኮሌጅ የአዲስ ከተማ ኢንዱስትሪያል ኮሌጅ እና የኮልፌ ኢንዱስትሪያል ኮሌጅ በጋራ በመሆን ሙያ ሀብት ነው በሚል መሪ ቃል ተካሄዷል፡፡

የኮሌጁ ዋና ዲን #አቶ_መለስ_ይመር በመድረክ የመክፈቻ ንግግር ወቅት እንዳሉት ይህ አንጋፋ ኮሌጅ ከጎኑ የአዲስ ከተማ ኢንዱስትሪያል ኮሌጅና የኮልፌ ኢንዱስትሪያል ኮሌጅን በክላስተር አደረጃጀት በመያዝ ብቁ፣ ተነሳሽነት ያለው፣ በራሱ የሚተማመን፣ ተወዳዳሪ የሆነና በመካከለኛ ደረጃ የሰለጠነ የሰው ሃይል በብዛትና በጥራት ለኢንዱስትሪው የማቅረብ ተግባር እያከናወኑ ሲሆን የጥቃቅንና አነስተኛ ኢንተርፕራይዞችን ተወዳዳሪነት ለማሳደግና ለወጣቶችና ለሴቶች የስራ ዕድል እንዲፈጥሩ ለማስቻል በየዓመቱ በሺዎች የሚቆጠሩ ኢንተርፕራይዞች የኢንዱስትሪ ኤክስቴንሽን ቴክኖሎጂ ድጋፍ በማድረግ ላይ ይገኛሉ ብለዋል፡፡

ቅዳሜ፡- ሰኔ 7 ቀን 2017 ዓ.ም

15ኛው የቴክኒክ እና ሙያ ሳምንት ዐውደ ርዕይ ተጀመረ፡፡

15ኛው የቴክኒክ እና ሙያ ሳምንት ዐውደ ርዕይ ዛሬ ሰኔ 7 ቀን 2017 ዓ.ም በአዲስ አበባ ኤግዚቪሸን ማዕከል ለጎብኝዎች ዕይታ ክፍት ተደረገ፡፡

በመክፈቻ መርሃ ግብሩ ላይ የአዲስ አበባ ከተማ አስተዳደር ከንቲባ ክብርት ወ/ሮ #አዳነች #አቤቤ፣ በምክትል ከንቲባ ማዕረግ የአዲስ አበባ ከተማ አስተዳደር ሥራና ክህሎት ቢሮ ኃላፊ አቶ #ጥራቱ #በየነን ጨምሮ የፌደራል እና የከተማ አስተዳደር የስራ ኃላፊዎች ተገኝተዋል፡፡

በዕለቱ የመዲናይት ከንቲባ በመልዕክታቸው "ችግር ፈቺ ተኪ ምርቶችን በማምረት ሂደት  የቴክኒክና ሙያ ማሰልጠኛ ኮሌጆች እያበረከቱት ያለው አስተዋጽኦ የሚበረታታ ነው" ብለዋል።

ክብርት ከንቲባዋ አያይዘውም በቅርቡ በሀገር አቀፍ ደረጃ በተካሄደው የክህሎት  ውድድር በከተማ አስተዳደሩ  አጠቃላይ አሸናፊነት በመጠናቀቁ የዘርፉን አመራሮችና ባለሙያዎች  አመስግነዋል።

መንግስት ከለውጡ ማግስት ጀምሮ ለዘርፉ ልዪ ትኩረት በመስጠትና በአዳዲስ እሳቤ በመቃኘት ለሀገራዊ ዕድገትና ብልፅግና መረጋገጥ ዋስትና እየሆነ መጥቷል ያሉት ደግሞ በምክትል ከንቲባ ማዕረግ የአዲስ አበባ ሥራና ክህሎት ቢሮ  ኃላፊ ክቡር #አቶ #ጥራቱ #በየነ ናቸው፡፡

በዚህ ኤግዚቪሽን ላይ በ15ቱ የመንግስት ኮሌጆች በሚገኙ አሰልጣኞች፣ ሰልጣኞች እና ኢንተርፕራይዞች  የተሰሩ ከ150 በላይ  ችግር ፈቺ የማምረቻ እና የምርት  ቴክኖሎጂ ውጤቶች በአውደ ርዕዩ ላይ ቀርቧል፡፡

ይህ በእንዲህ እንዳለ በጀነራል ዊንጌት ፖሊ ቴክኒክ የተሰሩ 5 የማምረቻ እና 6 የምርት ውጤቶች ለጎብኝዎች ቀርበዋል፡፡

በተጨማሪም በኮሌጁ የኢንዱስትሪ ኤክስቴንሽን ድጋፍ የሚደረግላቸው 2 ኢንተርፕራይዞች የፈጠራ ምርታቸውን ይዘው ተገኝተዋል፡፡

ኤግዚቪሽኑ ''ብሩህ አዕምሮዎች፤ በክህሎት የበቁ ዜጎች'' በሚል መሪ ሃሳብ እየተካሄደ የሚገኝ ሲሆን ለ5 ተከታታይ ቀናት በልዩ ልዩ ሁነቶች እየተስተናገደ ለጎበኝዎች ክፍት ተደርጎ እንደሚቆይ ተነግሯል።

‹‹በላቀ አገልግሎት የመረጃ ተደራሽነት››