Bugun Termiz shahrida “Xalq deputatlari Termiz shahar Kengashi tomonidan aholi muammolarini o’rganish va hal etishdagi rolini oshirish, fuqarolarning turmush darajasini yaxshilash, shahardagi ijobiy ishlar samaradorligini oshirish borasida amalga oshirilgan ishlar” mavzusida MATBUOT ANJUMANI o’tkazildi.

Tadbirda Surxondaryo va Ishonch telekanallarining jurnalistlari, gazeta muxarrirlari, matbuot kotiblari, mustaqil jurnalistlar va keng jamoatchilik a’zolari ishtirok etishdi. Ular bugungi kunning dolzarb masalalari va shahardagi ijobiy o’zgarishlar haqida batafsil ma’lumot olishdi.

Anjumanda deputatlar va jurnalistlar o’rtasida iliq va qizg’in suhbatlar bo’lib o’tdi, barcha savollariga javoblar berildi. Jamoatchilik vakillari bilan bo’lib o’tgan suhbatlar orqali aholi hayotini yaxshilash va shaharda amalga oshirilgan ijobiy ishlar haqida yanada ko’proq ma’lumot olish imkoniyati yaratildi.

Tadbirda, Xalq deputatlari Termiz shahar Kengashi mudiri tomonidan amalga oshirilgan ishlar va kelgusidagi rejalar haqida taqdimotlar ham qilindi. Bu tadbir Termiz shahridagi ijtimoiy-siyosiy jarayonlar, shuningdek, fuqarolar bilan bevosita muloqot o’rnatishning muhimligini yana bir bor namoyish etdi.

#Termiz #Jamoatchilik #MatbuotAnjumani #XalqDeputatlari #ShaharKengashi #Fuqarolar #Jurnalistika #TermizdagiYangiliklar

🇺🇿Termiz shahar hokimligi Axborot xizmati

Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram

#Live

Termiz shahar 18-umumta’lim maktabida 9-may “Xotira va qadrlash kuni” munosabati bilan “Xotira muqaddas, xotira abadiy!” shiori ostida tadbir bo’lib o’tmoqda. Ushbu kun bizning ajdodlarimizning jasorati va qahramonligini eslash, ularning xotirasini abadiylashtirishga bag’ishlangan.

#XotiraVaQadrlashKuni #AbadiyXotira #Termiz

🇺🇿Termiz shahar hokimligi Axborot xizmati

Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram

Termiz shahrida Ikkinchi jahon urushi qatnashchilari va mehnat fronti ishtirokchilarini mukofotlash marosimi o‘tkazildi

2025-yil 6-may kuni Termiz shahrida O‘zbekiston Respublikasi Prezidentining 2025-yil 25-fevraldagi PF-32-son Farmoni hamda O‘zbekiston Respublikasi Vazirlar Mahkamasining 2025-yil 17-aprel kunidagi 231-sonli qarori asosida Ikkinchi Jahon Urushi qatnashchilari va urush davridagi mehnat fronti ishtirokchilarini mukofotlash va O‘zbekiston Respublikasi Mudofaa vazirining ikkinchi jahon urushidagi g‘alabaning 80 yilligi esdalik medallarini topshirish marosimi tantanali ravishda bo‘lib o‘tdi.

Mazkur marosimda Termiz shahar hokimi O‘. To‘rayev va Janubiy operativ qo‘mondoni P.Sotivoldiyev ishtirok etib, urush qatnashchilari va mehnat fronti ishtirokchilarini chin dildan tabriklab, ularga barcha ezgu tilaklarini bildirdilar. Tantanali tadbirda, urush qatnashchilari va ularning oila a’zolariga O‘zbekiston Respublikasi Prezidentining yuqori mukofotlari, medallar va esdalik sovg‘alari topshirildi.

Ushbu tadbir orqali biz nafaqat tarixni yodga oldik, balki bu jasur va fidokor insonlarning xalqimiz uchun qilgan beqiyos xizmatlarini yana bir bor e’tirof etdik. Bugungi kunda, ularning xotirasi va mehnati yuksak qadrlanadi va asrlarga yetib boradi.

Urushning og‘ir sinovlarini o‘tkazgan, tinchlikni saqlashda o‘z jonini fido qilgan hamda mehnat frontida katta hissalar qo‘shgan barcha insonlarga cheksiz minnatdorchilik bildiramiz!

#Termiz #UrushQatnashchilari #Tantana #ĞalabaYubileyi #FidoiyMehnat #Vatanparvarlik

🇺🇿Termiz shahar hokimligi Axborot xizmati

Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram

Termiz shahrida ommaviy sayyor qabul tashkil etildi!

Bugun Termiz shahridagi “San’at saroyi” hududida, shahar hokimi O’.To’rayev, Xalq qabulxonasi mudiri Q.Xolmatov va respublika ishchi guruhi vakillari ishtirokida shaharda yashovchi fuqaro va tadbirkorlarning muammolarini bevosita hal etish maqsadida ommaviy sayyor qabul bo’lib o’tdi.

Qabulda shahar va viloyat rahbarlari, shuningdek, Davlat xizmatini rivojlantirish agentligi xodimi O’.Hamraev, Mahallalar uyushmasi xodimi S.Mirzayev hamda boshqa aloqador idoralar vakillari ishtirok etdilar.

Shahardagi “Majnuntol”, “Bog’ishamol” hamda boshqa mahallalardan 50 nafardan ortiq fuqarolar o’z muammolari bilan murojaat qilishdi. Murojaatlar turli sohalarni qamrab olib, fuqarolar tomonidan ko’plab dolzarb masalalar ko’tarildi. Shahar prokurori X.Mamatqulov, IIB boshlig’i M.Boltayev, Adliya bo’limi boshlig’i G.Tilovqobilov, shahar hokimi o’rinbosarlari va boshqa mas’ul rahbarlar ishtirokida o‘tkazilgan ushbu qabulda, har bir murojaat diqqat bilan tinglanib, muammoning yechimi yuzasidan tegishli mutasaddilarga topshiriqlar berildi.

Shahar va viloyat rahbarlari tomonidan fuqarolarni tinglash, ularning ehtiyojlari va muammolarini hal etish borasida samarali chora-tadbirlar ko’rish ta’kidlandi.

Ommaviy sayyor qabul davomida fuqarolar o’zlarini qiziqtirgan savollarga javob olishdi va ko’plab masalalar bo‘yicha tezkor yechimlar topildi. Ushbu tadbirning o‘tkazilishi aholi va davlat organlari o‘rtasida bevosita aloqalarni mustahkamlash, shuningdek, fuqarolarni qiynayotgan muammolarni hal etish uchun samarali mexanizm sifatida xizmat qilmoqda.

Bunday sayyor qabul tadbirlar davom etadi va aholining barcha qatlamlarining murojaatlari inobatga olinadi.

#Termiz #OmmaviyQabul #FuqarolarMurojaati #Surxondaryo #XalqQabulxonasi #Mahalla #DavlatXizmatiniRivojlantirish

🇺🇿Termiz shahar hokimligi Axborot xizmati

Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram