#State_of_Emergency

ነገ በአማራ ክልል እንደ አስፈላጊነቱ በየትኛውም የሀገሪቱ አካባቢ ላይ ተግባራዊ እንዲደረግ በሚኒስትሮች ም/ቤት የታወጀው የአስቸኳይ ጊዜ አዋጅ ለሕዝብ ተወካዮች ምክር ቤት ቀርቦ የሕዝብ ተወካዮች በሚሰጡት ድምፅ የመጨረሻ ውሳኔ ያገኛል።

ምክር ቤቱ፤ ከቀናት በፊት በአስቸኳይ ጊዜ አዋጁ ላይ መርምሮ ውሳኔ ለማሳለፍ ለነገ ሰኞ 8 ሰዓት ለምክር ቤት አባላት አስቸኳይ የስብሰባ ጥሪ ያቀረበ ሲሆን በዚሁ መሰረት አባላት ተሰብስበው ውሳኔ ያሳልፋሉ ተብሎ ይጠበቃል።

ሕጉ ምን ይላል ?

የአስቸኳይ ጊዜ አዋጅ የሕዝብ ተወካዮች ምክር ቤት በሥራ ላይ ባለ ጊዜ የታወጀ ከሆነ በ48 ሰዓታት ውስጥ ለሕዝብ ተወካዮች ምክር ቤት እንደሚቀርብ፣ በሕዝብ ተወካዮች ምክር ቤት ሁለት ሦስተኛ ድምፅ ተቀባይነት ካላገኘ ወዲያውኑ እንደሚሻር የሕገ መንግሥቱ አንቀጽ 93 ንዑስ አንቀጽ ሁለት (ሀ) ይደነግጋል።

የአስቸኳይ ጊዜ አዋጅ የሕዝብ ተወካዮች ምክር ቤት በሥራ ላይ ባልሆነበት ወቅት የታወጀ እንደሆነ በአሥራ አምስት ቀናት ውስጥ ለሕዝብ ተወካዮች ምክር ቤት መቅረብ እንዳለበት፣ የምክር ቤቱን ሁለት ሦስተኛ ድምፅ ተቀባይነት ካላገኘም ወዲያውኑ እንደሚሻር የሕገ መንግሥቱ ቀጣይ አንቀጽ ይደነግጋል።

6ኛው ዙር ምርጫ በተለያዩ አካባቢዎች ተከስቶ በነበረ ግጭትና አለመረጋጋት ሳቢያ በተሟላ ሁኔታ ባለመከናወኑ፣ በሥራ ላይ የሚገኘው የሕዝብ ተወካዮች ም/ቤት ካሉት 547 ወንበሮች መካከል የተወሰኑት የተጓደሉ ናቸው።

በአጠቃላይ አሁን በሥራ ላይ በሚገኘው ምክር ቤት መቀመጫ የያዙ የሕዝብ ተወካዮች ምክር ቤት አባላት ብዛት 427 መሆኑን ከኢትዮጵያ ብሔራዊ ምርጫ ቦርድ መረጃ መረዳት ይቻላል።

በመሆኑም በሚኒስትሮች ምክር ቤት የታወጀውን የአስቸኳይ ጊዜ አዋጅ ም/ ቤቱ በሁለት ሦስተኛ ድምፅ ማፅደቅ ይኖርበታል በሚለው ሕገ መንግሥታዊ ድንጋጌ መሠረት፣ የአስቸኳይ ጊዜ አዋጁ ሊፀና የሚችለው ከአጠቃላይ የምክር ቤቱ አባላት ማለትም በስድስተኛው ዙር ተመርጠው በምክር ቤቱ መቀመጫ ከያዙት 427 ተወካዮች መካከል 285 የሚሆኑት የድጋፍ ድምፅ ከሰጡ ነው።

ከተጠቀሱት 427 ተመራጮች ውስጥ 142 የምክር ቤት አባላት የተቃውሞ ድምፅ ከሰጡ ግን የአስቸኳይ ጊዜ አዋጁ ቀሪ ሊሆን ይችላል። 

በም/ቤቱ ወንበር ካገኙ አጠቃላይ 427 አባላት ወስጥ 410 የሚሆኑት በገዢው ፓርቲ ብልፅግና አቅራቢነት ተወዳድረው የተመረጡ የሕዝብ ተወካዮች ሲሆኑ፣ ከእነዚህ ውስጥ ደግሞ 125 ያህሉ በአማራ ብልፅግና ፓርቲ አቅራቢነት የተወዳደሩና የክልሉን ሕዝብ የሚወክሉ ናቸው።

ከብልፅግና ፓርቲ ውጪ በአማራ ብሔራዊ ንቅናቄ (አብን) አቅራቢነት ተወዳድረው የተመረጡ አምስት የሕዝብ ተወካዮች ሲኖሩ፣ በኢዜማ አቅራቢነት ተወዳድረው የተመረጡ ሌሎች አራት የሕዝብ ተወካዮች እንደሚገኙም ይታወቃል።

ይሁን እንጂ ከዚህ ቀደም ለምክር ቤቱ በቀረቡ የአስቸኳይ ጊዜ አዋጆች ላይ ለተሰጠው ድምፅ ሥሌት የተደረገው በዕለቱ የነበረውን የምክር ቤቱ ምልዓተ ጉባዔ መሠረት አድርጎ በመሆኑ፣ የታወጀው አስቸኳይ ጊዜ አዋጅ ለምክር ቤት በሚቀርብበት ወቅት የሚኖረው የድምፅ አሰጣጥ ሥሌት በዕለቱ የሚኖረውን ምልዓተ ጉባዔ ታሳቢ የሚያደርግ ይሆናል።

በመሆኑም የሁለት ሦስተኛ ድምፅ ሥሌቱ ከላይ የምክር ቤቱን ጠቅላላ አባላት መሠረት በማድረግ ከተገለጸው ውጤት ያነሰ የድጋፍ እና ተቃውሞ ድምፅ የመከሰት ዕድሉ ሰፊ ነው።

(የሕግ ጉዳይ ማብራሪያ ከሪፖርተር ጋዜጣ)

@tikvahethiopia

ለፌደራል ጠበቆች የህግ አማካሪዎች እና የጥብቅና ድርጅቶች አዲስ መረጃ ‼️
******

የኢትዮጵያ ፌደራል ጠበቆች ማህበር ለፌደራል ጠበቆች የህግ አማካሪዎች እና የጥብቅና ድርጅቶች የግብር አከፋፈል ላይ ለአመታት የቀጠሉ እና ባለፉት ሁለት አመታት ደግሞ እጅግ ተባብሰው የቀጠሉ የህግ እና የአሰራር ችግሮችን ለመቅረፍ በርካታ ጥረቶች እየተደረጉ መሆናቸውንና ማህበሩም የሚደርስበትን ውጤት በየግዜው እንደሚያሳውቅ መግለፁ ይታወሳል::

-  በዚህም ደረጃ "ሐ" ግብር ከፋይ ጠበቆችን በተመለከተ በተደረገው ከፍተኛ ጥረት ሁሉም ጠበቆች እና የህግ አማሪዎች በየቅርንጫፎቻቸው መስተንግድዎ እንዲያገኙ ተደርጎ ተጠናቋል::

      የደረጃ "ሀ" እና "ለ" ግብር በተመለከተ በጠበቆች ማህበር አስተባባሪነት ከፍትህ ሚ/ር እና ከገንዘብ ሚኒስቴር በተውጣጡ ባለሙያዎች የተደረገው ጥናት ከተቀመጡ መደምደሚያና መጠቁሞች Conclusions & Recommendations አብዛኞቹ በፖሊሲ  አውጪው አካል ተቀባይነት ማግኘታቸውን ለማብሰር እንወዳለን::

    ይህንኑም የገንዘብ ሚ/ር በቀን 05/12/2015ዓ.ም በፃፈው ደብዳቤ ለማህበሩ አሳውቋል:: በዚሁ መሰረት ፤

     - ማናቸውም - ገቢውን ለማመንጨት ፤ -ስራውን ዋስትና ለመስጠት እና - ስራውን ለማስቀጠል የሚወጡ የጠበቆች ወጪዎች በሙሉ በተቀናሽነት እንዲያዙ ተወስኗል::

  -  ይህም ሲሆን ለምሳሌ ለመኪና ታርጋ ቁጥር (ኮድ 2 መሆን አለመሆኑ) ፤ የንግድ ፍቃድ አለመኖር እና ተያያዥ በግብር ሰብሳቢው መ/ቤት ይቀርቡ የነበሩ ምክንያቶች ቀሪ እንዲሆኑ ተወስኗል:: 

ከይዞታ ይለቀቅልኝ አቤቱታ ጋር ካርታ ይምከንልኝ የሚል ዳኝነት የአስተዳደር አዋጅ 1183/2012 ን ሳይከተል ፌደራል መጀመሪያ ደርጃ ፍ/ቤት አቤቱታ ማቅርብ ስለመቻሉ@mkBaleaderaw