#កម្រងរូបភាព៖ ពលរដ្ឋខ្មែរក្រោម ធ្វើបាតុកម្មនៅមុខកុងស៊ុលវៀតណាម ប្រចាំនៅទីក្រុងសានហ្វ្រានស៊ីស្កូ (San Francisco) ទាមទារឱ្យរដ្ឋាភិបាលវៀតណាមដោះលែងសកម្មជនខ្មែរក្រោម
---
សហព័ន្ធខ្មែរកម្ពុជាក្រោម បានដឹកនាំពលរដ្ឋខ្មែរក្រោម ធ្វើបាតុកម្មនៅមុខកុងសុលវៀតណាម ប្រចាំទីក្រុងសានហ្វ្រានស៊ីស្កូ (San Francisco) រដ្ឋកាលីហ្វូនីញ៉ា (California) សហរដ្ឋអាមេរិក នៅថ្ងៃច័ន្ទទី២៧ មករា ម្សិលមិញ ដើម្បីទាមទារឱ្យអាជ្ញាធរវៀតណាម ដោះលែងសកម្មជនសិទ្ធិមនុស្ស និងព្រះសង្ឃខ្មែរក្រោម ដែលវៀតណាមបានចាប់ខ្លួនយកទៅដាក់ពន្ធនាគារ តាំងដើមឆ្នាំ២០២៤មក។

បច្ចុប្បន្នមានព្រះសង្ឃ ៥អង្គ រួមមានព្រះចៅអធិការវត្តទ្រនំសេក ព្រះតេជព្រះគុណ ថាច់ ចន្ទតារា ត្រូវតុលាការវៀតណាមកាត់ទោសដាក់ពន្ធនាគារ ៦ឆ្នាំ និងព្រះតេជព្រះគុណ យឿង ខាយ ៥ឆ្នាំ និង ៩ខែ និងសកម្មជនខ្មែរក្រោម ៨នាក់ផ្សេងទៀត ឲ្យជាប់ពន្ធនាគារជាច្រើនឆ្នាំ អំពីបទ «កេងចំណេញលើសិទ្ធិសេរីភាព និងលទ្ធិប្រជាធិបតេយ្យ»។ ប៉ុន្តែ សហព័ន្ធខ្មែរកម្ពុជាក្រោម ចាត់ទុកការចោទប្រកាន់នេះ គ្រាន់តែជាលេស ដើម្បីគាបសង្កត់សិទ្ធិផ្នែកសាសនា និងសិទ្ធសេរីភាពរបស់ខ្មែរក្រោម ដើម្បីកុំឲ្យងើបឡើងទាមទារសិទ្ធិស្វ័យសម្រេច។
រូបភាព៖ សំឡេងកម្ពុជាក្រោម (VOKK)