➡️ #elektromobil #ishchiguruhi

⚡️Elektromobillarni quvvatlash stantsiyalarini rivojlantirish bo‘yicha Dastur ishlab chiqiladi

➡️Prezident Shavkat Mirziyoyevning 6 fevral kuni elektromobil ishlab chiqarishni kengaytirish chora-tadbirlari to‘g‘risidagi yig‘ilishida berilgan topshiriqlar ijrosini ta'minlash maqsadida Ishchi guruhining yig‘ilishi bo‘lib o‘tdi.

➡️Unda O‘zbekiston Respublikasi Prezidenti Administratsiyasi, tegishli vazirlik va idoralar, tadbirkorlik sub'ektlari, jumladan “O‘zeltexsanoat” uyushmasi rahbarlari, korxona vakillari ham ishtirok etdi.

Ta'kidlandiki, so‘nggi uch yilda O‘zbekistonda elektromobillar sotuvi 10 barobar ko‘paygan. 2023 yilda import qilingan avtomobillarning 35 foizini elektromobil va gibridlar tashkil qilgan. «Yashil» iqtisodiyotga o‘tishni jadallashtirish, elektromobillardan foydalanishni ommalashtirish va ularni quvvatlantirish stantsiyalari tarmog‘i yaratilishini rag‘batlantirish va rivojlantirish bo‘yicha bir qator topshiriqlar berilgan.

➡️Ular ijrosini ta'minlash maqsadida Prezidentning 19.12.2022 yildagi PQ-444-son qarori bilan 2024 yil 1 yanvardan boshlab respublikada qurib bitkaziladigan savdo va biznes markazlari, ko‘ngilochar va dam olish maskanlari, avtomobillarga yoqilg‘i quyish shoxobchalari, mehmonxonalar, xalqaro va davlat ahamiyatidagi avtomobil yo‘llari bo‘yidagi infratuzilma ob'ektlarining loyihalariga majburiy tartibda elektromobillarni quvvatlantirish stantsiyalarini kiritish talabi belgilanmoqda.

➡️Buning natijasida 2024 yil yakuniga qadar respublikada elektromobillarni quvvatlantirish stantsiyalari sonini kamida 2500 taga yetkazish bo‘yicha chora-tadbirlar dasturi ishlab chiqiladi.

➡️Ishchi guruhi a'zolari ham mazkur topshiriqlarni bajarish va ijrosini sifatli ta'minlash yuzasidan ishlab chiqilayotgan Dasturga o‘z taklif va mulohazalarini berdilar.

📝Fb 📝 Tg 💻 In 🎞 Tube 🕊 Tw

➡️ #Elektromobil #Ferghana

⚡️ELEKTROMOBILLAR ISHLAB CHIQARISH LOYIHASINING BORISHI OʻRGANILDI

➡️ Ayni paytda “Oʻzeltexsanoat” uyushmasi raisi M.Yunusov boshchiligidagi Ishchi guruhi Fargʻona viloyatidagi elektrotexnika sanoati korxonalarining ishlab chiqarish jarayoni va 2024-yilda ishga tushadigan yangi loyihalarning mavjud holati yuzasidan oʻrganishlar olib bormoqda.

➡️ Davlatimiz rahbari tomonidan elektromobil ishlab chiqarishni rivojlantirish va xizmat koʻrsatish qamrovini oshirishga qaratilgan tashabbuslari bugun amaliyotda oʻz ifodasini topmoqda. Shuningdek, mahalliy elektromobil xaridi uchun olingan kredit foizining bir qismini davlat tomonidan qoplab berilishi va ishlab chiqaruvchilarga berilayotgan imtiyozlar tadbirkorlik subyektlari faoliyatiga ijobiy yordam bermoqda.

➡️ Ushbu yaratilayotgan imkoniyatlar doirasida Fargʻona mexanika zavodi hududida “Elektromobillar ishlab chiqarish” loyihasi “Central Asia Motors” korxonasi tomonidan amalga oshirilmoqda. Uyushma raisi M.Yunusov ushbu korxonaga tashrif buyurib, mavjud jarayonlar bilan yaqindan tanishdi.

➡️ Loyihaning umumiy qiymati 50 mln dollar boʻlib, shundan 5 mln dollar tadbirkorning oʻz mablagʻlari, 5 million dollari bank krediti hamda 40 mln dollar toʻgʻridan-toʻgʻri xorijiy investitsiya hisobiga toʻgʻri keladi. Mazkur korxona ishga tushsa, 350 dan ortiq yangi ish oʻrni yaratiladi. Yiliga 10 ming dona elektromobil ishlab chiqarish yoʻlga qoʻyiladi.

➡️ Shuningdek, bu yerda elektromobillar uchun kuzov, quvvatlash stansiyasi va akkumulyator ehtiyot qismlari mahalliylashtiriladi.

➡️ Ishchi guruhi loyihani tezroq ishga tushirish yuzasidan barcha zarur choralarni koʻrish va tadbirkorga bu borada amaliy yordam berishini maʼlum qildi.

📝Fb 📝 Tg 💻 In 🎞 Tube 🕊 Tw

➡️ #Pro_tok #elektromobil

⚡️ELEKTROMOBILLАRNI QUVVАTLАSH STАNSIYALАRI ISHLАB CHIQАRАYOTGАN MАHАLLIY KORXONАNI BILАRMIDINGIZ?

➡️Аvval xabar berganimizdek, “Ozeltexsanoat” uyushmasi mas’ul xodimlari Toshkent shahrida joylashgan elektrotexnika korxonalari faoliyatini joyiga chiqib oʼrganmoqdalar.

➡️Navbatdagi manzil Yashnobod tumani, “Yashnobod” innovatsion texnoparki hududida joylashgan “Pro-Tok” MChJ korxonasi boʼldi.

➡️Bugungi kunda bu yerda 60-120 kV quvvatga ega elektromobillarni quvvatlash stantsiyalarini ishlab chiqarish (yigʼish) faoliyati bilan shugʼullanib kelinmoqda.

⚡️“Pro-Tok” brendi ostida korxonada hozir 20 nafar xodim faoliyat yuritmoqda. Korxona tomonidan 2024 yilda1,4 mlrd soʼmlik 17 dona quvvatlash stantsiyalari ishlab chiqarilgan.

👇Аgar ushbu qurilmalarni sotib olish yoki quvvatlash stantsiyasi oʼrnatish bilan bogʼliq takliflar boʼlsa, quyidagi manzillarga murojaat qilishingiz mumkin:

📝Korxona rahbari: Аrtur Gulyans
📍Manzil: Toshkent shahri, “Yashnobod” innovatsion texnoparki – Geolokatsiya
☎️Tel.: +998-90-316-43-34
🌐Sayt: https://pro-tok.uz/

#Uzeltexsanoat #Pro_Tok #Partnership #Membership #export #investitsiya #Tashkent #uzbekistan

🌐 UZELTEXSANOAT | Telegram