ለኢስዋቲኒ ኪንግደም ጠቅላይ ሚኒስትር ክቡር ሩሴል ምሚሶ ድላሚኒ እና የልዑክ ቡድን በኢትዮጵያ አየር መንገድ ዋናው መስሪያ ቤት የእንኳን ደህና መጡ አቀባበል በማድረጋችን ኩራት ተሰምቶናል። ክቡር ጠቅላይ ሚኒስቴሩና የልዑክ ቡድኑ በአፍሪካ ግዙፍ ስለሆነው የኢትዮጵያ አየር መንገድ አጠቃላይ የስራ አፍጻጸም በኢትዮጵያ አየር መንገድ ግሩፕ ዋና ስራ አስፈጻሚ በአቶ መስፍን ጣሰው እና በከፍተኛ አመራሮች ገለጻ ከተደረገላቸው በኋላ የአየር መንገዳችንን ዘመናዊ የስራ ክፍሎች ተዘዋውረው ተመልክተዋል። በምልከታቸውም አየር መንገዳችን ለልህቅትና ፈጠራ እያሳየ ያለውን ቁርጠኝነትም አድንቀዋል።
#የኢትዮጵያአየርመንገድ

በቀደሙት ግዜያት ስንከተለው የነበረው “አፍሪካውያንን እርስ በርስ ማስተሳሰር” የተሰኘው መርሀችን ዛሬም በድምቀት ቀጥሎ ለ37ኛው የአፍሪካ ህብረት ጉባኤ በአፍሪካዋ መዲና አዲስ አበባ የተገኙ 20 የአፍሪካ አገራት መሪዎችን በግዙፉ እና ዘመናዊው የኢትዮጵያ ስካይ ላይት ሆቴል በክብር ተቀብለን አስተናግደናል። የኢትዮጵያ ስካይ ላይት ሆቴል በአፍሪካ ከሚገኙ ትላልቅ ሆቴሎች አንዱ ሲሆን በውስጡም 1024 ክፍሎች አሉት። የኢትዮጵያ ስካይ ላይት ሆቴል እንደ አህጉራችን አፍሪካ ሁሉ በህብረ ቀለማት አሸብርቆ እንግዶቹን በክብር አስተናግዶ ሸኝቷል።
#የኢትዮጵያአየርመንገድ #የኢትዮጵያስካይላይትሆቴል #ፓንአፍሪካዊ

የኢትዮጵያ አየር መንገድ ከቀናት በፊት በተጠናቀቀው 37ኛው የአፍሪካ ህብረት ጉባኤ ላይ ለመሳተፍ የመጡትን ከ50 በላይ የሀገራት መሪዎችንና ልዑካን አውሮፕላኖች ከተለያዩ “ቪአይፒ” እና “ቪቪአይፒ” እንግዶች አውሮፕላኖች ጭምር በአዲስ አበባ ቦሌ አለም ዓቀፍ አየር ማረፊያ ከመደበኛ በረራዎቹ ጎን ለጎን በተቀላጠፈ እና ሙያዊ ብቃትን ባጣመረ መልኩ በስኬት አስተናግዷል።
#የኢትዮጵያአየርመንገድ