☑️ OK, Cavanşir körpüsü söküldü. Bəs bu ərazinin aqibəti necə olacaq?
⠀
❓ Hazırda vəziyyət necədir və niyə bura məhz insan yönümlü layihə vermək lazımdır?
⠀
🚧 Sökülən körpünün ətrafında gəzişdim, fikirlərimi paylaşdım və hətta bura üçün zamanında təklif edilən layihəni də göstərdim.
⠀
➡️ https://youtu.be/eiyZ2PEic48?si=H5L1V1qkrxxCnGPD
⠀
🔹 Kanalın fəaliyyətinə dəstək göstərmək üçün ➡️ bu link
🔹 Özəl Telegram-kanalına qoşulmaq üçün ➡️ bu link

#vloq #cavanşirkörpüsü

⬆️ 8 noyabr prospektinin bir hissəsində artıq zolaqları nişanladılar.
⠀
🔸 Hətta səki və velozolaq salınandan sonra yenə də görün 4 geniş zolaq saxlamaq mümkün oldu. Bu cür işləri Bakının demək olar ki bütün küçələrdə etmək mümkündür.
⠀
📸 Road Safety səhifəsindən.

🔸 Kimsə narahat idi ki, "8 noyabr"dakı 3,10 metrliq zolaqlar çox dar olacaq.
⠀
Amma bu şəkilə baxın, görün zolaqda hələ nə qədər yer qalır. Xatırladım ki, ən böyük minik avtomobilin eni heç 2,5 metr təşkil etmir. Avropa şəhərlərində 2,75 metrlik zolaqlara da rast gəlinir.
⠀
🔸 Əvvəllər deyirdilər ki, çox geniş zolaqlar operativ nəqliyyat vasitələri üçün yer vermək üçün edilir, amma burada buna da ehtiyac qalmır, çünki ayrılmış avtobus zolağı var. ONV-lər ondan istifadə edə bilirlər.

Geniş zolaqların isə N qədər mənfi cəhəti var, ətraflı bloqda yazmışdıq.

#8noyabrprospekti

👶 Bu gün Uşaqların Beynəlxalq Müdafiəsi Günüdür.
⠀
Uşaqların təhlükəsizliyi elə evdən çıxan kimi başlamalıdır. Təhlükəsiz şəhərin qurulması üçün mütləq uşaqların davranışını nəzərə almalıyıq. Şəhərdə təhlükəsiz piyada keçidləri olmalıdır, piyada svetoforları mütləq olmalıdır, şəhər daxilində sürətli yollar olmamalıdır.
⠀
Bununla yanaşı valideynlərin də üzərində məsuliyyət düşür.
⠀
🔸 Piyada keçidlərində uşaqların əlindən tutun, 5 yaşınadək uşaqları qucağınızda tutun.
🔸 Uşaq arabası ilə svetoforu gözləyəndə arabanı əlinizlə tutun.
🔸 Uşaqlara öyrədin ki, yolu keçəndə əvvəl sola, sonra, sonra bir daha sola baxıb yolu keçmək olar.
🔸 Avtomobildə uşaqları avtokresloda otuzdurun.
🔸 Parkinqlərdə ikiqat diqqətli olun. Parkinq yerindən arxa-arxaya çıxan sürücülər uşaqları görməyə bilər.
⠀
🔹 Amerika Pediatriya Akademiyasının araşdırmalarına əsasən, 10 yaşınadək uşaqlar yaxınlaşan avtomobillərin sürətini və məsafəsini düzgün hesablaya bilmir. Sürücülər də mütləq bu məqamı nəzərə almalıdır.

#təhlükəsizlik

🇦🇿 Gəlin bu istirahət günündə Qusarda orijinal vəziyyətdə qalmış gözəl yaşayış evinə baxaq.
⠀
Şimal bölgələrimizdə belə evlərin say çoxdur, onları niyə qorumalıyıq - bu haqda Dilqəm İsmayılov Qusar vloqumuzda danışdı.

#Qusar #regionlar

🚍 Neftçilər prospektində avtobus zolağı salındı! 🔥
⠀
Düzdür, hələ ki cəmi 100 metrlik ərazini əhatə edir, daha sonra "8 noyabr"da yeni salınan zolağa birləşir. Amma Neftçilər prospekti boyu mütləq ayrılmış avtobus zolağı olmalıdır (tramvayı ümid get-gedə yox olur).

🔸 Ümumiyyətlə, AYNA söz verib ki, bu ilin sonuna qədər şəhərdə 100 km-dən çox yeni avtobus zolaqları salınır. Bu zolağa daxil olub qayda pozan sürücüləri isə daha sərt cərimələr gözləyir.

#avtobuszolaqları

🚷 Piyadalar yenə də yerin altı ilə getməlidir…
⠀
🔸 “8 noyabr”da yaxşı yenilikləri tətbiq etsələr də, buradakı NİZAMLANAN kəsişmədə, bütün şərait olmasına baxmayaraq, piyada keçidini yeraltı olaraq saxlayırlar.
⠀
❓ Niyə belə oldu və düşüncəni necə dəyişək - bu kiçik vloqda danışdım.

#minivloq #8noyabrprospekti

🇦🇿 Neftçilər prospekti, keçən əsrin ortaları.
⠀
Vaxtilə şəhərin iki ən vacib turistik məkanını - İçərişəhəri və Dənizkənarı Bulvarını eynisəviyyəli geniş piyada keçidi birləşdirirdi.

🔸 2000-ci illərin sonlarında Neftçilər prospektində bütün eynisəviyyəli piyada keçidləri ləğv olundu, bu prospekti maqistrala çevirdilər.
⠀
🔹 Məhz bu keçidin Bakıya qaytarılması onun daha insan yönümlü tərəfə transformasiyasına siqnalı ola bilər.

#neftçilərprospekti #tarixifoto

❗️ Çox vacib bir yenilik gəlir.
⠀
2024-2026-cı illərdə Bakıda sərnişindaşımada “Brutto müqavilə” modelinə keçidin təmin edilməsi planlaşdırılır.
⠀
💬 Bunu Rəqəmsal İnkişaf və Nəqliyyat Nazirliyinin təmsilçisi bildirib.
⠀
🔹 Sadə dildə desək, brutto müqavilə onu nəzərdə tutur ki, AYNA daşıyıcılara hər ay fiks bir məbləğ ödəyəcək, gediş haqqından əldə edilən gəlir isə birbaşa dövlət büdcəsinə gedəcək. Artıq daşıyıcılar sərnişinlər üzərində rəqabət aparmayacaq (Bakıkart sistemi olmayan bəzi marşrutlar hələ də "plan" ilə işləyir).
⠀
Bu halda, nəqliyyat agentliyi həmçinin aylıq və illik tarifləri tətbiq etmək mümkün olacaq.
⠀
Daşıyıcının bircə vəzifəsi qalacaq - müəyyən olunan marşrut üzrə insanları A nöqtəsindən B nöqtəsinə çatdırmaq olacaq. Və daşınan sərnişinlərin sayından asılı olmayaraq o stabil gəlir əldə edəcək.
⠀
🔸 Bu vacib yenilikdir, və bununla parallel avtobus sayının çatışmazlığı və onların qrafik üzrə hərəkət etməsi da aktual problem olaraq qalır. Bu məsələlər öz həllini mütləq tapmalıdır.


#ictimainəqliyyat