#yangi_loyiha

🚙ЭЛЕКТРОМОБИЛЛАР ИШЛАБ ЧИҚАРИШ ЛОЙИҲАСИНИНГ БОРИШИ ЎРГАНИЛДИ

‼️Айни пайтда “Ўзэлтехсаноат” уюшмаси раиси М.Юнусов бошчилигидаги Ишчи гуруҳи Фарғона вилоятидаги электротехника саноати корхоналарининг ишлаб чиқариш жараёни ва 2023 йилда ишга тушадиган янги лойиҳаларнинг мавжуд ҳолати юзасидан ўрганишлар олиб бормоқда.

✍️Давлатимиз раҳбари томонидан электромобиль тармоғини ривожлантириш ва хизмат кўрсатиш қамровини оширишга қаратилган ташаббуслари бугун амалиётда ўз ифодасини топмоқда. Шунингдек, маҳаллий электромобиль хариди учун олинган кредит фоизининг бир қисмини давлат томонидан қоплаб берилиши ва ишлаб чиқарувчиларга берилаётган имтиёзлар тадбиркорлик субъектлари фаолиятига ижобий ёрдам бермоқда.

📝Ушбу яратилаётган имкониятлар доирасида Фарғона механика заводи ҳудудида «Электромобиллар учун эҳтиёт қисмларни ишлаб чиқаришни ўзлаштириш ҳамда енгил ва юк электромобиллар ишлаб чиқариш» лойиҳаси “Central Asia Motors” корхонаси томонидан амалга оширилмоқда. Уюшма раиси М.Юнусов ушбу корхонага ташриф буюриб, мавжуд жараёнлар билан яқиндан танишди.

💵Лойиҳанинг умумий қиймати 50 млн доллар бўлиб, шундан 5 млн доллар тадбиркорнинг ўз маблағлари, 5 миллион доллари банк кредити ҳамда 40 млн доллар тўғридан-тўғри хорижий инвестиция ҳисобига тўғри келади. Мазкур корхона ишга тушса, 350 дан ортиқ янги иш ўрни яратилади. Йилига 10 минг дона электромобил ишлаб чиқариш йўлга қўйилади.

⚙️Шунингдек, бу ерда электромобиллар учун кузов, қувватлаш станцияси ва аккумулятор эҳтиёт қисмлари маҳаллийлаштирилади.

👉Ишчи гуруҳи лойиҳани тезроқ ишга тушириш юзасидан барча зарур чораларни кўриш ва тадбиркорга бу борада амалий ёрдам беришини маълум қилди.

🔊Ijtimoiy tarmoq sahifalarimiz:
🌐 Facebook 🌐 Telegram 🌐 Instagram

#yangi_loyiha

📈ЖИЗЗАХДА БУГУН 3 ТА КОРХОНА ИШГА ТУШДИ. ШУНДАН БИТТАСИ ЭЛЕКТРОТЕХНИКА САНОАТИ КОРХОНАСИДИР

Президент Шавкат Мирзиёев 10 февраль куни Жиззах вилоятида саноатни ривожлантириш ва қайта тикланувчи энергия манбаларини кўпайтириш масалалари бўйича йиғилиш ўтказди.

Йиғилиш сўнгида яна бир муҳим воқеа – 3 та янги корхонани ишга тушириш маросими бўлди. Улар – Фориш туманидаги “Eco Basalt Group”, Жиззах саноат зонасидаги “Mono Electric” ва “Super medical elements” ширкатларидир.

Биринчи корхона базальтдан йилига 5 минг тонна композит қувурлар ишлаб чиқариш қувватига эга бўлади. “Mono Electric”да 1 минг 500 турдаги электр техника маҳсулотлари, “Super medical elements”да 40 турдаги тиббий буюмлар ишлаб чиқарилади. Ушбу корхоналар ҳисобига, 700 дан ортиқ аҳоли юқори даромадли доимий иш жойига эга бўлади.

Маросимда видеоалоқа орқали корхоналар вакиллари билан мулоқот қилинди.

Президент Шавкат Мирзиёев рамзий тугмани босиб, янги корхоналарни ишга туширди.

@uzeltexsanoat

#hamkorlik #yangi_loyiha
#yashil_energetika

🇺🇿🇰🇷ЎЗБЕКИСТОНДА ҚУЁШ ПАНЕЛЛАРИ ВА ИНВЕРТОРЛАР ИШЛАБ ЧИҚАРУВЧИ ҚЎШМА КОРХОНА ТАШКИЛ ЭТИЛДИ

✍️Агар хабарингиз бўлса, бундан бир ой олдин Ўзбекистонда аҳолини муқобил энергия манбалари билан таъминлаш мақсадида қуёш панеллари ва инверторлар ишлаб чиқаришни йўлга қўйиш мақсадида Orient Group ва HIBI International Co. Ltd компанияси ўртасида ўзаро англашув меморандуми имзоланган эди.

📝Бугун мазкур қўшма лойиҳани Ўзбекистонда амалга ошириш ва давлат томонидан берилаётган имкониятлардан самарали фойдаланиш мақсадида «Orient HIBI Energy” Ўзбекистон-Корея қўшма корхонасининг очилиш маросими бўлиб ўтди.

⚡️Қўшма корхона мамлакатимизда саноат ва аҳолининг қуёш энергиясига бўлган талабини қондириш имкониятини беради. Бу ерда инверторлар, гибрид қуёш панеллари ва PBC аккумуляторлари ишлаб чиқариш йўлга қўйилади.

Ijtimoiy tarmoq sahifalarimiz:
🌐 Facebook 🌐 Telegram 🌐 Instagram 🔻 Youtube

#hamkorlik #yangi_loyiha #sian

🇨🇳🇺🇿Huawei katta vitse-prezidenti Sian shahrida O‘zbekiston prezidenti bilan bo‘lib o‘tgan davra suhbatida ishtirok etdi

Xabaringiz bor, O‘zbekiston Prezidenti Shavkat Mirziyoyev 2023-yil 19-may kuni Sian shahrida Xitoyning yirik kompaniyalari rahbarlari va vakillari ishtirokidagi davra suhbatida qatnashgan edi. Unda "Huawei Technologies Co. Ltd" katta vitse-prezidenti Janob Van Szyanfen kompaniya vakili sifatida uchrashuvda ishtirok etdi va Huawei kompaniyasining O‘zbekistonda tarmoqqa kirishini kengaytirish, yashil rivojlanish, iqtidorlarni tayyorlash va ekotizim hamkorligi bo‘yicha o'z fikrlari bilan o‘rtoqlashdi.

📝 Fb 📝 Tg 💻 Insta 🎞 Ytube 🌍 Site

➡️ #yangi_loyiha #mis_klasteri #ohangaron

📣 MIS KLASTERIDAGI LOYIHA TASHABBUSKORLARI BILAN UCHRASHUVDAN MAQSAD NIMA?

✅ Xabaringiz bor, Toshkent viloyati Ohangaron tumanidagi “Ohangaron Tech Industrial” DUK texnoparkida 2023-2026-yillarga moʻljallangan umumiy qiymati 191,3 mln.dollarlik 10 ta istiqbolli loyihalarni amalga oshirish koʻzda tutilgan.

✅ Bu yerda yangi 16 ta turdagi elektrotexnika mahsulotlari, xususan 5 ming dona elektromobillar uchun quvvatlash qurilmalari, 6 mln. dona mobil qurilmalar uchun SIM kartalar, 3 mln. dona transport kartalar, 6 mln. dona halqaro toʻlov valyuta kartalar, 200 ming dona turli qoplamali bukiluvchan mis konnektorlari, 3 ming tonna izolyasiyalangan mis quvurlari, 25 ming tonna yuqori kuchlanishli kabel mahsulotlari va boshqa mahsulotlar oʻzlashtiriladi, 4,8 trln. so'mlik elektrotexnika mahsulotlari ishlab chiqarish va 322,5 mln dollarlik mahsulotlarni eksport qilish imkoniyati yaratiladi hamda 220 mlrd soʻmdan ortiq byudjetga qoʻshimcha tushum manbasi shakllantiriladi.

✅ Bugungi kunda loyiha tashabbuskorlari tomonidan taqdim etilgan tarmoq jadvallariga asosan, hududda dastlabki qurilish ishlari "Ahangaran Copper Foil" MCHJ (“Aslservis” MCHJ), “Flex Cables” MCHJ va “Vades Group” MCHJ tomonidan boshlab yuborilgan.

✅ Uchrashuvda amalga oshiriladigan boshqa loyiha tashabbuskorlari bilan qurilish ishlarini jadallashtirish boʻyicha bir qator masalalar muhokama qilindi. Yuzaga kelayotgan mavjud muammolarni oʻrganish va uni hal etish choralari koʻrib chiqildi.

✅ Loyiha tashabbuskorlari tomonidan takliflar oʻrtaga tashlandi. Bu uchrashuvdan maqsad – berilgan imkoniyatlardan foydalangan holda loyihaning qurilishi ishlarini tezroq boshlab, ishlab chiqarishni belgilangan muddatlarda ishga tushirish choralarini koʻrishdan iborat boʻldi.

📝 Fb 📝 Tg 💻 Insta 🎞 Ytube 🌍 Site

#mahalliylashtirish #qashqadaryo #yangi_loyiha

⚙️КОРХОНАДА ЯНГИ ТЕРМОПЛАСТАВТОМАТ УСКУНАСИ ЎРНАТИЛДИ

✅“Ўзэлтехсаноат” уюшмаси Бошқарма бошлиғи Э.Файзиев ва М.Мирисхаковлар Қарши шаҳридаги «Буюк турон» кичик саноати зонасида жойлашган “Алп Техно Сервис” МЧЖ томонидан ишлаб чиқарилаётган турли ўлчамдаги телевизор маҳсулотларининг иккинчи босқичида амалга оширилаётган технологик жараёнлар билан яқиндан танишдилар.

📝“Ўзэлтехсаноат” уюшмаси Бошқарма бошлиғи Э.Файзевнинг сўзлари кўра, бу ерда ҳозирча 2 та лойиҳа амалга оширилган бўлиб, 85 дан ортиқ иш ўрни яратилган. Жорий йил охирига қадар яна 5 та турли қувватдаги асбоб-ускуналар олиб келинади ва маҳаллийлаштириш даражаси 65 фоизга етади.

✅Ўтган йили фаолият бошлаган “Алп Техно Сервис” МЧЖ йилига 120 минг дона телевизор ва мониторлар ишлаб чиқариш қувватига эга. Корхона JVC, TCL, Zimmer ва бошқа брендларнинг аудитидан ўтиб, шу номлар остида ташқи бозорга чиқмоқда. Ўтган йили 3 миллион доллар маҳсулот экспорт қилинган бўлса, жорий йилда бу кўрсаткични 6 миллион долларга етказиш режа қилинган.

⚙️Ҳозирда корхонага Хитой давлатидан янги термопластавтомат ускунаси олиб келиб ўрнатилди. Энди маҳсулотларнинг барча пластик қисмлари шу ернинг ўзида тайёрланадиган бўлди.

✅Корхонада ишлаб чиқариш учун зарур бўлган бутловчи қисмларни тўлиқ маҳаллийлаштирилишига эришиш, кооперация йўли билан бошқа корхоналар ўртасида ҳамкорлик алоқаларини ўрнатиш ва кенгайтириш масалалари ҳам муҳокама қилинди.

#yangi_loyiha

🟢АНДИЖОНЛИК ТАДБИРКОРЛАРДАН ЯНГИ ЛОЙИҲА ТАКЛИФЛАРИ ОЛИНМОҚДА
Бунда имтиёзли банк кредитларидан фойдаланиш имкониятлари ҳам кенгаяди

➡️Давлат раҳбарининг 28 ноябрь куни электротехника саноатида ишлаб чиқаришни янада қўллаб-қувватлаш, корхоналарнинг экспорт салоҳиятини ошириш масалалари бўйича ўтказилган йиғилишида берилган топшириқлар ижроси юзасидан "Ўзсаноатқурилишбанк" АТБ билан ҳамкорликда Андижон вилоятидаги тадбиркорлар билан очиқ мулоқот бўлиб ўтди.

➡️"Ўзэлтехсаноат" уюшмаси раиси ўринбосари Ж.Жамалов, "Ўзсаноатқурилишбанк" АТБ Бошқаруви раисининг ўринбосари Ш. Юсупов ва уюшма масъул ходими О.Мирзаевлар тадбиркорларга соҳадаги кенг имкониятлар ҳақида гапирар экан, бу борада амалга ошириш мумкин бўлган янги истиқболли лойиҳа таклифлари ҳам тақдимот қилинди.

➡️Ҳозирда Андижон вилоятида электротехника саноати жадал ривожланмоқда. Бу ерда кабель-сим, маиший техника йўналишларида катта тажриба тўпланмоқда. Табиийки, яна бошқа йўналишларда ҳам инвестиция лойиҳаларини амалга ошириш мумкин.

➡️Тадбиркорлар келгуси йилларда амалга оширадиган янги лойиҳалар юзасидан ўз таклифларини билдирдилар. Шунингдек, тадбиркорликни ривожлантириш имтиёзли банк кредитларидан фойдаланиш бўйича ҳам маълумотлар берилди.

📝Fb 📝 Tg 💻 In 🎞 Tube 🕊 Tw

#solar #quyosh_panel #yangi_loyiha

💸YANA BIR QUYOSH PANELI ISHLAB CHQARUVCHI KORXONA  MAHALLIY BOZORGA KIRIB KELDI

📱Toshkent shahrining Yashnobod tumanida quyosh panellari ishlab chiqaruvchi "Great Start Bild" korxonasi ish boshlaganiga hali koʻp vaqt boʻlmadi.

💸Loyiha qiymati 5 mln dollar boʻlib, quvvati 100 МVtni tashkil etadi. Korxonada bugungi kunda 20 nafar mahalliy aholi vakillari ish bilan ta'minlangan bo'lib, ular xorijlik mutaxassislar tomonidan maxsus dastur asosida ta'lim olganlar. 

💸Ushbu korxona nafaqat mahsulot ishlab chiqarish, balki mahsulotlarni o'rnatish va servis xizmatlari ko'rsatish bilan ham shug'ullanadi.

🦠Kuni kecha korxona ilk marotaba Respublika tarmoqlararo sanoat yarmarkasida oʻz mahsulotlari bilan ishtirok etdi.

@uzeltexsanoat

#yangi_loyiha #kredit #imtiyoz #toshkent_viloyati

🟢ТОШКЕНТ ВИЛОЯТИ ТАДБИРКОРЛАРИ БИЛАН ОЧИҚ МУЛОҚОТ

➡️Аввал хабар берганимиздек, Давлат раҳбарининг 28 ноябрь куни электротехника саноатида ишлаб чиқаришни янада қўллаб-қувватлаш, корхоналарнинг экспорт салоҳиятини ошириш масалалари бўйича ўтказилган йиғилишида берилган топшириқлар ижроси юзасидан "Ўзсаноатқурилишбанк" АТБ билан ҳамкорликда Тошкент вилоятидаги тадбиркорлар билан очиқ мулоқот ўтказилди.

➡️Унда "Ўзэлтехсаноат" уюшмаси раиси ўринбосари Ж.Жамалов, "Ўзсаноатқурилишбанк" АТБ Департамент бошлиғи Ғ. Қорабоев ва уюшма масъул ходими С.Боевлар тадбиркорларга соҳадаги кенг имкониятлар ҳақида гапирар экан, бу борада амалга ошириш мумкин бўлган янги истиқболли лойиҳалар, банк кредитларидан мақсадли ва имтиёзли фойдаланиш  бўйича тақдимот қилдилар.

➡️Ўз навбатида, вилоят тадбиркорлари ҳудудда амалга ошириш имкони бўлган инвестиция лойиҳалари, уларни молиялаштириш манбалари, хусусан имтиёзли кредит олиш жараёнидаги айрим масалаларга тўхталиб, ўзларини қизиқтирган саволларга жавоб олдилар.

‼️Сал аввалроқ, бундай учрашув Андижон, Наманган, Сурхондарё вилоятларида ҳам бўлиб ўтган эди.

📝Fb 📝 Tg 💻 In 🎞 Tube  🕊 Tw