❌ Bu absurd yerüstü konstruksiya birmənalı olaraq sökülməlidir.
⠀
Koroğlu Rəhimov küçəsindəki lazımsız piyada keçidinin yanına getdim və onun şəhər mühitinə nə dərəcədə ziyan dəyməsindən video hazırladım.
⠀
"Bu keçidin nəyi pisdir ki" deyən dostlarınız qalıbsa, onlara da mütləq göstərin.
⠀
https://youtu.be/2-bhC6xVYIo

#vloq #piyadakeçidləri

Dünənki paylaşımdan sonra "Xətai Park" MTK sakinlərə belə bir xəbərdarlıq göndərib 🙂

❗️ Nəhayət ki, Bakı küçələrində sürət azaldılır.

Paytaxtın bir sıra küçə və prospektlərində maksimal sürət həddi azaldılacaq.

Təbii ki, buna narazı olan sürücülər çox olacaq, amma unutmayaq ki, bu siyahıda olan küçələr ən çox qəza olan məkanlardır, ən çox həyat aparan küçələrdir. Əsas səbəb isə çox vaxt yüksək sürətdir.

Qeyd edim ki, inkişaf etmiş ölkələrin şəhərlərində maksimal sürət adətən 50 km/s olur. Belçikanın paytaxtı Brüssel isə ümumiyyətlə 30 km/s-a endirib, bu təhlükəsizliyi xeyli artırıb. Gələn ildən Milan da belə addım atacaq.

Paylaşdı: BNA / Vüsal Kərimli

#təhlükəsizlik

💡 Deyirlər ki, yolda sürət həddi aşağı salınsa yolun buraxma qabiliyyəti düşür və nəticədə tıxac yaranır.

Lakin elə şeyləri iddia edənlər səbəb və nəticəni çaşdırır.

Bəli, axın sıx olanda yola daxil olan hər bir əlavə nəqliyyat vasitəsi axının sürətini da da azaldır.

Amma yolun maksimal buraxma qabiliyyəti axının müəyyən sürətində nail olunur.
30-40 km/s arasında yolun maksimal buraxma qabiliyyəti əldə olunur.

Daha yüksək sürətlə hərəkət edən axının sıxlığı daha aşağı olur, çünki istər-istəməz avtomobillər arasında daha uzun ara məsafəsi tələb olunur.

(c) Transport for Baku.

❗️ Bugünki mövzu çoxlu suallar və mübahisələr yaratdı. Gəlin, bunu canlı yayımda müzakirə edək.
⠀
🔹 Birdən birə 14 yerdə niyə sürət azaldılır?
🔹 İndi bu yaxşı addımdır ya pis? Tıxac olacaq?
🔹 Sürücülərin reaksiyası niyə belə sərtdir?
🔹 Bunu daha yaxşı təqdim etmək olardımı?
⠀
Bu gün saat 22:00-da "Transport for Baku" ilə canlı müzakirə aparacağıq.
⠀
Siz də qoşulub suallarınızı verə biləcəksiniz. Hər bir fikri dinləməyə hazırıq. Bircə söyüş söyməyin 😁

Maraqlı oldu, hər kəsə təşəkkürlər! 🤝

🛣 Maksimum icazə verilən sürətə gəlincə. Digər ölkələrdə vəziyyət necədir?
⠀
🔹 Maraqlıdır ki, əksər Avropa ölkələrində, o cümlədən bizə hər tərəfdən bizə ən yaxın Türkiyədə siz şəhər daxilində 50 km/s-dan çox maşın sürə bilmərsiniz? Bəli, kimsə deyə bilər ki, Almaniyada maqistrallarda sürət limiti ümumiyyətlə yoxdur. Amma maqistral yolları və şəhər küçələri səhv salmaq olmaz. Bu iki tam ayrı-ayrı bir məkanlardır, onların funksiyası başqdır.
⠀
🔹Keçmiş post-sovet ölkələrindən Ukrayna və Moldova artıq sürəti aşağı salıb. Güman ki, Gürcüstan da bu addımı yaxın illərdə atacaq. Yüksək sürət ağır qəzaların əsas səbəblərindən biri olaraq qalmasını nəzərə alaraq, Azərbaycanda şəhər daxilində sürəti 50 km/s-a endirilməlidir.

#təhlükəsizlik #infoqrafika

🇭🇺 Gözəl Budapeştdən növbəti vloq!
⠀
Bu yaxınlarda yenə bu insan yönümlü şəhərə səfər etdim, buranın urbanistik həlləri ilə tanış oldum. Yeni videoda bu gəzintiyə qoşulmağa sizə də dəvət edirəm:
⠀
https://youtu.be/NEorHE_0DV8
⠀
🔗 Hazırladığım videobloqlara və İnsan yönümlü şəhərlər layihəsinə maddi dəstək buradan göstərə bilərsiniz. Dəstəyiniz sayəsində, yeni və maraqlı kontent davamlı olacaq.

#vloq #Budapeşt