በዴንቨር ከተማ ከንቲባ የተከበሩ ማይክል ቢ ሀንኮክ የተመራ የልዑክ ቡድን በኢትዮጵያ አየር መንገድ ጉብኝት አደረገ። የልዑካን ቡድኑ የዴንቨር ኮሎራዶ ከተማ እና የዴንቨር ዓለም ዐቀፍ ኤርፖርት ከፍተኛ የስራ ሓላፊዎች የተካተቱበት ሲሆን በቆይታቸውም ከኢትዮጵያ አየር መንገድ የቦርድ ሊቀ መንበር አቶ ግርማ ዋቄ፣ ከዋና ስራ አስፈፃሚ አቶ መስፍን ጣሰው እንዲሁም ከአየር መንገዱ ማኔጅመንት አባላት ጋር ውይይት አካሒደዋል። በውይይቱ ላይ የኢትዮጵያ አየር መንገድ ግሩፕ ዋና ስራ አስፈፃሚ አቶ መስፍን ጣሰው ዴንቨር በአሜሪካ ተመራጭ የአየር መንገዱ ተመራጭ መዳረሻ እንደሆነች ገልፀው ከተማዋን የአየር መንገዱ ተጨማሪ ዓለም አቀፍ መዳረሻ ለማድረግ አስፈላጊ ቅድመ ዝግጅት እና የገበያ ጥናት እንደሚደረግ አስታውቀዋል።