በህግ አምላክ ❗️❓
ቃሉ ከብዙ ዓመታት በፊት ጀምሮ በእኛ አገር ብቻ ሳይሆን በሌሎችም አገራት ላይ መሰረት ያለው ነው።መነሻውም ሰወች ሕጉን ብቻ ሳይሆን ሕግ ያወጣውን አካል ምላሽ እንዲመለከቱና ከድርጊታቸው እንዲቆጠቡ የሚያሳስብ ነው።ሰወች ህገ ወጥ ድርጊት ሲፈፅሙ ለድርጊታቸው ህገወጥነት ምላሽ የሚሰጥ አካል እንዳለ በዚሁ ቃል ያስታውሳሉ።እንዲያውም አንዳንዴ ሕጉን ያወጡ ንጉሶች ስም እየተጠራ በእነሱ አምላክ ስም ድርጊት ፈፃሚው ድርጊቱን እንዲያቆም ይጠየቅ እንደነበር ይነገራል። ይሄንን የሰማ ህገ ወጥ አካል ድርጊቱን የሚያቆመው ከድርጊቱ በሁዋላ የሚመጣበትን ምላሽ በቃሉ ውስጥ ስለሚመለከት ነው።
ሌላኛው ደግሞ ሕግን የሚሰጥ ፈጣሪ እንደሆነ ሰወች ያምናሉ።ይሄም እምነታቸው ሕግን እንዲከተሉ ምክንያት ይሆናቸዋል።በዚህ እይታ ደግሞ በሕግ አምላክ የሚለው ቃል ሰወች ፈጣሪን ፈርተው ከድርጊታቸው እጃቸውን እንዲመልሱ ምክንያት ይሆናቸዋል።በአጠቃላይ የቃሉ አንድምታ ይሄንን ይመስላል።
One Love:
#አለ_ህግ #Ale_Hig

በህግ አምላክ ማለት አንድም ህግ ይህን እንድታደርግ አይፈቅድልህም ብታደርግም ትቀጣበታለህና በህግም ትገዘበታለህና ህግን ስለፈጠረው አምላክ ብለህ ተወኝ ለማለት የምንጠቀምበት ሲሆን
ዋናውና ቁልፉ ነገር ግን ማንም ሰው ከህግ በታች መሆኑን የሚያሳይና ህግን ማክበር እንዳለበት የሚያሳይ ነው
Erkyihun:
#አለ_ህግ #Ale_Hig

👉በህግ አምላክ ማለት:-
አገሬው ስለ ሕግ ሃያልነት ሲናገር "በሕግ አምላክ ሲባል እንኳን ሰው ወራጅ ውሃ ይቆማል" ይል ነበር፡፡ ሕግ ተፈጥሮንም እስከማቆም ሃይል እንዳለው አድርጎ ለመግለፅ ምን ዓይነት በሕግ የፀና እምነት ቢኖር ነበር ያስብላል፡፡ በሕግና ፍትሕ ላይ እምነት ያለው ሕዝብ ያለማንም አስገዳጅነት ለሕግ ተገዢ ነው፡፡ ክስተቶችንም ተከትሎ ለሕግ ያለውንም እምነት በተለያዬ መንገድ ይገልፃል፡፡ ግጭቶችን በጉልበት ከመፍታት በሕግ መፍታት ተመራጭ እንደሆነም ያምናል፡፡ በጉልበቱ አዳሪ ሲገጥመው ሰይፍን በሰይፍ ከመመለስ በሕግ አምላክ ቢል ይመርጣል፡፡ ከማትረባ ጉልበት በሕግ አምላክ ይሻላል የሚለውም ለዚህ ይመስላል፡፡ ስለዚህ የሕግ መከበር ሕበረተሰቡ ስለሕግና ፍትሕ ባለው አመለካከት ይወሰናል ማለት ነው፡፡ ሕግ በሕበረተሰቡ ውስጥ በሚፈለገው ደረጃ ለውጥ እንዲያመጣ ከተፈለገ እያንዳንዱ ሰው ስለሕግ ያለው አመለካከት አብሮ መመለወጥና ማደግ ይኖርበታል፡፡ ሕበረተሰቡ ለሕግና ፍትሕ ያለው አመለካከት ሁለት ነገሮችን ይገልፅልናል፡፡ በአንድ  በኩል ሕብረተሰቡ ስለሕግ ያለውን እምነት ሲገልፅልን በሌላ በኩል ደግሞ የሕግ መከበር ያለበትን ደረጃ ያሳየናል፡፡

👉ዘመናዊ የፍትሕ ሥርዓት ሳይዋቀር በፊት አገሬው ስለሕግ የበላይነት የፀና እምነት ነበረው ማለት እንችላለን፡፡ አስገዳጅ ነገር ሳይኖር በአገር ደንብ ብቻ መንገድ ላይ ባላጋራውን ሲያገኘው በሕግ አምላክ ብሎ ተላላፊው መንገደኛ ጉዳዩን እንዲመለከትለት ያደርግ ነበር፡፡ ተላላፊው መንገደኛም ዳኝነቱን ተቀብሎ የግራ ቀኙን ጉዳይ ሰምቶ ይፈርዳል፡፡ ውሳኔው ከተስማማቸው ይፈጽማሉ ካልተስማቸው በአካባቢው ወዳለው ጭቃ ሹም ተያይዞ መሄድ ነው፡፡ ይህን ተላላፊ መንገደኛ ዳኛ የሕግ ሙሁር አበራ ጀንበሬ የመንገድ ዳሩ ፍርድ ቤት(የመንገድ ዳር ዳኛ) በማለት ሲገልፁት ከሳቴ ብርሃን የአማርኛ መዝገበ ቃላት ደግሞ "ዳኛ የውሃ ወራጅ ዳኛ" በማለት ይገልፀዋል፡፡ ስያሜው ምንም ይሁን ተላላፊውን መንገደኛ ዳኛ፣ ባላጋራዎችን ተከራካሪ አድርጎ ሲያቆማቸው የነበረው ያገር ደንብና ልማድ፣ፈቃደኝነትና ለሕግና ፍትሕ የፀና እምነት መኖር  እንጅ ሌላ አስገዳጅ ሃይል አልነበረም፡፡

👉በአጠቃላይ በህግ አምላክ ማለት ለህግ ተገዢ ሁን ወይም ለህግ ብለክ ድርጊትህን አቁም ወይም ተዉ እንደማለት ነዉ፡፡
Am the one☝️:
#አለ_ህግ #Ale_Hig

የዛሬ #የአለ_ህግ ጥያቄ ተሸላሚ
✅Am the one✅
ስልክህን በዚህ ቦት ላክልን።
@LawsocietiesBot

#እንድታውቁት #አለ_ህግ #Ale_Hig

የገቢዎች ሚኒስቴር የታክስ ኦዲት የቅሬታ ምንጭ ሆኖ የቆየው

" የሒሳብ መዝገብ አያያዝ መመሪያ ቁጥር 152/2011 " ን በአዲስ መመሪያ እንዲተካ ማድረጉን አሳውቋል።

መመሪያውን ማሻሻል ያስፈለገበት ዋነኛ ምክንያት የታክስ አስተዳደሩን ቀልጣፋ ለማድረግ እና ግልጽነት የጎደላቸውን አሰራሮች ግልጽ ለማድረግ ነው ብሏል ሚኒስቴሩ።

አዲሱ መመሪያ ቁጥር 176/2014 በሒሳብ መዝገብ አያያዝ መመሪያ ቁጥር 152/2011 ላይ የነበረውን አሰራር ያሻሽላል ተብሏል።

አዲሱ ወይም የተሻሻለው የሒሳብ መዝገብ አያያዝ መመሪያ ቁጥር 176/2014 ከላይ በPDF ተያይዟል።
tikvah ethiopia

#አለ_ህግ #Ale_Hig

የፌዴራል ጠበቆች ምዝገባ - መራዘሙን ስለማሳወቅ
#አለ_ህግ #Ale_Hig
የኢትዮጵያ ፌዴራል ጠበቆች ማኅበር በአባልነት ላቀፋቸው ጠበቆች አስፈላጊውን አገልግሎት በመስጠት ኃላፊነት እና ግዴታውን ለመወጣት ይችል ዘንድ እስከ ሚያዝያ 28 ቀን 2014 ዓ.ም ድረስ ባለው ጊዜ

1. በድህረ-ገጽ በኦንላይን በዚህ አድራሻ http://t.ly/RzWs ወይም
2. በፍትሕ ሚኒስቴር ዋና መ/ቤት ወይም በአራዳ ምድብ ችሎት በሚገኘው የማኀበሩ ጽ/ቤት በአካል በመገኘት
እንድትመዘገቡ መጠየቁ ይታወሳል።

በዚህ መሠረት በርካታ ጠበቆች በኦንላይን እና በአካል በመገኘት ምዝገባቸውን አከናውነዋል።

ምዝገባው እንዲከናወን የታሰበበት ጊዜ የበዓል ቀናት የተበራከቱበት መሆኑን በመገንዘብ እንዲሁም በተለያዩ ምክንያቶች ለመመዝገብ ያልቻሉ ጠበቆች ምዝገባውን እንዲያከናውኑ ተጨማሪ ቀን መስጠት አስፈላጊ እንደሆነ ማኅበሩ አምኗል።

በዚህ መሠረት ያልተመዘገባችሁ የኢትዮጵያ ፌዴራል ጠበቆች በሙሉ የምዝገባ ጊዜው

ከሰኞ ከግንቦት 1 ቀን 2014 ዓ.ም ጀምሮ እስከ ግንቦት 26 ቀን 2014 ዓ.ም ድረስ የተራዘመ መሆኑን አውቃችሁ ምዝገባችሁን እንድታከናውኑ ማኅበሩ ያሳስባል።

በኦንላይን ለመመዝገብ ይህንን ሊንክ ይጫኑ፦ http://t.ly/RzWs

በአካል ተገኝተው ለመመዝገብ፦
1. የጥብቅና ደብተርዎን መያዝዎን አይዘንጉ፤
2. የጥብቅና ደብተርዎን የፊት ገጽ እና ፈቃድዎ የታደሰበትን የሚያሳየውን ክፍል ኮፒ አድርገው መያዝዎን አይዘንጉ
3. ለማኅበሩ ገቢ ያደረጉበትን የባንክ ስሊፕ መያዝዎን አይዘንጉ፤
4. የግብር መለያ ቁጥር መያዝዎን አይርሱ፤

የኢትዮጵያ የፌዴራል ጠበቆች ማኅበር
#አለ_ህግ #Ale_Hig

#NewsAlert

በሕገወጥ መንገድ ወደ አገር ውስጥ የገቡትን ‘Titan gel’ ፣ ‘Mara Moja’ እና ‘Relief’ የተሰኙ መድኃኒቶች ሕብረተሰቡ እንዳይጠቀም የኢትዮጵያ ምግብና መድኃኒት ባለስልጣን አሳሰበ።

ሕብረተሰቡ መድኃኒቶቹን ሲያገኟቸው ለባለስልጣኑና ለጸጥታ አካላት እንዲጠቆም ጥሪ አቅርቧል። በአዲስ አበባ ቦሌ ዓለም አቀፍ አየር ማረፊያ በመንገደኛ ሻንጣ እንዲሁም በሌሎች የመግቢያና መውጫ ኬላዎች አማካኝነት የተለያዩ መድኃኒቶችበሕገወጥ መንገድ ወደ አገር ውስጥ ሊገቡ ሲሉ ከባለድርሻ አካላት ጋር በመተባበር በቁጥጥር ስር እየዋሉ እንደሆነ የኢትዮጵያ ምግብና መድኃኒት ባለስልጣን ገልጿል።

በአሁኑ ወቅት ከተለያዩ የመረጃ ምንጮች በተገኘው መረጃ

👉‘Titan gel’ ፣
👉‘Mara Moja’ እና
👉‘Relief’ የተሰኙ መድኃኒቶች በባለሥልጣኑ ያልተመዘገቡ መሆናቸውን አመልክቷል።

መድኃኒቶቹ በሐኪም ብቻ በመታዘዝ ጥቅም ላይ መዋል ያለበት ቢሆንም በድብቅና በሕገወጥ መንገድ ገበያ ላይ እየተሸጡ እንደሆነ አስታውቋል። ሕብረተሰቡ መድኃኒቶቹ በሕገወጥ መንገድ ወደ አገር ውስጥ የገቡ፣ጥራታቸው ደህንነታቸውና ፈዋሽነታቸው ያልተረጋገጠ እንዲሁም በጤና ላይ ከቀላል እስከ ከፍተኛ ጉዳት እንደሚያደርሱ በመገንዘብ መድኃኒቶቹን እንዳይጠቀምባቸው ባለስልጣኑ አሳስቧል።

ማንኛውም ግለሰብ ‘Titan gel’ ፣ ‘Mara Moja’ እና ‘Relief’ በሕጋዊ ተቋማትም ሆነ በሕገወጥ መንገድ ሲያገኛቸው በመስሪያቤቱ ነጻ የስልክ መስመር 8482 እንዲሁም በአቅራቢያው ለሚገኙ የክልል ተቆጣጣሪዎች ወይም ለጸጥታ አካላት በመጠቆም አስፈላጊውን ትብብር እንዲያደርግ ጥሪ አቅርቧል።

መረጃው ለሌሎች እንዲደርስ share ያድርጉ።
ኢትዮ መረጃ

የፌደራል የፍትህና የህግ ኢንስቲትዩት ከወላይታ ሶዶ ዩኒቨርሲቲ እና ከኢትዮጵያ ሰብአዊ መብት ተከላካይ ማዕከል ጋር በትብብር ያዘጋጀው 6ኛው ዙር የኢትዮጵያ የህግ ትምህርት ቤቶች ምስለ ችሎት ውድድር በዛሬው ዕለት ተጠናቀቀ

(ሚያዝያ 30/2014 ዓ.ም) የፌደራል የፍትህና የህግ ኢንስቲትዩት ከወላይታ ሶዶ ዩኒቨርሲቲ እና ከኢትዮጵያ ሰብአዊ መብት ተከላካይ ማዕከል ጋር በትብብር ያዘጋጀው 6ኛው ዙር የኢትዮጵያ የህግ ትምህርት ቤቶች ምስለ ችሎት ውድድር በዛሬው ዕለት በድሬዳዋ ዩኒቨርሲቲ የህግ ትምህርት ቤት አሸናፊነት ዛሬ ተጠናቀቀ።

የውድድር ኮሚቴው ባወጣው መርሃ-ግብር መሠረት "በሰብአዊ መብት፣ በዓለም አቀፍ የወንጀል ህግና በሽግግር ፍትህ " ላይ የሚያተኩር ምናባዊ መነሻ የክርክር ጭብጥ ተዘጋጅቶ በሁሉም ዩኒቨርሲቲዎች ውስጥ ለሚገኙ የህግ ት/ቤቶች ከተላከ በኋላ የጽሁፍ ክርክሩን ያለፉ 12 ዩኒቨርሲቲዎች የቃል ክርክራቸዉን በወላይታ ሶዶ ዩኒቨርሲቲ ከሚያዝያ 28_30/2014 ዓ• ም ውድድራቸውን ሲያደርጉ የቆዩ ሲሆን በዛሬ ዕለት ፍጻሜውን አግኝቷል።

በውድድሩ ማጠቃለያ ላይ በመገኘት ንግግር ያደረጉት የፌደራል የፍትህና የህግ ኢንስቲትዩት ምክትል ዋና ዳይሬክተር አቶ ምትኩ ማዳ የዚህ ምስለ ፍርድ ቤት ውድድር ዋናው ዓላማ የህግ ተማሪዎች በክፍል ውስጥ በንድፈ ሃሳብ የቀሰሙትን እውቀት በተግባር ይፈትሹ ዘንድ በተለያዩ ምናባዊ የሕግ ጉዳዮች ላይ በሕግ ምሁራን፤ ዳኞችና ዐቃብያነ ሕግ ፊት እንዲሟገቱ በማድረግ የክርክር ክህሎታቸውና የሕግ ዕውቀታቸዉ እንዲሁም በራስ የመተማመን መንፈሳቸውን በማዳበር ብቁ የህግ ባለሙያ ማድረግ መሆኑን ተናግረዋል፡፡

አቶ ምትኩ አክለውም ይህ የ6ኛው ምስለ ችሎት ውድድር ከባለፈው ለየት የሚያደርገው በሀገራችን የተለያዩ ፈተናዎች ባሉበትና ከነዚህ ፈተናዎች ለመውጣት በምንረባረብበት ወቅት መካሄዱ እንዲሁም ከዚህ ጋር ተያይዞ ተማሪዎችም በተለያዩ ጫናዎች ውስጥ ሆነው የሚያደርጉት ውድድር መሆኑን ገልፀዋል።

በመጨረሻም ይህን ውድድር የተሳካና ውጤታማ ለማድረግ ለተሳተፋ የሕግ ትምህርት ቤቶች ኮንሰርቲየም ፣ አዘጋጅ ኮሚቴዎች፣ ዳኞች፣ ተሣታፊ ተማሪዎች፣ የወላይታ ሶዶ ዩኒቨርሲቲ አመራሮችና ሌሎች አካላት ምስጋና አቅርበዋል።

ውድድሩን የድሬ ዳዋ ዩኒቨርሲቲ የህግ ትምህርት ቤት በአንደኝነት እንዲሁም የጂማ ዩኒቨርሲቲ የህግ ትምህርት ቤት በሁለተኛነት ያጠናቀቁ ሲሆን ለአሸናፊዎቹ የዋንጫ እና የሜዳሊያ ሽልማት የተሰጠ ሲሆን ለውድድሩ መሳካት ጉልህ አስተዋፅኦ ላበረከቱ አካላት የምስክር ወረቀት ተበርክቶላቸዋል።

ይህ የምስለ ችሎት ውድድር በየአመቱ የሚካሄድ ሲሆን የፌደራል የፍትህና የህግ ኢንስቲትዩት ውድድሩን በተጠናከረ ሁኔታ ለማስቀጠል በቁርጠኝነት እንደሚሰራ ቃል ተገብተቷል።


√√√√√√√√√√√√√√√√√√√√√√√√

ዘገባው: የኮሚዩኒኬሽን ጉዳዮች ዳይሬክቶሬት ነው !!!

የድሬዳዋ ዩኒቨርሲቲ 6ኛው የኢትዮጲያ ሕግ ትምህርት ቤቶች ምስለ ችሎት ውድድር አሸናፊ ሆነ፣

የድሬ ውድድሩ ለይ የተሳተፉ ተማሪዋች:

1. ተማሪ አይዳ ብርሀኔ
2. ተማሪ ሀይማኖት ኤፍሬም
3. ተማሪ ሳውዳ ጀማል ሲሆኑ መምህር አብይ ደምሴ የተማሪዋቹ አሰልጣኝ በመሆን ተሳትፎአል።
በውድድሩም ተማሪ አይዳ ብርሀኔ የውድድሩ ፍፃሜ ዙር ምርጥ ተናጋሪ ስትሆን ሀይማኖት ኤፍሬም የውድድሩ ምርጥ ተናጋሪ እንዲሁም ምርጥ ሴት ተናጋሪ በመሆን ውድድሩን ጨርሰዋል።