#Kadastr #xatlov #Qonun_937 #Mirzo_Ulug_bek
MIRZO ULUG‘BEK TUMANIDAGI XATLOV ISHLARI

◾️Xabaringiz bor, O‘RQ-937-sonli Qonunga binoan tasdiqlangan reja-jadval asosida 📍Toshkent shahrida ham ko‘chmas mulklarni inventarizatsiyadan o‘tkazish ishlari amalga oshirilmoqda.

▶️ Foto: Mirzo Ulug‘bek tumani, “Uyg‘onish” MFY.

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

🌎🌎🌎🌎

SHAYXONTOHUR TUMANIDA YANA BIR HOLAT BARTARAF ETILDI

⭐️Kadastr agentligi Toshkent shahar boshqarmasining Shayxontohur tumani bo‘limi inspektorlari nazorat tadbirlarida 📍O‘rda MFY, Navoiy ko‘chasi 22-uy yonida o‘zboshimchalik bilan egallangan 56 kv.m yer maydonida noqonuniy qurilma qurilganligini aniqlaydilar.

📃 Mazkur holat yuzasidan ma’muriy bayonnoma rasmiylashtirilib, ogohlantirish xati berilganiga qaramay holat fuqaro tomonidan ixtiyoriy ravishda bartaraf etilmaydi.

⚖️ Shundan so‘ng tuman kadastr bo‘limi mazkur o‘zboshimchalik bilan egallangan yer maydonidagi noqonuniy qurilmani bartaraf etib, yerni davlat zaxirasiga qaytarish yuzasidan sudga da’vo arizasi kiritadi.

✅ Natijada bugungi kunda noqonuniy qurilma sudning hal qiluv qarori asosida bartaraf etilib, o‘zboshimchalik bilan egallangan yer maydoni davlat zaxirasiga qaytarilishi ta’minlandi.

📃 Eslatma: O‘zbekiston Respublikasining 05.08.2024-yildagi O‘RQ-937-sonli Qonuniga asosan 2018-yil 1-may kunigacha fuqarolar va tashkilotlar tomonidan hujjatda ko‘rsatilgan maydondan ortiqcha egallangan yer hamda undagi bino va inshootlar ko‘rib chiqiladi.

#Kadastr #yer_nazorati #Shayxontohur

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

#Kadastr #Avtomobilsiz_kun #aksiya
AVTOMOBILSIZ KUNDA NAMUNA KO‘RSATAYLIK

🗓 Bugun 18-dekabr, chorshanba kuni Toshkent shahrida navbatdagi “Avtomobilsiz kun” aksiyasi o‘tkazilmoqda.

◼️Mazkur aksiya doirasida ⭐️Kadastr agentligi va 🌟Davlat kadastrlari palatasi Toshkent shahar boshqarmalari, uning tuman bo‘lim-filiallari xodimlari ham faol ishtirok etib, ishga jamoat transporti yoki atrof-muhitga zararsiz bo‘lgan boshqa vositalardan foydalangan holda yetib kelishlari tashkillashtirildi.

◼️Biz barchani “Avtomobilsiz kun” jamoat loyihasiga befarq bo‘lmaslikka va ekologik toza transport vositasidan foydalanishga chaqiramiz!

▶️ Eslatib o‘tamiz, O‘zbekiston Respublikasi Prezidentining 2024-yil 21-fevraldagi PF-37-son Farmonining 27-bandiga ko‘ra ekologiyaga avtomobillar chiqindi gazlarining zararli ta’sirini kamaytirish maqsadida Toshkent shahrida har oyning bir ish kuni davomida avtomobillar harakatlanishini (jamoat transportlari, maxsus va shoshilinch yordam xizmatlaridan tashqari) qisqartirishga qaratilgan “Avtomobilsiz kun” jamoatchilik loyihasini amalga oshirish belgilangan.

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

#Kadastr #ISO #sertifikatlashtirish
XALQARO STANDARTLARNI JORIY QILISH YO‘LIDA

◼️Davlat kadastrlari palatasi Raisining 2024-yil 31-yanvardagi 10-05 sonli buyrug‘i bilan tasdiqlangan 2024-yilgi Chora-tadbirlar ish rejasining 5-bandiga muvofiq 🌟DKP Toshkent shahar boshqarmasi va uning tuman filiallarida Xalqaro standartlarga asoslangan boshqaruv tizimini joriy qilish yuzasidan bir qancha vazifalar belgilangan edi.

Shunga ko‘ra, boshqarma xodimlari va tashqi konsultantlar bilan birgalikda joriy yilning avgust oyidan buyon “ISO 9001 – Sifat menejmenti tizimi" va “ISO 37001 – Korrupsiyaga qarshi boshqaruv tizimlari" talablariga muvofiq faoliyatni olib borishda zarur bo‘lgan hujjatlar ishlab chiqildi va faoliyatga joriy etildi.

◼️Ayni vaqtda ushbu integratsiyalashgan boshqaruv tizimini sertifikatlashtirish maqsadida jalb qilingan tashqi ekspert auditorlarning birinchi bosqichdagi baholash auditi o‘tkazilmoqda. Baholash auditining kirish qismidagi yig‘ilishda Davlat kadastrlari palatasi Markaziy apparatida Integrallashgan boshqaruv tizimi bo‘yicha ma’sul mutaxassis B.Axmedov, konsultant Sh.Alaxodjayev, DKP Toshkent shahar boshqarmasi rahbariyati, Korrupsiyaga qarshi kurashish bo‘yicha bosh mutaxassisi T.Yuldashev, bo‘lim boshliqlari va xodimlar ishtirok etishdi.

◼️Unda 18- va 19-dekabr kunlari o‘tkaziladigan auditning maqsadi, qo‘yiladigan savollar va bo‘lajak natijalar to‘g‘risida tushuntirishlar berilib, audit rejasiga asosan xodimlar bilan muloqotlar, hujjatlar bilan tanishish ishlari olib borilmoqda.

📃 Ma’lumot uchun: 🌟Davlat kadastrlari palatasi Toshkent shahar boshqarmasida integratsiyalashgan boshqaruv tizimi joriy qilinib, sertifikatni qo‘lga kiritish orqali fuqarolarga ko‘rsatiladigan xizmatlarning sifatini oshirish, muammoli shikoyatlarni keskin kamaytirish hamda korrupsiya holatlarini oldini olishga erishish ko‘zda tutilgan.

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube