➡️ #Energy_Week_2025

⚡️ "Energy Week 2025” forumida O‘zbekiston elektrotexnika sanoati korxonalari ishtirok etmoqda

➡️ Joriy yil 13–15-may kunlari Toshkentda xalqaro miqyosdagi yirik tadbir — “Uzbekistan Energy Week – UEW 2025” bo‘lib o‘tmoqda. Mazkur forumda energetika, neft-gaz, qayta tiklanuvchi energiya manbalari va elektrotexnika sohalaridagi yetakchi kompaniyalar, davlat idoralari, ilmiy muassasalar va investorlar ishtirok etmoqda.

➡️ Forumda 30 ga yaqin xorijiy davlatdan ishtirokchilar qatnashmoqda, jumladan: AQSh, Kanada, Yaponiya, Germaniya, Fransiya, Birlashgan Arab Amirliklari, Turkiya, Xitoy, Hindiston, Rossiya, Qozog‘iston, Koreya Respublikasi, Italiya va boshqa mamlakatlar vakillari.

➡️ O‘zbekistonning elektrotexnika sanoati korxonalari ham o‘z mahsulotlari bilan ushbu forum doirasida tashkil etilgan ko'rgazmada faol ishtirok etmoqda.

➡️ Mahalliy ishlab chiqaruvchilar tomonidan taqdim etilgan zamonaviy texnologiyalar va texnik yechimlar ishtirokchilarda katta qiziqish uyg‘otmoqda.

➡️ E'tiboringizga mazkur jarayonlarni o'zida aks ettiruvchi fotokontentni taqdim etamiz.

🌐 UZELTEXSANOAT | Telegram

➡️ #Qozon #Rossiya

⚡️ O‘zbek elektrotexnika mahsulotlari Qozonda namoyish qilinmoqda

➡️ 2025-yil 14–16-may kunlari Rossiya Federatsiyasining Qozon shahrida o‘tkazilayotgan “Russia Halal Expo 2025” xalqaro ko‘rgazmasida “O‘zeltexsanoat” uyushmasi boshchiligidagi korxonalar faol ishtirok etmoqda.

➡️ Mazkur nufuzli tadbir doirasida O‘zbekistonning elektrotexnika sanoatiga oid mahsulotlari “Made in Uzbekistan” milliy stendi orqali keng jamoatchilik e’tiboriga havola qilinmoqda. Ko‘rgazmadagi ishtirok O‘zbekistonning sanoat salohiyatini xorijiy bozorlarda targ‘ib qilishda muhim ahamiyat kasb etmoqda.

➡️ “O‘zeltexsanoat” uyushmasi ko‘rgazmada alohida ekspozitsiya bilan qatnashib, maishiy texnika va kabel sanoatiga oid mahsulotlarni uchta funksional zona shaklida taqdim etmoqda:

🔊 Oshxona zonasi – bu bo‘limda zamonaviy maishiy texnika namunalari namoyish etilgan;
🔊 Qurilish zonasi – bu qismda elektr energiyasi uchun mo‘ljallangan turli quvvatdagi kabel mahsulotlari joylashtirilgan;
🔊 Hammom zonasi – bu zonada esa maxsus maishiy texnika turlari bilan tanishish mumkin.

➡️ Milliy stend doirasida quyidagi o‘zbek brendlari o‘z mahsulotlarini ko‘rgazmaga olib chiqqan:
KLEO, IDEAL, MAGNA, BRANDO, MONO ELECTRIC hamda Artikul Aziya Kabel.

➡️ Mazkur ishtirok nafaqat sanoat salohiyatini ko‘rsatmoqda, balki O‘zbekiston brendlari uchun yangi eksport imkoniyatlarini yaratmoqda.

🌐 UZELTEXSANOAT | Telegram

➡️ #Energy_Week

⚡️ Uyushma mas'ullari O'zbekiston energetika haftaligi doirasidagi tadbirlarda ishtirok etmoqda

➡️ Joriy yil 13-15-may kunlari bo‘lib o‘tayotgan “Uzbekistan Energy Week" tadbirlari doirasida “Mahalliy ishlab chiqarish — yoqilg‘i-energetika kompleksining mustahkam poydevori garovidir” mavzusidagi panel sessiyasi bo‘lib o‘tdi. Ushbu sessiyada "O‘zeltexsanoat" uyushmasi raisi o‘rinbosari Jahongir Jamalov ishtirok etdi va nutq so‘zladi.

➡️ Nutq davomida u O‘zbekiston elektrotexnika sanoatining bugungi rivojlanish tendensiyalariga to‘xtalib, ayniqsa mahalliylashtirish darajasining oshib borayotganligi haqida alohida ta’kidladi. Unga ko‘ra, elektrotexnika mahsulotlarini ichki ishlab chiqarish hajmining ortishi nafaqat iqtisodiy mustaqillikni mustahkamlaydi, balki energetika xavfsizligini ta’minlashda ham muhim omil hisoblanadi.

➡️ Uyushma raisi o'rinbosari o‘z chiqishida energetika va elektrotexnika tarmoqlari o‘rtasidagi uzviy bog‘liqlik chuqurligini ta'kidlab, mahalliy tadbirkorlar tomonidan ishlab chiqarilayotgan elektrotexnika vositalarning energetika infratuzilmasini barqarorlashtirishdagi o‘rnini keng ko‘lamda tahlil etdi.

➡️ Shuningdek, u davlat tomonidan qo‘llab-quvvatlanayotgan sanoat kooperatsiyasi va import o‘rnini bosuvchi mahsulotlar ishlab chiqarishni rag‘batlantirish dasturlari doirasida uyushma korxonalari tomonidan amalga oshirilayotgan loyihalar haqida ham ma’lumot berdi.

➡️ Tadbir doirasida elektrotexnika sohasida xalqaro hamkorlikni kengaytirish, yuqori texnologiyalarni jalb qilish hamda energetika tarmog‘i ehtiyojlari uchun moslashtirilgan innovatsion yechimlarni ishlab chiqish zarurligi ta’kidlandi.

🌐 UZELTEXSANOAT | Telegram