➡️ #toshkent_viloyati #exhibition

📣 Chirchiqda hududiy tarmoqlararo sanoat yarmarkasi va Sanoatchilar forumi o'z ishini boshladi

✅ Ayni damda Toshkent viloyati Chirchiq shahrida an'anaviy tarzda o'tkazilib kelinayotgan "Hududiy tarmoqlararo sanoat yarmarkasi va Sanoatchilar forumi" bo'lib o'tmoqda.

✅ Sanoat ko'rgazmasida turli tarmoq korxonalari, ishbilarmon doira vakillari va ekspertlar ishtirok etmoqdalar.

✅ Ko'rgazmada elektrotexnika, tog'-kon sanoati, kimyosanoat, qurilish, metallurgiya va boshqa ko'plab sanoat sohalaridan yuzlab ishlab chiqaruvchilar, tashrif buyuruvchilar ishtirok etmoqda.

✅ Yarmarka doirasida o'zaro manfaatli shartnomalar, tarmoq va mahalliy korxonalar bilan hamkorlik kelishuvlari imzolanishi va ishtirokchilar o'rtasida turli nominatsiyalarda tanlovlar o'tkazilishi rejalashtirilgan.

@uzeltexsanoat

➡️#muloqot #toshkent_viloyati

⚡️TOSHKENT VILOYATI ELEKTROTEXNIKA SANOATI TADBIRKORLARINING MUAMMO VA TAKLIFLARI ESHITILDI

➡️Avval xabar berganimizdek, Davlat rahbarining 5 sentyabr kuni elektrotexnika sohasida ishlab chiqarish, eksport va investitsiya hajmini koʻpaytirish masalalari muhokamasi yuzasidan o‘tkazilgan videoselektor yig‘ilishida berilgan topshiriqlar ijrosi yuzasidan Toshkent viloyatida faoliyat yuritayotgan elektrotexnika sanoati tadbirkorlari bilan ochiq muloqot bo‘lib o‘tdi.

➡️Unda "O‘zeltexsanoat" uyushmasi raisi M.Yunusov, O‘zbekiston Respublikasi Prezidenti huzuridagi Tadbirkorlik sub'ektlarining huquqlari va qonuniy manfaatlarini himoya qilish bo‘yicha vakil (Biznes-ombudsman) D.Kasimov ishtirok etib, drayver tarmoqda amalga oshirilayotgan istiqbolli loyihalar, ularning mavjud holati, tadbirkorlarni qiynayotgan muammolar va ularning yechimi borasidagi takliflar, mavjud imtiyozlardan foydalanish bo‘yicha taqdimotlar bilan tanishdilar.

➡️Ta'kidlandiki, bugungi kunda faoliyat olib borayotgan tadbirkorlarning aksariyat qismi Ohangaron tumanidagi «Eltech Industrial» texnoparki ishtirokchilari hisoblanadi. Hozirda bu hududda 266,1 mln.dollarlik 18 ta yangi investitsiya loyihalari amalga oshirilishi rejalashtirilgan bo‘lib, buning natijasida misni qayta ishlash quvvati 64,1 ming tonna yetkazilib, 2991 ta yangi ish o‘rinlari yaratiladi, 398,7 mln.doll eksport ko‘rsatkichlariga erishish kutilmoqda.

➡️O‘z navbatida, viloyat tadbirkorlari hududda amalga oshirish imkoni bo‘lgan investitsiya loyihalari, ularni moliyalashtirish manbalari, xususan imtiyozli kredit olish, soliq va bojxona rasmiylashtiruvi bilan bog‘liq jarayondagi ayrim masalalarga to‘xtalib, mas'ullarga ularning yechimi borasida ham o‘z takliflarini berdilar.

➡️Muloqot davomida Uyushma raisi M.Yunusov xorijlik investorlar bilan yangi loyihalar ustida muzokara olib bordi. Koreyalik tomonlarga Texnopark hududida yaratilgan infrastruktura, qulay investitsiya muhiti, imtiyoz va imkoniyatlari haqida ma'lumot berdi.

📝Fb 📝 Tg 💻 In 🎞 Tube 🕊 Tw

➡️ #Toshkent_viloyati

⚡️ Toshkent viloyatidagi soha korxonalarining faoliyati o’rganildi

➡️ “O’zeltexsanoat” uyushmasi barcha hududlar kesimida doimiy ravishda soha korxonalari faoliyatini yaqindan o’rganib boradi. Bundan ko’zlangan maqsad – tadbirkorlarga ko’mak ko’rsatish, ularni qiynayotgan muammolarga birgalikda yechim topish va sohadagi yangiliklardan boxabar etishdir.

➡️ Uyushma mas’ul xodimlari O.Mirzayev va S.Boyevlar Toshkent viloyati Parkent va Yuqorichirchiq tumanlarida joylashgan transformator va boshqa kuchlanish qurilmalari ishlab chiqaruvchi korxonalarning faoliyati bilan tanishdilar.

➡️ Mazkur korxonalar mutasaddilariga sohadagi qonunchilik yangiliklari, yaratilayotgan yangi imkoniyatlar haqida batafsil ma’lumot berildi.

➡️ Shu bilan birga, korxonalarning faoliyatini kengaytirish va kelajak rejalariga oid takliflari tinglandi. Bu borada vakolat doirasida barcha yordamlar ko’rsatilishi ta’kidlandi.

➡️ Uyushma mas’ullarining hududlardagi ishlab chiqarish korxonalarining faoliyatini o’rganish jarayonlari davom etadi.

📝Fb 📝 Tg 💻 In 🎞 Tube 🕊 Tw