የኢትዮጵያ አየር መንገድ በአቪዬሽን ዘርፉ ስኬት ቁልፍ ሚና ካላቸው ባለድርሻ አካላት አንዱ ለሆነው የኢትዮጵያ ፌደራል ፖሊስ አቪዬሽን ፖሊስ መምሪያ ያስገነባውን መኖሪያ ካምፕ አስመርቆ ለአገልግሎት አበቃ።
በምርቃት ስነ ስርዓቱ ላይ የኢትዮጵያ ፌደራል ፖሊስ ኮሚሽነር ጀነራል ክቡር ደመላሽ ገሚካኤል ፣ የኢትዮጵያ አየር መንገድ ግሩፕ ዋና ስራ አስፈፃሚ አቶ መስፍን ጣሰው፣የኢትዮጵያ ፌደራል ፖሊስ ኮሚሽን ከፍተኛ የስራ ሀላፊዎች እና ሌሎች ጥሪ የተደረላቸው እንግዶች ተገኝተዋል።
የኢትዮጵያ አየር መንገድ ግሩፕ ዋና ስራ አስፈፃሚ አቶ መስፍን ጣሰው አየር መንገዱ ደህንነቱ የተጠበቀ እና ስኬታማ አገልግሎት እንዲሰጥ የኢትዮጵያ ፌደራል ፖሊስ አቪዬሽን ፖሊስ መምሪያ አይተኬ ሙያዊ አስተዋፅዖ እያበረከተ እንደሆነ ገልፀዋል።
#የኢትዮጵያአየርመንገድ

ታላቁ ሩጫ በኢትዮጵያ ከምስረታው ጀምሮ ባካሄዳቸው የተለያዩ የሩጫ መርሓግብሮች የኢትዮጵያ አየር መንገድ ለሰጠው ያልተቋረጠ ድጋፍ እና ለሩጫ መርሐግብሮቹ ስኬታማነት ላበረከተው አስተዋፅዖ ‘የወርቅ ደረጃ’ የዕውቅና ሽልማት ተበረከተለት። ሽልማቱን ያበረከቱት ጀግኖች አትሌቶቻችን ሻለቃ ኃይሌ ገብረስላሴ እና ገዛኸኝ አበራ ሲሆኑ በሽልማት አሰጣጥ ስነስርዐቱ ላይ የቱሪዝም ሚኒስቴር ሚኒስትር ክብርት ናሲሴ ጫሊን ጨምሮ ሌሎች ጥሪ የተደረገላቸው እንግዶች ተገኝተዋል።

#የኢትዮጵያአየርመንገድ #ታላቁሩጫበኢትዮጵያ