«ፈተናው እየበዛብኝ ነው። ሁላችሁም በፆማችሁ እና በፀሎታችሁ አስታውሱኝ» አብዱ ኪያር

“እማዬ አላህ ነፍስሽን በጀነት ያኑራት። አሁንም አልሓምዱሊላህ።” ይህን ያለው ድምጻዊ አብዱ ኪያር ነው

«በቀደም ሊፍት ወድቆብን ከከባድ አደጋ ተረፍኩ። ዛሬ ደግሞ የናቴን ሞት ተረዳሁ። ፈተናው እየበዛብኝ ነው። ሁላችሁም በፆማችሁ እና በፀሎታችሁ አስታውሱኝ።» ብሏል

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://t.me/waliyaentmt

#Waliya_Entertainemnt #Music #abdu_kiar

ሮፍናን ምርጥ የምስራቅ አፍሪካ እጩ አርቲስት ሆኖ ተመረጠ

ትሬስ የሙዚቃ አዋርድ በነገው እለት በዛንዚባር የሚከናወን ሲሆን ምርጥ የምስራቅ አፍሪካ አርቲስት በሚለው ዘርፍ ሮፍናን እጩ መሆኑን አዘጋጆቹ ተናግረዋል፡፡

ከሮፍናን ጋር አብረው በእጩነት የቀረቡት ከኡጋንዳ ጆሹዋ ባራካ፣ ከኬንያ ቤይን፣ እንዲሁም ከታንዛኒያ ዳይመንድ ፕላቲኑምዝ፣ ሱቹና ሀርሞናይዝድ ናቸው፡፡

ሽልማቱ በ24 ዘርፎች በአፍሪካ ውስጥ ተወዳጅ ለሆኑ አርቲስቶች የሚሰጥ ሲሆን ዝግጅቱ በቴሌቪዥን በቀጥታ ከቦታው እንደሚተላለፍ ተገልፆአል።

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://t.me/waliyaentmt

#Waliya_Entertainemnt #Music #rophnan

የአንጋፋው የሙዚቃ አቀናባሪ ዳዊት ይፍሩ የምንግዜም 3 ሙዚቃ ምርጫዎች

አንጋፋው የሙዚቃ አቀናባሪና የኢትዮጵያ ሙዚቀኞች ማህበር ፕሬዝዳንት ዳዊት ይፍሩ ፤ ከቀዳማዊ አፄ ኃይለ ስላሴ ቴአትር ቤት እስከ ዋቢ ሸበሌ ሆቴል “ኤኩኤተርስ” ባንድ ምስረታ እንዲሁም የዳህላክና አይቤክስ ባንድ ጥምረትን እስካዋለደው ሮሃ ባንድ ቀዳሚ መስራችነት እና መሪነት የጎላ ሚና ተወጥቷል።

ዳዊት ይፍሩ ሮሃ ባንድ ውስጥ ሙዚቃ አቀናባሪ በነበረበት ወቅት ከ200 በላይ አልበሞች ላይ ተሳትፎ አድርጓል።

ወልቂጤ ዩንቨርስቲ ለረዥም ዘመን ሙያዊ አበርክቶው የክብር ዶክትሬት ሰጥቶታል።

በተለያዩ ዘመናት ላይ በተቀነቀኑ በርካታ የሙዚቃ ስራዎች ላይ አሻራ ያሳረፈው አንጋፋው የሙዚቃ ሰዉ ዳዊት ይፍሩ በተለይ ለኢትዮጵያ ቅኝቶች የቀረበ የነፍስ ዝምድና እንዳለው ይጠቅሳል፡፡

የመረበሽና እና የመከፋት ስሜት ሲሰማው “መተከዣዬየትዝታ ቅኝት ነው ፤ ከአራቱ ቅኝቶች ግን በተለይ ለአንቺ ሆዬ የተለየ ስሜትና አድናቆት አለኝ” ይላል።

በቅርብ ጊዜ ከተሰሩ ዜማዎች የታምር ግዛው "ምነዋ የሚለው ስራዋ ከመልዕክቱ ጀምሮ አጠቃላይ የቅንብር ስራው ይማርከኛል ፤ ከወጣቶቹ አብዝቼ የማደንቃት እሷን ነው" የሚል ምስክርነት ሰጥቷል፡፡

አንጋፋው አቀናባሪ ዳዊት ይፍሩ የኔ የምንግዜም 3 የሙዚቃ ምርጫዎቼ እነዚህ ናቸው ሲል ይፋ አድርጓል፡፡

1-የክቡር ዶ/ር አርቲስት ጥላሁን ገሰሰ የጠላሽ ይጠላ፤
2-የትዝታው ንጉስ መሀሙድ አህመድ ትዝታ ጋረደው፣
3-የሙሉቀን መለሰ ምነው ከረፈደ

Follow us
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Telegram - https://t.me/waliyaentmt

#Waliya_Entertainemnt

"የፒያሳ ቆሌዎች" የተሰኘ የቱርጉም መጽሐፍ ተመረቀ

#Ethiopia | በኢትዮጵያ ሙዚቃ ጥናት የታወቁት ጃፓናዊው አንትሮፖሎጂስት ፕሮፌሰር ኢትሱሺ ካዋሴ የጻፉት "የፒያሳ ቆሌዎች" የተሰኘው መጽሐፍ በአማርኛ ተተርጉሞ በደማቅ ሥነ-ሥርዓት ትናንት ማምሻውን በሀያት ሬጀንሲ ሆቴል በሚገኘው ፈንድቃ የባህል ማዕከል ተመርቋል።

ፕሮፌሰር ኢትሱሺ ካዋሴ ላለፉት 25 ዓመታት የኢትዮጵያን ሙዚቃ ሲያጠኑ የቆዩ ሲሆን፣ መጽሐፉም በጥናታቸው ወቅት የገጠማቸውን ማህበራዊ ገጠመኞች ላይ የተመሠረተ እንደሆነ በምረቃው መርሐግብር ላይ ተገልጿል።

"የፒያሳ ቆሌዎች" የተሰኘው መጽሐፍ በፕሮፌሰር ኢትሱሺ ካዋሴ በጃፓንኛ ቋንቋ የተጻፈ ሲሆን፣ "Mischief of the Gods" በሚል ርዕስ በጄፍሪ ጆንሰን ወደ እንግሊዝኛ የተተረጎመ ሲሆን፣ በአማርኛ ደግሞ ያዕቆብ ብርሃኑ እና ዓለማየሁ ታዬ ተርጉመውቷል።

በምረቃው መርሐ ግብሩ ላይ የተለያዩ ዝግጅቶች የቀረቡ ሲሆን ከመጽሐፉ ላይ ንባብ፣ አጠር ያለ ዳሰሳና ከተርጓሚዎቹ ጋር ጥያቄና መልስ ሌሎች የአዝማሪ ጨዋታዎች ተከናውነዋል።

መጽሐፉ በኢትዮጵያ ሙዚቃ እና ባህል ላይ ያተኮረ ሲሆን፣
17 የተለያዩ ታሪኮች ፣ 149 ገጾች ያሉት ሲሆን በ350 የኢትዮጵያ ብር ለገቢያ ቀርቧል።

"የፒያሳ ቆሌዎች" ለኢትዮጵያ ሙዚቃ ጥናት ትልቅ አስተዋጽኦ እንደሚኖረው ተገልጿል።

በምረቃ ሥነ-ሥርዓቱ ላይ ጥሪ የተደረገላቸው የተለያዩ የዲፕሎማሲ ማህበረሰብ አባላት፣ ምሁራን እና ጥሪ የተደረገላቸው እንግዶች ተገኝተዋል።

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Telegram - https://t.me/waliyaentmt