🚗 Şəhəri avtomobil yönümlü planlaşdırırsınızsa, nəticədə hər yerdə avtomobil və tıxac görürsünüz.
⠀
🚶‍♂️ Lakin şəhərinizi insan yönümlü planlaşdırırsınızsa, nəticədə insan və canlı məkanlar görürsünüz.
⠀
🇳🇱 Groningen şəhəri. 1970-ci illər və bu gün.
⠀
#əvvəlsonra

🚲 Yusif Səfərov küçəsində velosiped zolaqları təşkil edildi.

İzləyicinin göndərdiyi videodan görünür ki, avtobus zolağı artıq ikinci cərgəyə keçirilidi, yerində ikitərəfli velozolaq salındı.

#velosipedzolaqları

📢 Deyirlər, Bakıda velosiped sürən yoxdur…
⠀
🚲 Təzəlikcə fəaliyyətə başlayan veloicarə şirkəti APAR isə deyir ki, artıq 8 mindən çox unikal istifadəçi var. Və bu hələ 1-2 ayın göstəricisidir.
⠀
🔹 Bəs bu xidmət niyə ancaq şəhər mərkəzini əhatə edir? Velosipedlər nə dərəcədə keyfiyyətlidir? Bu və digər sualları birbaşa olaraq APAR-ın rəhbəri Əli Əhmədli cavablandıracaq.
⠀
🔹 Həmçinin təcrübəli velosipedçi və urbanist Arzu Süleymanov ilə həm veloicarəni, həm Bakıda sürətlə salınan yeni velozolaqları sınadıq.
⠀
➡️ Yeni vloq artıq efirdə: https://youtu.be/EPQYQIP-dRE?si=9lK0VhFO3yKd-dMj

#vloq #APAR #velosipedzolaqları

Şərhsiz. 🤦‍♂️

⌛️ Bakıya 5 il vaxt verək.
⠀
🔹 Təxmini proqnoz bu ola bilər. Bu gün Bakıda baş verən urbanistik transformasiyaları qınayanlar, avtobus və velosiped zolaqlarına qarşı çıxışlar əslində 50-60 il əvvəl bir sıra Avropa ölkələrində də baş verib. Hətta sürücülərin kütləvi etirazlarına da səbəb olub.
⠀
🔹 Niderland və Danimakrda keçən əsrin 60-70-ci illərində hər kəs deyirdi ki, "bizim iqlimdə heç kim velosiped sürməyəcək". Bu gün Amsterdam və Kopenhagen dünyanın ən velosipedləşmiş şəhərləridir.
⠀
🔹 Ümid edirəm, bizə 50 il deyil, daha az vaxt lazım olacaq ki, başa düşək ki, velosiped bir çox ssenarilərdə real alternativ nəqliyyat vasitəsidir. İnfrastrukturun təşkili davamlı və düzgün şəkildə aparılsa, təxmini olaraq 5 ildən sonra Bakıda (və ümid edirəm digər regionlarımızda) velosiped istifadəsinin artmasını görəcəyik.
⠀
🔹 Eyni yanaşmanı ictimai nəqliyyata da tətbiq etmək olar, amma bu gün Bakının ictimai nəqliyyatında çox ciddi islahatlar lazımdır, bu məsələ tək avtobus zolağı ilə həll olunmayacaq.

🔹 Daha çox müasir avtobus, daha əlçatan dayanacaqlar və səkilər, daha proqnozlaşdırılmış hərəkət, hər kəsə məlum və müntəzəm cədvəli, daha çox metrostansiyalar (subsidiyalar mütləq ayrılmalıdır), tramvayların qaytarılması (təəssüf ki, yavaş-yavaş utopiya olur), daha çevik tarif siyasəti və s.
⠀
5️⃣ Beş ildən sonra dünya müharibələrin əlindən dağılmasa, bəlkə Bakı bir az tıxac yükündən azalar, şəhərin bir nöqtəsindən digər nöqtəsinə tez çatmaq bir zülmə çevrilməyəcək. Əks ssenarini düşünmək belə istəmirəm.
⠀
#analitika

🌳 Geniş piyada zonası ilə yeni Xaqani bağı AYNA tərəfindən Xaqani bağı ətrafında nəqliyyatın hərəkəti məhdudlaşdırıldıqdan sonra bu gözəl məkanda geniş piyada zonası yaradılıb.

📊 Monitorinqlərə görə,günün pik saatlarında parkın ətrafına saatda 800-ə yaxın avtomobil daxil olur və əksəriyyəti ərazidə sadəcə dövrə vurub çıxırdı.

😕🔄 İndi isə!

🌟 Geniş piyada zonası olan Xaqani bağı paytaxt sakinləri və turistlər üçün ən sıx ziyarət edilən istirahət məkanlarından birinə çevrilib.

🚲 Zərifə Əliyeva küçəsində yeni velozolaq.

Şərhsiz…

Hələ qabaqdakı parkovşikə baxın.

#velosipedzolaqları

🚍 Beş avtobusun daimə tıxacda qaldığı küçə.
⠀
🔸 Dəmiryol Vağzalı nəqliyyat mübadilə mərkəzindən çıxan və şəhərin şərq istiqamətində hərəkət edən beş marşrut avtobusu hər gün Kövkəb Səfərəliyeva küçəsində tıxacda qalır.
⠀
🔸 Yaxın zamanda "28 May"da yeni avtobus terminalı istifadəyə veriləcək və avtobusların sayı da artırıla bilər.
⠀
🚧 Hazırda K.Səfərəliyeva küçəsində təmir işləri gedir. Təmirdən sonra burada mütləq ayrılmış zolaq təşkil etmək lazımdır.
⠀
#avtobuszolaqları

⬆️ Bugünki posta belə arqument yazan çoxdur.
⠀
🔹 Bəli, haqlısınız, K.Səfərəliyeva ilə kəsişən Ü.Hacıbəyli küçəsinə svetofor fazalarının fərqi çox böyükdür. Xüsusilə pik saatlarında. Hacıbəyli küçəsinə 5 dəqiqə verirlər, onun ilə kəsişən küçələrə isə 20-30 saniyə.
⠀
🔸Lakin biri var avtobuslar ayrılmış zolaqla kəsişməyə yaxınlaşıb 5 dəqiqə gözləsinlər, zolaq olmayanda isə avtobuslar ümumi axında kəsişməyə çatana qədər 30 dəqiqəyə qədər vaxt itirirlər.
⠀
❗️ Yəni təsəvvür edirsiniz, 30 dəqiqə sərnişinlər dayanacaqda avtobusu gözləməli olur. Kim belə ictimai nəqliyyatdan istifadə etmək istəyər?!
⠀
🔸 Bu arada, Puşkin küçəsi və Azadlıq prospektinə də bu aiddir. Oradan bir neçə önəmli marşrut keçir (Aeroport Ekspres o cümlədən), lakin hər biri 20-30 dəqiqə qrafikdən gecikir.

⬆️ Fikir verdinizsə, burada velozolaqlar yolun hər iki tərəfində nəzərdə alınıb.

İndiyə qədər Bakıda velozolaqlar yolun bir tərəfində salınıb və ikitərəfli olub (8 noyabr prospekti və BNA-nın təşkil etdiyi zolaqlar xaric).

🔹 Lakin Dilarə Əliyeva küçəsi özü ikitərəfli hərəkət təşkil olunan küçədir, velozolaqları da eyni məntiqlə təşkil etmək lazımdır.

#velosipedzolaqları

🚳 “Bakıda heç kim velosiped sürməyəcək!”
⠀
Həmin an Bakı 🚲 🛴

❗️ 8 noyabr prospektində daha bir "maraqlı" proses baş verir.
⠀
🔺 Yerüstü piyada keçidlərinin üzlüyünü yeniləyirlər.
⠀
🔸 Artıq bütün dünya dərk edib ki, şəhər daxilində bu cür küçədənkənar piyada keçidləri keçmişin səhvidir. İnkişaf etmiş və insan yönümlü şəhərlərdə bu cür piyada keçidləri ya sökürlür (misal üçün Tiflisdə), ya da alternativ olaraq "zebra" təşkil edirlər.
⠀
🚦 Şəhər daxilində daha əlçatan svetoforla nizamlanan keçidlərin quraşdırılması daha effektiv və təhlükəsiz olması sübut olunub.
⠀
🔸 Lakin 2024-cü ildə biz hələ də keçmişin səhvlərini təkrarlamağa davam edirik.
⠀
⁉️ Çox maraqlıdır, 8 noyabr prospektində velosiped zolaqları salınır. OK, bəs bir velosipedçi yolun bir tərəfindən digər tərəfinə bu cür yerüstü keçidlə necə keçməlidir? Qucağında və çox vaxt işləməyən eskalatorla?

🔹 Lap bu keçidləri indi sökməyək. Amma onların yaxınlığında mütləq nizamlanan alternativlər olmalıdır.
⠀
#piyadakeçidləri #8noyabrprospekti

❌ Tıxacdan qurtulmaq üçün paytaxtı köçürməyə ehtiyac yoxdur.
⠀
🇩🇪 "Dağılan" Almaniyanın paytaxtında baxsaq, burada əsas diqqət insanlara rahat alternativlərin verilməsinə yönəlib. Geniş səkilər, hər yerdə velosiped zolaqları (həqiqitən HƏR YERDƏ demək olar ki) və rahat ictimai nəqliyyat.
⠀
🔹 Berlində olarkən sizin üçün iki vloq hazırladım. Birinci hissədə şəhərin urbanistik islahatlarından danışarıq, bizimlə müqayisə edərik.
⠀
➡️ https://youtu.be/Ww14sV5wv8o
⠀
İkinci hissə gələn həftə dərc olunacaq, sizə Berlinin ictimai nəqliyyatını göstərəcəm. Daha öncədən izləmək üçün Patreon-səhifəmizə və özəl Teleqram-kanalına qoşulun.

#Berlin #vloq

Kanala dəstək 🎁
Paylaşdığım məzmunu və vloqları faydalı sayırsınızsa, kanala dəstək göstərə bilərsiniz. Təşəkkür edirəm!