Nəqliyyat Nazirinin müşavirinin bu cür paylaşımları ümidvericidir.

Ümid edirəm yaxın zamanda Bakıda belə transformasiyalar reallaşacaq.

#piyadalaşma

🌳 Və nəhayət bu baş tutdu.
⠀
Xəqani ("Molokan") bağının ətrafını üçtərəfli avtomobillər üçün bağladılar.
⠀
📸 Fotonu izləyici göndərib.

#piyadalaşma

Piyadalaşdırma, park, filan öz yerində, amma unutmayaq ki belə reallığımız da var.

Səki problemi mütləq kökündən həll olunmalıdır.

⬆️ Belə video baxanda adamın ürəyi ağrıyır.

#piyadalaşma

Memar Elçin Əliyevin bu cür paylaşımı çox qəribə gəldi.
⠀
🔹 Birincisi, bütün müasir şəhərlər məhs insan yönümlü, daha çox piyadalar üçün şəraitin yaradılmasına dair addımlayır. Avropada mərkəzi tarixi küçələr isə ümumiyyətlə avtomobillər üçün bağlanır.
⠀
💬 Elçin bəy yazır ki, "rahat parkinq üçün şərait saxlamaq olardı", buna da urbanistika cavab verir: parkinq heç vaxt rahat olmayacaq. Parkinq yerlərin yaradılması bu əraziyə sadəcə avtomobil ilə gəlmək stimul yaradır. Üstəgəl əlavə təhlükə, maneələr, dəm qazları və s. Zatən, burada çoxmərtəbəli parkinq var və ora giriş onsuzda açıq qalır.
⠀
🔸 Lakin razıyam ki, şəhərdə seçkili mer sistemi olmalıdır və bu cür layihələrin vətəndaşlara təqdim edilməsi daha şəffaf formada olmalıdır. Renderlər və eskizlər küçədə asılmalıdır: "Baxın ay sakinlər, bu ərazini biz gələcəkdə bu cür edəcəyik". Amma şəhəri idarə edən o qədər qurum var ki, indiyə qədər koordinasiya məsələsi ən zəif bənd olaraq qalır.

#piyadalaşma

❗️17 mart tarixindən başlayaraq, Bakının tarixi mərkəzi küçələri bazar günlərində avtomobillərin girişi üçün bağlanacaq.
⠀
Yalnız sakinlərin girişinə icazə veriləcək (güman ki, şlaqbaum qoyulacaq).
⠀
🔸 Bir məsələ var ki, AYNA press-relizdə "həftəsonu" qeyd edir, lakin məhdudiyyətlər şənbə gününə şamil olunmur. Xaqani bağının ətrafını bağlayandan sonra, düşünürəm, belə addımlar davamlı olacaq və güman ki gün güləcək bu küçələr tamamilə piyadalaşacaq.

⠀
📍 Xəritə: Azər Axundov.

#piyadalaşma

❗️ Günün ən urbanistik xəbəri.
⠀
❌ İçərişəhər, Qoşa Qala qapısının ətrafı və Əziz Əliyev küçəsi avtomobillər üçün bağlanacaq. Burada piyada zonaları yaradılacaq.
⠀
💬 Bunu AYNA-nın rəhbəri Anar Rzayev öz müsahibəsində qeyd edib.
⠀
#içərişəhər #piyadalaşma

⚡️ Və artıq rəsmi.

İçərişəhərə gələn həftədən kənar avtomobillər buraxılmayacaq.

Qoşa Qalanın önü isə piyada zonası olacaq.

#piyadalaşma

🚶‍♂️ Qoşa Qala qapısının önünü və İçərişəhəri avtomobillər üçün məhdudlaşdırmaq düzgün qərar idi.
⠀
🔹 Şəhər mərkəzi, xüsusilə bu qədər önəmli tarixi zonanı qorumaq lazımdır. Avtomobil axını isə zatən bir müddət sonra yeni reallığa öyrəşəcək.
⠀
🔹 Həm “Tarqovu”, həm Fəvvarələr meydanı da vaxtilə avtomobillər üçün küçələr olub. Sadəcə sürücülər öyrəşib digər küçələrlər marşrutlar qurmağa başladı.
⠀
🔸 Lakin hazırki məhdudlaşdırma yalnız nişanla tənzimlənir, bu da güman ki burada “Formula-1” trassının keçməsi ilə əlaqədardır. Nəticədə bu “asfalt səhrası” sanki istifadə olunmamış parkinq ərazisi kimi görünür, avtomobillərin bura buraxılması problem kimi görünmür.
⠀
🔹 Bu ərazidə Xaqani bağı və Vağzal meydanında olduğu kimi yenidənqurma işləri görülsə, çox gözəl bir piyada zonası yaranar. Turistlərə dolub-daşacaq bu məkan.
⠀
📸 Foto: Elçin Əliyev.

#piyadalaşma