የመረዳዳት ባህልን በሥርዓት በማስተዳደር ዜጎች በራሳቸው ጸጋ ለአደጋ ምላሽ እንዲሰጡ የመገናኛ ብዙኃንና ኮሙኒኬሽን ሰፊ ግንዛቤ መፍጠር አለባቸው ብለዋል፡፡

በኢትዮጵያ በተረጅነት አስተሳሰብ ላይ የጋራ መረዳት ከተፈጠረ ለመጠባበቂያ እና እለት ደራሽ ክምችት የሚያስፈለገውን 2 ሚሊየን ሜትሪክ ቶን ሰብዓዊ እርዳታ በራስ አቅም መሸፈን የሚያስችል ሀገራዊ አቅም እንዳለ ገልጸዋል፡፡

የመንግስት ኮሙኒኬሽን አገልግሎት ሚኒስትር ዴኤታ ሰላማዊት ካሳ፤ #በአፍሪካ_አመራር_ልህቀት_አካዳሚ ውስጥ ተገኝተው የዜጎችን ሁሉን አቀፍ ሉዓላዊነት ለማረጋገጥ የመገናኛ ብዙኃንና ኮሙኒኬሽን ዘርፉ ሚናው የላቀ መሆኑን ገልጸዋል፡፡

የአደጋ ስጋት ሥራ አመራር ፖሊሲ ክብረ ነክ ከሆነ የተረጅነት እሳቤ የመውጫ መንገድ መሆኑን መረዳትም ይገባል ብለዋል፡፡

ከተረጅነት አስተሳሰብ በመላቀቅ አደጋዎችን በራስ አቅም ምላሽ መስጠት የሚችለበት አቅም መኖሩን ለህብረተሰቡ ማስገንዘብ ተገቢ መሆኑንም አንስተዋል።

የመገናኛ ብዙኃን ተቋማት የሥራ ኃላፊዎችም፤ የአደጋ ስጋት ሥራ አመራር ፖሊሲውን ገቢራዊ በማድረግ ከተረጅነት አስተሳሰብ ለመውጣት በሚደረገው ጥረት ኃላፊነታቸውን ለመወጣት ዘገጁ መሆናቸውን አረጋግጠዋል፡፡

የኢትዮጵያ ዜና አገልግሎት ዋና ሥራ አስፈፃሚ ሰይፈ ደርቤ፤ በኢትዮጵያ ሴፍትኔት ልምድ ተረጅነት ባህል ሆኖ መቆየቱን ገልጸዋል፡፡

በመሆኑም ችግሩ ዘመናትን የተሻገረና ስር የሰደደ በመሆኑ ተከታታይ የአስተሳሰብና የግንዛቤ ፈጠራ ስራ ማከናወን ያስፈልጋል ብለዋል፡፡

የፋና ብርድካስቲንግ ኮርፖሬሽን ምክትል ሥራ አስፈፃሚ አቤል አዳሙ፤ የተረጅነት እሳቤ በብዙዎች ዘንድ የጠባቂነት አስተሳሰብ አሳድሯል ሲሉ ተናግረዋል።

የኢትዮጵያ ብሮድካስቲንግ ኮርፖሬሽን ምክትል ሥራ አስፈፃሚ አብዱራህማን ሩቤ፤ ከተረጅነት አስተሳሰብ ለመውጣት አደጋ ከመድረሱ በፊት መስራት እንደሚገባ አንስተዋል።

መገናኛ ብዙኃን ሀገራዊ አጀንዳ በመቅረፅ የማህበረሰቡን አረዳድ በመቀየር ዜጎችን ከተረጅነት አስተሳሰብ ለማላቀቅ ሚናቸውን በሚገባ መወጣት ይጠበቅባቸዋል ብለዋል።

የመገናኛ ሲኤምሲ መስመር