የእንግሊዝ ንጉሳውያን ቤተሰብ አባል ክብርት ሶፊ ሄሌን ራይስ ጆንስ ፣ በኢትዮጵያ የእንግሊዝ አምባሳደርና በአፍሪካ ሕብረት ቋሚ መልእክተኛ ዳረን ዌልች እና የልዑካን ቡድናቸው በኢትዮጵያ አየር መንገድ ተገኝተው ጉብኝት አድርገዋል። በጉብኝታቸው ወቅት ከኢትዮጵያ አየር መንገድ ግሩፕ ዋና ስራ አስፈፃሚ አቶ መስፍን ጣሰው እና የአየር መንገዱ አመራር አባላት ጋር ውይይት ያደረጉ ሲሆን ልዩ ልዩ የስራ ክፍሎችንም ተዘዋውረው ተመልክተዋል። በጉብኝታቸው ማጠቃለያም የኢትዮጵያ አየር መንገድ ወደ እንግሊዝ በረራ ማድረግ የጀመረበት 50ኛ ዓመት በኢትዮጵያ አቪየሽን ዩኒቨርስቲ ተከብሯል።

#የኢትዮጵያአየርመንገድ

የኢትዮጵያ አየር መንገድ ማርኬቲንግ ክፍል ምክትል ፕሬዚደንት ወ/ሮ ራሔል አሰፋ በካናዳ ቶሮንቶ የሚገኘው የስራ አመራር እና ፈጠራ ተቋም፣ አፍሮ ግሎባል የቴሌቪዥን ጣቢያ እና ሲልቨር ትረስት ሚዲያ በጋራ በሚያዘጋጁት ዓመታዊው የዓለም ምርጥ ተፅዕኖ ፈጣሪ ውድድር ላይ “የ2023 ዓ.ም ምርጥ ተፅዕኖ ፈጣሪ” በመባል ዕውቅና ማግኘታቸውን ስንገልጽ በደስታ ነው!

ወ/ሮ ራሔል ለዚህ ሽልማት የበቁት የኢትዮጵያ አየር መንገድን በማርኬቲንግ ዘርፍ በከፍተኛ የኃላፊነት ደረጃ እና ብቃት በመምራት አየር መንገዱ ሁለንተናዊ እድገት እንዲያስመዘግብ እያበረከቱት ላለው የላቀ አስተዋፅኦ እና በሞያቸው በዓለም ላይ ለሚገኙ ሴቶች ተጠቃሽ አርአያ ሆነው በመገኘታቸው ነው።

ይህ የምርጥ ተፅዕኖ ፈጣሪ ሽልማት ተምሳሌታዊ የሆነ እና የላቀ አፈፃፀም ላስመዘገቡ እንዲሁም ጉልህ የሆነ ለውጥ እና ተፅዕኖ ፈጣሪ ለሆኑ ግለሰቦች፣ ተቋማት እና የቢዝነስ ድርጅቶች የሚሰጥ ዓመታዊ ሽልማት ነው።
#የኢትዮጵያአየርመንገድ