ስለ አመራር ልማት ፕሮግራሙ እና ስለ አካዳሚው አገልግሎት አስተያየታቸውን ሰጥተውናል፡-
ወደ #አፍሌክስ ለአመራር ልማት ስመጣ ይህ ሶስተኛ ጊዜዬ ነው። ከአጠቃላይ የአመራር ልማት ተግባሩ ውጭ ከስራ ባልደረቦቼ ጋር እየተማማርን እና እየተወያየን የመጣንበትን ዓላማ ለማሳካት ትክክለኛ ቦታ ነው። ጥሩ ጊዜ እያሳለፍን ነው። ምግቡ፣ መኝታው፣ በአጠቃላይ መስተንግዶው ጥራቱን የጠበቀ ነው። እዚህ ፣ በአፍሌክስ ቆይታዬ ቤቴ ያለሁ ያህል ነው የሚሰማኝ።
ኤልያስ ኃይለ መስቀል
በገንዘብ ሚኒስቴር የብድር አስተዳደር ሲኒየር ኤክስፐርት
እዚህ በምንወስደው #የአመራር_ልማት ተጨማሪ ልምድ አዳብረን ወደ ስራችን ስለምንመለስ ገንቢ ነው። በአፍሌክስ ከመኝታው ጀምሮ ጊቢው በሙሉ ንጹህ እና ጽዱ ነው። አስተባባሪዎቹ የምንሰጣቸውን አስተያየት ተቀብለው በፍጥነት ተግባራዊ እያደረጉ ስለሆነ በጣም ጥሩ ነው።
ገነት ሸዋፈራው
በገንዘብ ሚኒስቴር የፐብሊክ ፋይናንስ ሪፎርም ባለሞያ
ይህ #የአመራር_ልማት በስራችን ብቁ እንድንሆን ያደርገናል። በቆይታችን ንጽህናው በተጠበቀ ስፍራ የተሟላ አገልግሎት እያገኘን ነው። #የአፍሌክስ ሰራተኞች ስለመኝታው፣ ስለምግቡ በአጠቃላይ ስለመስተንግዶው በቃልም በጽሁፍም በየጊዜው አስተያየታችንን እየጠየቁ ምቾታችንን ለመጠበቅ ጥረት እያደረጉ በመሆኑ ደስ ብሎኛል።
እሸቱ እስራኤል
በገንዘብ ሚኒስቴር የመንግስት የልማት ድርጅቶች ክትትል ኤክስፐርት
#የአመራር_ልማት_ፕሮግራሙ ንድፈ ሃሳብን ከተግባራዊ ልምምድ ጋር አጣምሮ የያዘ ስለሆነ በስራችን ያለብንን ክፍተት እየሞላን እንድንሄድ ያስችለናል። የአመራር ልማቱ የመማሪያ ቁሳቁሶች የተሟሉበት በቴክኖሎጂ የታገዘ ነው። አካባቢው ብርዳማ ቢሆንም የመማሪያ፣ የመኝታ እና ሌሎች ክፍሎች በቂ ማሞቂያ ያላቸው የተስተናጋጅን ምቾት የሚሰጡ ናቸው። የተቋሙ መሰረተ ልማት እና አገልግሎት የሆቴል ደረጃ ያለው በመሆኑ እጅግ በጣም ጥሩ ሆኖ አግኝቼዋለሁ።
መቅደስ በላይ
በገንዘብ ሚኒስቴር የበጀት ዝግጅት እና አስተዳደር ባለሞያ