⬆️ Bu arada, Koroğlunun mübadilə mərkəzinin pavilyonlarını ticarət obyektinə çevirirlər.

Bircə səliqəli NMM var idi, onu da “kolxozlaşdırmayaq” da, nə olar. 🤦‍♂️

Foto: Rauf Ağamirzəyev.

🚊 Tramvay olan şəhərlərin ayrıca ab-havası var.

🇩🇪 Berlin zatən rahat, əlçatan, yaxşı ictimai nəqliyyatı olan insan yönümlü bir şəhərdir.

Lakin tramvaya heç də Berlinin hər küçəsində rast gəlmərsiniz. O, daha çox Şərqi Berlində hərəkət edir (Qərbi Berlin keçən əsrdə daha çox metro və yerüstü qatar hərəkətini inkişaf etdirirdi).

Və o ki tramvay olan kvartallara çıxırsan və ab-hava sanki tamamlanmış olur.

Sakit, səssiz, minib-düşməyi rahat, salonundan şəhəri kəşf etmək imkanı olan ikinci belə nəqliyyat yoxdur. Tramvayın Bakıya qayıtması şəhəri inanılmaz dərəcədə dəyişə bilər.

Təəssüf ki, hava-su kimi bizə lazım olan bu ictimai nəqliyyatı hələ ki xaricə gedəndə həsrətlə baxa bilirik.

☑️ Təhlükəsizlik adacığı bir standart kimi.
⠀
🇵🇱 Bizim kimi keçmiş sosialistik ölkə — Polşanın paytaxtı Varşavada küçələri təhlükəsiz etmək üçün bu cür sadə və ucuz üsullardan istifadə edirlər.
⠀
🔸 Bakıda belə hallar tək-tük olan vaxtda, burada sanki adacıqlar standart kimi qəbul olunub və hətta 2 zolaqlı yollarda rast gəlinir. Təhlükəsizlikdən önəmli nə ola bilər ki?
⠀
#Varşava #təhlükəsizlik

❌ Nizami küçəsində ağaclar belə öldürülür.
⠀
🌳 Burada vaxtilə parkinq üçün səkini kəsiblər, lakin son təmir işlərindən sonra kökündən asfaltlayıblar. Bu ağaclar öləcək, daha sonra kəsiləcək və küçə növbəti səhraya çevriləcək. Burada illər öncə əkilən bəzi ağaclar artıq məhv olunub.
⠀
📍 Düz şəhərin mərkəzidir bura. “Formula-1” trassından bir tin yuxarı.

#ağaclar