#ILQSO, Sadaasa 27, bara 2016
Guyyaan Farra Malaammaltummaa fi Ittisa Dhukkuba HIV AIDS sadarkaa ILQSOtti kabjame
Guyyaan Farra Malaammaltummaa akka naannoo Oromiyaatti marsaa 18ffaaf Mootoo "Malaammaltummaan Diina Waloo Keenyaa waan ta'eef Gamtaadhaan irratti Haa Qabsoofnu" jadhuun kabajamu sadarkaa ILQSOtti kabajame. Kaayyoon kabaja guyyaa kanaa miidhaa malaammaltummaan geessisaa jiruu fi geessiisuu danda'u akkasumas tarsimoo yakka kana ittiin ittisan irratti hubanno waliif uumu, waadaa qabsichaa haaromfachuu fi kallatti qabsoo gara ful duraa akeekuuf akka ta'e daayirektarri Ol'aanaan ILQSO Obbo Doobee Dhaabaa ibsaniiru. Sagantaa kanarratti hojjattoota naamusaan fakkeenya ta'aniif beekkamtii fi badhaasni kennameera. Dabalataaniis, guyyaan Farra Dhukkuba HIV AIDS marii hubannoo uumuutiin kabajameera.

#ILQSO, Muddee 5, bara 2016
Bu'aa Calallii duraa dorgommii Leenjisaa fi Qorataa Seeraa ILQSO
Gita Hojii Leenjisaa Seeraa
1.Obbo Taarikuu Yimar Kubbachee
2.Obbo Taadala Gammachuu Shuguxii
3. Obbo Zawuduu Mulugeetaa Damisee
4. Obbo Shaalloo Huseen Jiiloo
5. Adde Tigist Asfaawu Borgaa
6. Obbo Qiddus Nagaraa Kaasuu
7. Obbo Ashanaafii Warquu Nadhii
8. Obbo Tolosaa Takkaa Gaaddisaa
9. Obbo Birraa Baqqalaa Luuxaa
10. Obbo Amaan Gabii Ida’oo
11. Obbo Mokonnin Dhaabaa Dheeressaa

Gita Hojii Qorataa seeraa IV
1. Obbo Gammachuu Tolasaa Hirphaa
2. Obbo Abdallaa Deebisoo Obsee
3. Obbo Jireenyaa Baqqalaa Fayisaa
4. Obbo Isheetuu Hundee Fayisaa
5. Obbo Yirgaalam Mitikkuu Gabree
6. Obbo Misgaanaa Deebisaa Dooyyoo
7. Obbo Bakar Tisee Bareedaa
8. Obbo Mallasaa Miidhaksaa Mul’ataa
9. Obbo Araarsaa Kabbee Abbabaa
10. Obbo Falmataa Daboo Beeraa
11. Obbo Abdulkariim Huseen Abdallaa
12. Addee Maartaa Dinquu Raadee

Naamusa ogeessota Calallii duraa darbanii ilaalchisee yaada qabdan mala qunnamtii isinitti toleen nuuf erguun deeggarsa nuuf taasisaa.

#ILQSO, Amajjii 25, Bara 2016
#Gamaaggama Raawwii Hojii Kurmaana 2ffaa bara 2016
Inistitiyuutiin Leenjii fi Qorannoo Seeraa Oromiyaa raawwii hojii Kurmaana 2ffaa bara 2016 Inistitiyuutichaa gamaggamaa jira. Gamaaggamni kun raawwii hojii Inistitiyuutichaa gadifageenyaan qorachuun ciminaalee jiran daran cimsuu fi hanqinaalee jiran fooyyessuun karoora Inistitiyuutichaa milkeessuuf akka ta'e Daayirektarri Ol'aanaan Inistitiyuutichaa Obbo Doobee Dhaabaa ibsanii jiru.

#ILQSO, Gurraandhala 4, bara 2016
#Raawwii Pirojeektii ILQSO
Koreen teknikaa pirojeektii ILQSO raawwii hojii ijaarsa pirojeektii Gamoo Mana Kitaabaa, Gamoo Kaafteeriyaa fi Mana Eegumsa daawwatee jira. Raawwiin pirojeektichaa maallaqaan parsantii 38.1 fi fiizikaalli parsantii 39 irra gahuu ogeessota pirojeekticha hojjachaa jiranii fi too'achaa jiran irraa hubachuun danda'ameera. Koreen kunis daawwannaa taasiseen pirojeektichi haala gaariin hojjatamaa jiraachuu hubatee jira.

#ILQSO, Gurraandhala 7, Bara 2016
Leenjii Hojiirraa Yeroo Gabaabaa Magaalaa Dirreedhawaatti
Inistitiyuutiin Leenjii fi Qorannoo Seeraa Oromiyaa mata duree "Seerota ijaarsaa" jedhu irratti Magaalaa Dirreedhawaatti leenjii kennaa jira. Leenjichi Abbootii Seeraa, Abbootii Alangaa fi ogeessota seeraa waajjiraalee mootummaa bulchiinsa magaalaa Dirreedhawaa; Abbootii seeraa fi Abbootii Alangaa Godina Harargee Bahaa, Harargee Lixaa fi Magaalaa maayaa akkasumas Abbootii seeraa naannoo somaaleetiif kannamaa jira.
Leenjiin kun qindoomina ILQSO fi Mana Murtii Ol'iyyannoo Bulchiinsa Magaalaa Dirredhawaatiin kan kennamuudha.
Leenjicha kan jalqabsiisa Afyaa'ii Mana Marii Bulchiinsa Magaalaa Dirredhawaa kabajamtuu Aaddee Faatiyaa Adam yoo ta'an leenjichi dandeettii raawwachiisummaa ogeessota Seeraa cimsuu cinaatti hariiroo ILQSO'n naannolee ollaa waliin qabu kan jabeessuudha jedhaniiru.

#ILQSO, Gurraandhala 15, Bara 2016
Leenjii Hojiirraa Yeroo Gabaabaa Magaalaa Roobeetti
Inistitiyuutiin Leenjii fi Qorannoo Seeraa Oromiyaa mata duree "Seerota ijaarsaa" jedhu irratti Godina Baalee Magaalaa Roobeetti leenjii kennaa jira.

Inistiitiyuutiin Leenjii fi Qorannoo Seeraa Oromiyaa (ILQSO)n dhimmoota seeraan walqabatan irratti Leenjistoota fi Qorattoota Seeraa Inistiitiyuutichaa mariisisuun bara kana karaa miidiyaa Hawaasaatin hubannoo uumuuf hojjachuuf waliigalameera.

Haaluma kanaan sagantaa #Seerri-Maal-Jedha? Jedhuun hawaasa bal'aaf hubannoo seeraa uumuuf karaa fuula #feesbuukii fi #Teelegiraamii Inistiitiyuutichaatiin eegaluuf waan qophaa'ef akka hordoftan isiniin jechaa, dhimmoonni hubannoo seeraa uumuuf gama inistiitiyuutichaatin taasifamu akka hawaasa bal'aa bira gahu gumaachi maamiltoota keenyaa gudda tahuu ibsa. #ILQSO

Inistiitiyuutiin Leenjii fi Qorannoo Seeraa Oromiyaa #ILQSOn mata duree #Rakkoolee_Seera_Deemsa_Falmii_Siivilii_Seera_Ragaa_fi_Labsii_lakk.216/2011 ,lakk.1234/2013 walqabate jedhu irratti leenjii hojii irraa guyyoota sadiif turu Abbootii Seeraa Mana Murtii Waliigala Oromiyaatiif magaalaa Bishooftuutti kennaa jira.

I/A Daayrekteera Ol'aanaa Inistiitiyuutii Leenjii fi Qorannoo Seeraa Oromiyaa Obboo Sulxaan Abdoo akka jedhanitti , mata dureen leenjichaa fedhii leenjii Abbootii Seeraa MMWO irraa sakatta'iinsa fedhii leenjii gaggeeffameen kan #ILQSOn sassaabe ta'uu ibsuun leenjichi baayyee murteessaa waan ta'eef gadi fageenyan irratti mari'achuun muuxannoo waljijjiiruun hubanoo walfakkaataa ta'e qabaachuun rakkoolee hojmaata keessatti muudatuuf furmaata walitti dhiyaatu kennuu kan isaan dandeessisu tahuu ibsanii jiru.

I/A Pireezidantii MMWO Obboo Badriitamaam Umar, woyta Haasawa baniinsaa taasisan ergaa hirmaattota leenjichaatiif dabarsaniin akka jedhanitti, fedhii leenjii Abbootii Seeraa keenyarraa ka'e irratti hundaa'un leenjii kana qopheessuu #ILQSO galateeffachuun, mata durichi sirna Abbaa Seerummaa keessatti dhiima murteessoo waan ta'eef, akkaataa walitti dhiyeenya qabuun rakkooleen dhimmoota kanneenin walqabatan furuu irratti haala nu dandeessisuun yaada qabnu wal jijjiiruun hubannoo waloo akka horannuuf kan yaadamee kennamaa jiru waan taheef haala hoo'an hirmaachun barbaachisaadha jedhan.

#Malaammaltummaan_Uumaafi_Uumama_Irraanfachuudha!.

Guyyaan Farra Malaammaltummaa Inistiitiyuutii Leenjii fi Qorannoo Seeraa Oromiyaatti Dhaadannoo"Dhaloota Safuu fi Naamusa Gaariin Ijaaruun:Badhaadhina Hunda Galeessaaf!" Jedhuun kabajame.

Guyyaan Farra Malaammaltummaa bara 2017 akka Addunyaatti yeroo 21ffaaf akka biyya keenyatti yeroo 20ffaaf,akka Naannoo Oromiyaatti yeroo19ffaaf kabajamu #ILQSOtti qophiilee garaagaraatin kabajamee oolee jira. Qophiilee kanneen keessaa #Safuufi_Aadaan_Oromoo_Malaammaltummaa_Ittisuu_Keessatti_Gaheen_Inni_Qabu, mata duree jedhu irratti qorataa Aadaa fi barsiisaa Yunivarsiitii Naannoo Oromiyaa Obboo Leeniin Quuxootiin leenjiin bala'aa fi hawataan kennameera.

Gama biraatii barreeffamni Farra Malaammaltummaa irratti xiyyeeffate Leenjisaa Seeraa #ILQSO Obboo Getaachoo Kabbadaatin barruun gabaabaan malaammaltummaa akka dhaloonni safeeffatu kakaasu dhiyaatee jira. Barreeffamicha dhiyaate keessatti rakkooleen malaammaltummaan walqabatanii manneen hojii mootummaa keessatti qorannoon argaman ka'anii jiru. Barreeffamicha dhiyaate irratti mariin kan taasifame yoo ta'u, marii kanaanis dhimmi malaammaltummaa dhimma hundi keenya safeeffachuu qabnuudha jedhame.

I/A Daayrekteera Ol'aanaa Inistiitiyuutii Leenjii fi Qorannoo Seeraa Oromiyaa Obboo Sulxaan Abdoo kabaja guyyaa Farra Malaammaltummaa kana ilaalchisuun akka mana hojii keenyatti waan baay'etu nurraa eegama waan ta'eef, kaayyoo mana hojii keenyaa galmaan gahuuf qabeenya harkaa qabnu kunuunsuu irraa kaasee harka qulqulluu fi sammuu qulqulluun hawaasa keenya karaa haqa qabeessa ta'een tajaajiluun dhaloota hanna safeeffatu horachuu keessatti gahee keenya bahuu qabna jechuun dhaamanii jiru.

Dhuma irrattis Koreen badhaasaa fi beekkamtii hojjattoota ulaagaalee madaallii keessa darbanii badhaasaaf gahaniif waraqaan ragaafi badhaasni kennamuufin kabajni ayyanichaa sirna beekkamtii kennuutiin goolabameera.

Muddee 7/2017
Inistiitiyuutii Leenjii fi Qorannoo Seeraa Oromiyaatti leenjiwwan gaggabaaboon mata dureewwan lama irratti hojjattoota Inistiitiyuutichaatiif kennameera.

Mata dureewwan leenjiin irratti kenname #Kenna_Tajaajila_Lammiilee_Irratti_Xiyyeeffate_fi_"Tajaajila_Ittisaafi_Too'annoo_HIV/AIDS_Mirga_Namoomaa_Kabaju_Hundaaf" jedhu irratti leenjiin hubannoo cimsu kennamee jira.

I/A Daayrekteera Ol'aanaa #ILQSO Obboo Sulxaan Abdoo woyta leenjicha eegalchiisan haasawa baniinsaa irratti akka jedhanitti, kenni tajaajila lammiilee irratti xiyyeeffate kallattii mootummaan yeroo ammaa kana irratti xiyyeeffatee hojjachaa jiru yoo ta'u, nutis akka mana hojii keenyaatti xiyyeeffannaa kennuun akkaataa tajaajila lammii irratti xiyyeeffate itti kenninu irratti leenjiin kennamu hojii keenna gara fuula duraa hojjannuuf murteessaa waan taheef xiyyeeffannon hordofuun barbaachisaa tahuu ibsan.

Gama biraatiin Guyyaan yaadannoo HIV/AIDS bara 2017 akka addunyaatti yeroo 37ffaa akka Biyyaa fi Naannootti yeroo 36ffaaf kabajamu mootoo "Tajaajila Ittisaa Too'annoo HIV/AIDS Mirga Namoomaa kabaju Hundaaf " jedhuun sadarkaa #ILQSOtti kabajamu ilaalchisee, dhimmi HIV/AIDS dhimma yeroo ammaa kana dagatamaa dhufeefi dhukkubichi garuu yeroo gara yerootti dabalaa deemaa jiru waan ta'eef, hubannee hubachiisuun ofii keenyas ta'ee lammii keenya baraaruu qabna jechuun obboo Sulxaan dhaamanii jiru.

Leenjiin Kenna Tajaajila Lammiilee irratti Xiyyeeffate, Biiroo Pabiliik Sarvisii fi Misooma Qabeenya Namaa Oromiyaatti Daayerekteera Daayrektoreetii Deeggarsa Hordoffiifi Qophii Istaandaardii Kenna Tajaajilaa #Obboo_Taaddalaa_Amansiisaa tiin kan kenname yoo ta'u, Yaadannoo Guyyaa HIV/AIDS ilaalchisee immoo leenjiin gabaabaan hubannoo cimsu ogeessa fayyaa Biiroo Fayyaa Oromiyaa #Obboo_Yeneneh_Buzaayyoo tiini.

Guyyaa 18/04/2017
#ILQSO'n Seeroota fi Waligalteewwan Ijaarsaa:Rakkoowwan qabatamaan mul'atan jedhu irratti Abbooti Alangaa Godinaatif Magaalaa #Bishoftutti leenjii hojii irraa yeroo gabaabaa kennaa jira.

Leenjin kun dhimmoota Haguuggi Seeroota ijaarsaa keessatti kan akka maalummaa waligaltee ijaarsaa,wixiineessa gulaalli wali galte,kabajchiisa waligaltee,bulchiinsa waligaltee,haala waldhabbi ijaarsa, akkaataa wal diiddaan ittiin hikkamuu fi akka wali galaatti addaan ciitinsa waligalte fi bu'aa isaa jedhu irratti ogeessotaaf hubannoo wal fakkaata umuuf kaayyeeffate leenjii qophaa'ee kennamaa jiru ta'u I/A/D/ Ol'aanaa ILQSO obbo Sulxaan Abdoo baniinsa irratti hubachiisani jiru.
Leenjichi turtii guyyoota 3f kan ittifufiinsaan kennamu yoo ta'u, kan kennamaa jiru #Obboo_Dassaaleny_Birhaanuu tiini.

#Oduu_Muudamaa
#Gumiin Inistitiyuutii Leenjii fi Qorannoo Seeraa Oromiyaa (ILQSO) Waltajjii idilee guyyaa har'aa Gurraandhala 3/2017 gaggeesseen Itti Gaafatamaa Waajjira Pirezidaantii Mana Murtii Waliigalaa Oromiyaa kan ta'an #Obbo_Oliyaad_Yaaddessaa Daayirektara Olaanaa #ILQSO gochuun muudeera.
Obbo Oliyaad Baga nagaan gara ILQSO dhuftan! Yeroo hojii gaarii isiniif haa ta'u!

06.06.2017
#ILQSO'n Gamaaggama Raawwi Hojii kurmaana 2ffaa kan bara 2017,Haala Kenna tajaajila Motummaa fi kallatti Hojii Motummaa irratti marii taasiseera.

Marii kana keessatti Harcaatii hojii kurmaana 2ffaa keessatti mul'atan kurmaana itti aanu keessatti sirreessuu fi akka ILQSOtti rakkoo kenna tajaajila Motummaa jadhamani dhihaatan irratti mariin bal'aan taasifameera.
Dhuma irrattis I/A/Daayrekteera Ol 'aanaa Inistiitiyuutii Leenjii fi Qorannoo Seeraa Oromiyaa Obbo Sulxaan Abdootiin kallatti hojii Motummaa kennun sagantaan jiru xumuramee jira.

Gurraandhala 07/2017
#ILQSOn Leenjifamtoota Sagantaa leenjii hojiin duraa #marsaa_18ffaa leenjii daree boqqonaa duraa xumuruun shaakalliif manneen murtii fi waajjira mana hojii abbaa alangaa aanaale Oromiyaatti bobbaasuuf #oranteeshini kenne.
#kaayyoon shaakalli kuniis,Leenjii daree keessatti fudhataa turan qabatama gochuuf kan kaayyeeffate ta'uu B.B Daareekteera kenna leenjii fi tajaajila gorsa Seeraa #ILQSO Obbo Milkii Makuriyaan ibsaanii jiru.

#ILQSO'n Seeroota Yakkoota Shororkeessummaa ittisuu fi too'achuu irratti Abbooti Alangaa Waliigalaa Oromiyaatiif #magaala_Adaamaatti leenjii hojii irraa yeroo gabaabaa kennaa jira. Kaayyoon leenjii kanaas,labsii seerota farra sororkeessuummaa walitti dhufeenya fi garaagarummaa seerota shororkeesummaa irratti sadarkaa idil adunyaa hang seeroota naannoo keenyatti bahan akkasumas firiiwwaan dubbii ijoo yakka shororkeesummaa hundeessan irratti leenjii xiyyeeffatu waan ta'eef,kun immoo hojii idilee keessan keessattis isiin qunnamu danda'aa waan ta'eef leenjii kana sirnaan hordofuun isin irra eeggamaa jachuun saaqiinsa leenjii kana irratti Hogganaan Biiroo Abbaa Alangaa Wali galaa Oromiyaa obboo Guyyoo Waariyoon kallatti kennanii jiru.

Guyyaa 20/06/2017
Inistiitiyuutiin Leenjii fi Qorannoo Seeraa Oromiyaa #ILQSO'n Labsii Bulchiinsa fi Itti Fayyadama Lafa Baadiyyaa Oromiyaa harayaa labsii lakk.248/2015 fi labsii sadarkaa Federaalaa lakk.1324/2016 bahan: dhimmota xiyyeeffanno barbaadan irratti Abboti Seeraa Mana Murtii Ol'aanaa fi Aanaatiif Magaalaa #Ambootti Leenjii hojii irraa yeroo gabaabaa keennaa jira.

Lenjiin kuniis,garaagarummaa fi walitti dhufeenya labsiiwwan kunneen sadarkaa Naannoo Oromiyaa fi Federaalaa adda baafachuun, hojii irra Oolmaa isanitiifis ijjannoon walfakkaataa akka jiraatu ni hubachiisa jadhamee leenjii kennamaa jiru akka ta'e leenjii kana irraa hubachuun danda'ameera.

Leenjiin kuniis Abbaa Seeraa MMWO fi Leenjiisaa Seeraa ILQSO #Obbo_Dassaalany_Birhaanuu tiin kennamaa jira.

Gurraandhala 24/2017

Inistiitiyuutiin Leenjii fi Qorannoo Seeraa Oromiyaa #ILQSOn leenjifamtoota sagantaa leenjii hojii irraa yeroo dheeraa marsaa #16ffaa leenjisuuf simateef oranteeshinii kennee jira.

Oranteeshinii kana irratti haala hojii walii galaa #ILQSO fi turtii mooraa kana keessatti naamusa fi hirmaannaan isaan irraa eeggamu karaa B.B Daarekteera Daayreektooreetii keenna leenjii fi Tajaajila Gorsa seeraa Obboo Milkii Makuriyaa tiin ibsamee, leenjii isaani eegalanii jiru.

Bitootessa 4/2017
Inistiitiyuutiin Leenjii fi Qorannoo Seeraa Oromiyaa mata duree #Seera_Ragaa:- Rogummaa, Fudhatamummaa fi Madaallii ragaa irratti Abbootii Alangaa Aanaalee fi Godinaaleetiif leenjii hojii irraa yeroo gabaabaa magaalaa #Adaamaatti kennaa jira.

#Kaayyoon leenjichaa Dhimmoota ragaan hubachiisuun barbaachisuu fi hin barbaachifne adda baafachuu,Rogummaa fi fudhatamummaa ragaa dhimma yakkaa fi Hariiroo Hawaasaa irratti hubannoo gabbifachuu, akkasumas ragaaleen dhiyaatan yommuu madaalaman qajeeltowwan bu'uuraa yaada keessa galuu qaban adda baafachuu fi hojiirra oolchuuf muuxannoo waljijjiiruun hubannoo waloo uumuuf akka ta'e ibsame.

B.B Daarekteera Dayrektoreetii Kenna Leenjii fi Tajaajila Gorsa Seeraa #ILQSO Obbo Miilkii Makuriyaa haasaa baniinsaa woyta taasisan," mata duree kana irratti leenjiin bal'aan akka kennamu sakatta'iinsa fedhii leenjii ILQSOn gaggeessen ogeessota seeraa biraa fedhiin guddaan kan ka'e ta'uu ibsuun, hirmaannaa hoo'aan muuxannoo waljijjiiruun hubannoo leenjii kana irraa argamu qabatamatti akka jijjiiran dhaamanii jiru.

Leenjichi guyyoota 3f kan turu yoo ta'uu leenjisaa Seeraaa ILQSO #Abdii__Gurmeessa(PhD) tu kennaa jira.

Bitootessa 11/2017
Inistiitiyuutiin Leenjii fi Qorannoo Seeraa Oromiyaa (ILQSO)n mata duree #Seera_Yakkaa_Dhimmoota_Falmisiisoo jedhu irratti Abbootii Alangaa Aanaalee fi Godinaaleetiif leenjii hojii irraa yeroo gabaabaa magaalaa #Adaamaatti kennaa jira.

#Kaayyoon leenjichaa rakkoowwan hiikkoo fi raawwii irratti mul'atan adda baasuun furmaata mariidhaan gabbisuun garaagarummaa hiikkoo dhiphisuun hojmaata walfakkaataa akka qabaatan taasisisuuf akka ta'e ibsame.

B.B Daarekteera Dayrektoreetii Kenna Leenjii fi Tajaajila Gorsa Seeraa #ILQSO #Obbo_Miilkii_Makuriyaa haasaa taasisaniin "Matadureen leenjichaa sakatta'iinsa fedhii leenjii gaggeeffameen adda bahuun rakkoolee qabatamaan hojii keessatti mul'atan irratti xiyyeeffatee kan qophaa'e ta'uu ibsuun, leenjii caalaa bifa mariitiin yaada bal'aa waljijjiiruun hubannoo walfakkaataa qabatanii hojiitti akka hiikan dhaamanii jiru.

Leenjichi guyyoota 3f kan turu yoo ta'u, haala mariif mijatuun iddoo lamatti Abbootii Alangaa 100 ta'aniif kennamaa jira. Leenjiin kun leenjistuu Seeraaa ILQSO #Aaddee_Tigisti_Asfaaw fi Abbaa Seeraa MMWO fi Leenjisaa Seeraa ILQSO #Obbo_Dachaasaaa_Kabbadaa tin kennamaa jira.

#Leenjiin Hojii irraa Yeroo Gabaabaa Abbootii Alangaa Aanaalee fi Godinaaleetiif guyyoota 3f #ILQSO tti kennamaa ture xumurame.
Leenjichi mata duree "Tumaalee Yakkaa Falmisiisoofi Murteessa Adabbii" jedhu irratti kan kenname yoo ta'u, dhi.85 fi dub.10 waliigala #Abbootiin_Alangaa_95 hirmaatanii jiru.