የኢትዮጵያ አየር መንገድ ማርኬቲንግ ክፍል ምክትል ፕሬዚደንት ወ/ሮ ራሔል አሰፋ በካናዳ ቶሮንቶ የሚገኘው የስራ አመራር እና ፈጠራ ተቋም፣ አፍሮ ግሎባል የቴሌቪዥን ጣቢያ እና ሲልቨር ትረስት ሚዲያ በጋራ በሚያዘጋጁት ዓመታዊው የዓለም ምርጥ ተፅዕኖ ፈጣሪ ውድድር ላይ “የ2023 ዓ.ም ምርጥ ተፅዕኖ ፈጣሪ” በመባል ዕውቅና ማግኘታቸውን ስንገልጽ በደስታ ነው!

ወ/ሮ ራሔል ለዚህ ሽልማት የበቁት የኢትዮጵያ አየር መንገድን በማርኬቲንግ ዘርፍ በከፍተኛ የኃላፊነት ደረጃ እና ብቃት በመምራት አየር መንገዱ ሁለንተናዊ እድገት እንዲያስመዘግብ እያበረከቱት ላለው የላቀ አስተዋፅኦ እና በሞያቸው በዓለም ላይ ለሚገኙ ሴቶች ተጠቃሽ አርአያ ሆነው በመገኘታቸው ነው።

ይህ የምርጥ ተፅዕኖ ፈጣሪ ሽልማት ተምሳሌታዊ የሆነ እና የላቀ አፈፃፀም ላስመዘገቡ እንዲሁም ጉልህ የሆነ ለውጥ እና ተፅዕኖ ፈጣሪ ለሆኑ ግለሰቦች፣ ተቋማት እና የቢዝነስ ድርጅቶች የሚሰጥ ዓመታዊ ሽልማት ነው።
#የኢትዮጵያአየርመንገድ

የኢትዮጵያ አየር መንገድ በዱባይ ለመጀመሪያ ጊዜ በተካሄደው የ 'አረቢያን ካርጎ አዋርድስ' ላይ የአፍሪካ ምርጡ የጭነት አየር መንገድ (Best Cargo Airline- Africa) በመባል ድልን ተቀዳጅቷል! የኢትዮጵያ አየር መንገድ ከዚህ በፊትም በዚሁ የአረቢያን አዋርድስ መድረክ በመንገደኞች አየር መንገድ ዘርፍ የአፍሪካ ምርጥ በመሆን ለተከታታይ ሁለት ዓመታት አሸናፊ መሆኑ ይታወሳል። ለተጨማሪ ንባብ https://rb.gy/ua4rv