💬 Avtobus zolaqları çoxaldıqca, və yetərincə avtobuslar xətlərdə olduqca bu cür şərhlər də çoxalacaq.

Dayanıqlı və sürətli ictimai nəqliyyat tıxaca real alternativdir.

🚍 Zabrat yolunda yeni avtobus zolağı təşkil olunub.

💯 Əminəm ki, bu yolu hər gün gedən sürücülər indi çox narazıdır. "Onsuzda tıxac idi, daha da pis vəziyyət olacaq".
⠀
🎙 Dünən AYNA-nın nümayəndəsi Tərlan Səfərov "AvtoStop" verilişinin efirində yaxşı ifadə işlədib. Deyir, insanları avtomobildən ictimai nəqliyyata qaytarmaq çox çətin bir prosesdir.
⠀
🔹 Buna bir əlavəm olacaq. Ümumiyyətlə, nəyə görəsə insanlar sürücüləri və ictimai nəqliyyat istifadəçilərini fərqli-fərqli kateqoriya kimi görür. Amma əslində bir insan evdən çıxarkən o əksər hallarda qərar verir — mənə hansı daha rahat və sərfəli olacaq — avtomobil, avtobus ya metro? Ya da başqa bir mobillik növü? Yəni bir insan bu gün sürücü olsa, sabah avtobusla da gedə bilər.
⠀
🔸 Deyə bilərsiniz ki, Bakıda hələ ki ictimai nəqliyyatının həm vəziyyəti, həm "reputasiyası" heç də ürəkaçan deyil, basabas olur, interval çox, avtobusların sayı az və s. Bəli. Amma avtobus zolaqları bu vəziyyətin dəyişmək üçün zəncirin bir bəndidir. Necə deyərlər, "panaseya" (universal dərman) deyil, amma heç olmasa bu zolaqlar sayəsində avtobuslar indi Zabrat və Maştağaya 40-50 dəqiqə deyil, 20-30 dəqiqə çata biləcək. İntervallar azalacaq, avtomobilə nisbətən daha tez çata biləcəksiniz.
⠀
💬 Dünən bir şərh paylaşdım, artıq real olaraq, insanlar avtobusun daha tez çatmasını görərək, ondan istifadə etməyə başlayıb. Və elə Zabrat yolunda məhz avtobusun daha tez çatmasını görən sürücülər zamanla ictimai nəqliyyata üstünlük verməyə başlayacaq, tıxaclar da azalacaq. Formula budur.
⠀
🔹 Və dediyim ki, bunun üçün avtobusların sayı mütləq çoxalmalıdır, interval aşağı salınmalıdır, avtobuslar özləri komfortlu olmalıdır və qiymətlər cəlbedici olmalıdır (aylıq və illik tarifləri tətbiq etməklə).
⠀
#avtobuszolaqları

🎙️ Həmid Həmidovun podkastında nəqliyyat kollapsından çıxış yollarından danışdıq.

Tramvaylar, velozolaqlar, paytaxtın köçürülməsi.

Bu mövzuda digərlərin demədiklərini məsələlərə toxundum, bəzi stereotiplərə son qoymağa çalışdım.
⠀
🔹 https://youtu.be/0jvhnY3irDw?si=O1kLNkqlMdNKgwH0

🚲 Şəhərdə velosiped istifadəsinin stimullarşdırmasında bizim də tövhəmiz olsun.

3️⃣6️⃣5️⃣ Bir illik PULSUZ velosiped abunəliyi hədiyyə edirik.
⠀
🚲 “Apar” ilə birgə Instagramda müsabiqə keçirmək qərarına gəldik. Hər iki səhifəyə abunə olan və bu postu stories-də paylaşanlar arasında təsadüfü şəkildə qaliblər seçiləcək.

🏆 Qaliblər 1 il veloicarə xidmətindən pulsuz istifadə edə biləcək.
⠀
➡️ Ətraflı şərtlər burada.

Dar səkidə dayanacaq pavilyonunu quraşdırmaq lazımdırsa, nə etmək olar?

Həll yollarından biri bu ola bilər.
⠀
🇬🇧 Fotonu Londondan izləyici göndərib.
⠀
#dayanacaqlar

Argentinanın La Plata şəhərinin peykdən görünüşü.

Bu şəhər dünyanın ən yaxşı planlaşdırılmış şəhərlərindən sayılır. La Plata bu dizaynına görə "Diaqonallar şəhəri" adlanır.

Şəhərdə tıxaca düşmək imkansızdır. Çünki La Platada “ikinci dərəcəli yol” və ya “əsas magistrallar” kimi anlayışlar yoxdur. Şəhərin İstənilən bir nöqtəsindən digərinə getmək üçün həmişə onlarla variant var.

Bir şəhərin yollarını, nəqliyyat arteriyalarını modern çağa uyğunlaşdırmaq üçün onun planlamasını mütəxəssislərə yapdırmaq lazımdır, tramvay xətlərini söküb plansız-proqramsız iki mərtəbəli yollar salan şəhər merlərinə deyil.

❓Mədəniyyət yoxsa cərimə?
⠀
Bu cür video başqa ölkədən paylaşılsaydı, kimsə mütləq yazardı ki, “bizim sürücülərdə mədəniyyə yoxdur, Bakı belə ola bilməz”.
⠀
Faktiki isə görürük, yollardakı davranış və mədəniyyət çox qısa zamanda yüksək cərimə və nəzarət ilə həll olundu. Bu, bütün dünyada belə işləyir və Azərbaycan bu cəhətdən istisna deyil.

📸: bakili_page
⠀
#avtobuszolaqları

❗️ Yeraltı və yerüstü piyada keçidləri haqqında çox yaxşı maarifləndirici bir video.
⠀
🔸 İlk baxışdan bu keçidlər yaxşı bir infrastruktur sayılsa da, mövzunu araşdıranda və dünya təcrübəsində baxanda görünür ki, bu keçmişin şəhərsalma prinsiplərinin səhvini.

🔸 Bakının misalı göstərdi ki, bu cür keçidlər tıxacları həll etməyə kömək etmədi, əksinə şəhəri daha təhlükəli və azmobilli insanlar üçün əlçatmaz etdi.
⠀
🔴 Səhvləri təkrarlamayaq. Videonu mümkün qədər çox dost və tanışlarınız arasında paylaşın.
⠀
#piyadakeçidləri

Avtosalonların ixtiyarına verilmiş prospektdə avtomobillərlə dolu piyada səkisi və avtobus zolağı

🚍 Avtobus dayanacaqlarında vacib yenilik.
⠀
ℹ️ Artıq dayanacağa gələn avtobusların siyahısı və onların hərəkət sxemi öz əksini tapacaq.
⠀
🗺 İdealda bu sxemlər Bakının xəritəsində öz əksini tapmalı idi ("sketch" kimi, yəni metroda olduğu kimi), həmçinin avtobusların hərəkət cədvəli olmalı idi, lakin indiki halda da bu məlumatın olması da çox yaxşı bir haldır.
⠀
#dayanacaqlar

❗️ Günün ən urbanistik xəbəri.
⠀
❌ İçərişəhər, Qoşa Qala qapısının ətrafı və Əziz Əliyev küçəsi avtomobillər üçün bağlanacaq. Burada piyada zonaları yaradılacaq.
⠀
💬 Bunu AYNA-nın rəhbəri Anar Rzayev öz müsahibəsində qeyd edib.
⠀
#içərişəhər #piyadalaşma

🚗 Şəhəri avtomobil yönümlü planlaşdırırsınızsa, nəticədə hər yerdə avtomobil və tıxac görürsünüz.
⠀
🚶‍♂️ Lakin şəhərinizi insan yönümlü planlaşdırırsınızsa, nəticədə insan və canlı məkanlar görürsünüz.
⠀
🇳🇱 Groningen şəhəri. 1970-ci illər və bu gün.
⠀
#əvvəlsonra

🚲 Yusif Səfərov küçəsində velosiped zolaqları təşkil edildi.

İzləyicinin göndərdiyi videodan görünür ki, avtobus zolağı artıq ikinci cərgəyə keçirilidi, yerində ikitərəfli velozolaq salındı.

#velosipedzolaqları

📢 Deyirlər, Bakıda velosiped sürən yoxdur…
⠀
🚲 Təzəlikcə fəaliyyətə başlayan veloicarə şirkəti APAR isə deyir ki, artıq 8 mindən çox unikal istifadəçi var. Və bu hələ 1-2 ayın göstəricisidir.
⠀
🔹 Bəs bu xidmət niyə ancaq şəhər mərkəzini əhatə edir? Velosipedlər nə dərəcədə keyfiyyətlidir? Bu və digər sualları birbaşa olaraq APAR-ın rəhbəri Əli Əhmədli cavablandıracaq.
⠀
🔹 Həmçinin təcrübəli velosipedçi və urbanist Arzu Süleymanov ilə həm veloicarəni, həm Bakıda sürətlə salınan yeni velozolaqları sınadıq.
⠀
➡️ Yeni vloq artıq efirdə: https://youtu.be/EPQYQIP-dRE?si=9lK0VhFO3yKd-dMj

#vloq #APAR #velosipedzolaqları