⚡️ Bakı Nəqliyyat Agentliyi və Azərbaycan Yerüstü Nəqliyyat Agentliyi birləşdirilir.

Eyni zamanda mobilliyi təmin etmək üçün Nəqliyyatı Əlaqələndirmə Şurası yaradılır.

Prezidentin fərmanları:
🔹 https://president.az/az/articles/view/59466

🔹 https://president.az/az/articles/view/59464

⚠️ "BNA ləğv olundu!".
⠀
Bu cür mətnlərə mediada və sosial şəbəkədə yaxın günlərdə hələ çox rast gələcəksiniz.
⠀
Ondan başlayaq ki, BNA ləğv olunmayıb, AYNA ilə birləşdirilib. Sadəcə indi həmin əməkdaşlar həmin işi digər agentlik adından görəcəklər. Hər halda İcra Hakimiyyətinə veriləndə belə idi.
⠀
İndi isə vəziyyət təxmini olaraq ona qayıdır ki, yenə bütün nəqliyyat məsələlərini Nəqliyyat Nazirliyinin ətrafında yığmağa çalışırlar. Yeni "Nəqliyyat Şurası"nın yaradılması həmin məntiqə sıxır. Birmənalı olaraq məlumdur ki, hakimiyyət başa düşür ki, bu gün nəqliyyat sektorunda çox ciddi islahatlara ehtiyac var. İstər təhlükəsizlik, istər tıxac, istər ictimai nəqliyyat sahəsi - biz inkişaf etmiş ölkələrdən çox geridə qalmışıq. Qarabağda ağıllı kənd tikirik, amma Qafqazın ən böyük paytaxtı Bakının küçələrində vəziyyət günü-gündən pisləşir. Belə şey necə mümkündür?
⠀
👎 Hər kəs narazıdır - sürücüsü, piyadası, sərnişini və tıxacda qalan deputatı.
⠀
Dəfələrlə qeyd etmişəm ki, həllərin kökündə siyasi iradə və cürət durur. Son aylarda aparılan struktur islahatları, xaricdən mütəxəssislərin dəvəti həmin iradəyə işarə versə də, heç bir real urbanistik islahat qeyri-populyar və qeyri-intuitiv addımlar atmadan mümkün deyil.
⠀
🔹 Mən heç kimi, xüsusi ilə bu postu oxuyan həmin dövlət qurumlarının işçilərini ruhdan salmaq istəmirəm. Əksinə, sizdən xahiş edirəm ki, öz rəislərinizə və rəhbərlərinizə başa salın ki, bu yolu inkişaf etmiş dövlətlər hələ keçən əsrdə keçib. Vaxtilə Avropada avtomobil yollarını daraldan və yerində tramvayı bərpa edən məmurlar lənətlənirdilər. Bu gün isə onlara dua oxuyurlar.
⠀
Elə edin ki, bu gün tıxaclarda hər ay 30-35 saatını itirən insanlar sizə də sabah dua oxusunlar.

☑️ @city4people_az

Bizim sürücülərimiz ilk növbədə düzəldin, sonra yollardan danışın.
⠀
Çox vaxt yol təhlükəsizliyindən danışanda bu cümləni güclü bir arqument kimi gətirirlər. Təbii ki, küçələrimizin quruluşu bizi qorumalıdır, hər zaman bundan danışıram. Lakin sürücü faktorunu tam istisna etmək də düzgün olmaz.
⠀
❓ Bəs Azərbaycanda normal sürücü olmaq olar, ümumiyyətlə? Əslində, olar. Bunun canlı şahidi də oldum. Bakıda yerləşən Sürücü Təlim Mərkəzinə baş çəkdim, mərkəzinin direktoruna bir çox maraqlı suallar verdim.
⠀
🔹 Növbəti vloqda həmin ekskursiyanın videosunu paylaşıram. Xoş seyrlər!
⠀
https://youtu.be/olqb1EKO0To
⠀
🔹Maraqlı alındısa, öz dəstəyinizi bu cür göstərə bilərsiniz.

✉️ Yol Polisi sürücülərə bu gün belə SMS göndərib.

Təhlükəsizliyin dərmanı bu olmasa da, lakin belə xəbərdarlıq heç olmasa bir qəzanın qarşısını ala bilsə deməli boşuna deyil.

🇹🇷 İstanbulun daha bir ərazisi bu cür dəyişəcək.
⠀
Başqa hansı ölkədən, hansı şəhərdən misal gətirək ki, bizimkilər "maşınlar üçün yer yaratmaq lazımdır!" düşüncəsindən əl çəksin?

🆘 Gəncədən SOS! Memarlıq abidə sökülür.
⠀
Videonu göndərən izləyici yazır ki, Gəncədə dövlət tərəfindən qorunan tarixi memarlıq abidəsinin söküntüsünə başlanılıb. Baxmayaraq ki, üzərində hətta xüsusi lövhə binanın damını artıq sökməyə başlayıblar.

Foto üçün başlığı siz yazın...

🇦🇿 İçərişəhəri biz itirə bilərik? Buranın hətta tarixi memarlıq abidələrini bizə niyə düzgün qoruya bilmirik?
⠀
Yeni vloqda Memar Dilqəm İsmayılovla İçərişəhərinin küçələrini gəzdik, buranın qədim binaları, məscidləri və küçələri haqqında danışdıq.
⠀
🔹 Əmin edirəm sizi, İçərişəhərin hələ belə icmalını görməmisiniz. Çox maraqlı alınıb, izləyə bilərsiniz:

https://youtu.be/iI5U1WXIgns
⠀
💡 Videonun daha geniş versiyası da hazırlanıb və eksklüziv olaraq Patronlarla paylaşılıb. Patreon-a "Layihə sponsoru" dərəcəsinə abunə olub, siz də izləyə bilərsiniz.

Hər kəsi təbrik edirəm. 🎉

2026-cı ilədək Bakının yeni baş planı icra edilməyəcək. Tramvayı da yuxuda görərsiniz.

🔹Bu şəkli özünüzdə saxlayın.
⠀
Sizə kimsə deyəndə ki, şəhərdə maşın sürmək imkan vermirlər və ən böyük günah piyadalardadır - bu fotonu onlara göstərin.
⠀
Bu gün istər Bakıda, istər digər şəhərlərimizdə küçələrin əksər hissəsi məhz avtomobillər üçün ayrılıb. Özü də, hətta dəxlisiz yerlərdə belə küçələrimiz böyük asfalt səhralığına çevrilib. Prioritetlər mütləq dəyişdirilməlidir.

🇷🇸 Serbiyanın paytaxtı Belqrad şəhərində tarixi binaları bu cür bərpa edirlər.
⠀
Bilirsiniz ki, bizdə çox vaxt tarixi binaların üzərində aqlay vurub və onu tanınmaz vəziyyətə qoyurlar, amma binanı "təmir" etmək yox, məhs bərpa etmək lazımdır. Bircə nöqsan o ola bilər ki, burada tarixi pəncərələri qoruya bilməyiblər, plastik qoyublar, amma ümumi olaraq gözəl alınıb.

💬 Son günlər və son aylar ölkə yollarında qəzaların, buna uyğun olaraq ölən və yaralananların sayı artır. Bəzi insanlar sadəlövhcəsinə düşünürlər ki, sadəcə sürücü, piyada və digər hərəkət iştirakçılarının maarifləndirilməsi, təbliğat və təşviqat yolu ilə bunun qarşısı alına bilər. Təəssüf ki, belə deyil…
⠀
Sistem xarakterli işlər görülməlidir. Yol hərəkəti təhlükəsizliyinə dair Dövlət Proqramı kağız üzərində qalmaqdadır. Proqramda əsas istiqamətlər var: sürücü hazırlığı və sürücülük vəsiqəsi alma işini təkmilləşdirmək; avtomobillərin texniki vəziyyətini yaxşılaşdırmaq; yol infrastrukturunu, hərəkətin təşkilini təkmilləşdirmək, ictimai nəqliyyatı inkişaf etdirmək və s.
⠀
Sistem xarakterli işlər elmi tədqiqat səviyyəsində təhlillər istəyir. Ötən şənbə və bazar günləri ölkə yollarındakı qəzalarda 16 ölüm qeydə alındı. Bu vəziyyətin (sadəcə ayrıca hadisələrin yox) səbəbləri araşdırılmlıdır. Araşdırma parametrləri çoxdur. Məsələn, hansı avtomobillər qəzaya düşdü və onların texniki vəziyyəti necə idi? Minik avtomobilləri ilə orta günlük yürüş məsafəsi nə dərəcədə artdı? İctimai nəqliyyatda hansı dəyişikliklər oldu? Qəza iştirakçıları hansı sürücülərdir, onların peşəkarlığı nə səviyyədədir? Qəzalar hansı yollarda baş verdi, bu yolların hansı özəlliyi var? Və s.
⠀
Belə elementar araşdırmalar və onların nəticələrinə uyğun real tədbirlər olmasa, heç nə dəyişə bilməz.
⠀
Təbliğat və təşviqata da böyük ehtyac var. Hətta onun da mahiyyətini və hədəflərini yeniləmək lazımdır. Əsas hədəf cəmiyyətdə TƏHLÜKƏSİZ DAVRANIŞ mədəniyyətini formalaşdırmaq olmalıdır.
⠀
Başlıca hədəflərdən biri ictimai nəqliyyatın inkişafı olmalıdır. Bərbad ictimai nəqliyyat olan yerdə yol hərəkəti təhlükəsizliyi olmur.
⠀
- Nəqliyyat eksperti Ərşad Hüseynov. Çox düz sözlərdir.

🚶‍♂️Hər bir piyada gəzintisi şəhərlə bir ünsiyyətdir.
⠀
Məktəbə avtomobil ilə və piyada gedən uşaqlardan “Məktəbdən evə aparan yol” rəsmi.
⠀
Əlavə şərhə ehtiyac yoxdur.

Bizə çox yazırlar ki, gəlin Azərbaycanın regionlarını çəkin, buradakı vəziyyətini göstərin.
⠀
Və biz başladıq! 🇦🇿 İlk şəhərimiz Quba oldu.
⠀
Qubanı mən çox sevirəm, çox gözəl bir rayondur. Lakin şəhərin özündə vəziyyət məni çox təəssüfləndirdi.
⠀
Memar Dilqəm İsmayılov ilə buranı piyada gəzişdik, Qubadakı küçələrin, parkların, evlərin və tarixi abidələrinin vəziyyətdən ətraflı danışdıq.
⠀
https://youtu.be/NHrykV7ONcU
⠀
🔹 Əsas videoya düşməyən kadrları izləmək üçün İnsan yönümlü şəhərlər layihəsinin Patreon səhifəsinə qoşula bilərsiniz.
🔹 Birdəfəlik ianə göndərməklə də bizim işimizə böyük dəstək göstərmiş olursunuz.

Qafqazın ən böyük və ən sürətlə inkişaf edən şəhərdə səki.

📍 Bakı, 2023-cü il.