የኢትዮጵያ አይዶል አሸናፊዋ በቦንጋ አቀባበል ተደረገላት

#Ethiopia | በኢትዮጵያ አይዶል ሁለተኛ ዙር በድምፃዊያን ዘርፍ አሸናፊ የሆነችው ብዙዓየሁ ሰሎሞን በትውልድ አካባቢዋ ቦንጋ ከተማ ዛሬ የካቲት 24 ቀን 2016ዓ.ም ደማቅ አቀባበል ተደርጎላታል።

በአቀባበል ስነ-ስርዓቱ ላይ የከተማው ነዋሪ ፣ የከተማው አስተዳደር እና የሀገር ሽማግሌዎች ተገኝተዋል።

የቦንጋ ከተማ አስተዳዳሪ ከንቲባ አቶ አስማማው አደመ ድምፃዊት ብዙዓየሁ ከራሷ አልፋ አከባቢውን እና የአከባቢውን ማህበረሰብ በኪነ-ጥበብ ማስተዋወቅ በመቻሏ ደስተኛ መሆናቸውን ገልፀው ወደፊትም ለምታደርገው ጥረት ይሆን ዘንድ በቦንጋ ከተማ የ300 ካሬ ሜትር የመኖሪያ ቤት መስራያ የሚሆን የመሬት ስጦታ እንደተበረከተላት ተናግረዋል።

የካፋ ዞን ዋና አስተዳደሪ አቶ እንዳሻው ከበደ በበኩላቸው ካፋ የብዙ እውቅ ሰዎች መፍለቂያ መሆኗን በመናገር ብዙዓየሁ ሰሎሞንን ከእነዚህ አንዷ ናት ብለዋል።

አያይዘውም ድጋፍ ላደረጉ ወገኖች ምስጋና አቅርበው ድምፃዊቷ ላደረገችው አስተዋጽኦ የሚያንሳት ቢሆንም በማለት የ100,000 (መቶ ሺህ ) ብር ሽልማት አበርክተውላታል።

በክብረአብ ፈለቀ
Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://www.t.me/waliyaentmt

#Waliya_Entertainemnt #Music

"ዋግ ኽምራ የጥበብ ልጆቿን ሞሸረች!

* 1 ሚሊዮን ብር እና ለሦስቱም ድምፃዊያን 150 ካ.ሜትር መኖሪያ ቦታ ሽልማት ተበርክቶላቸዋል

#Ethiopia | "የዋግ ኽምራዎቹ ጥበበኞች! በባለ አገሩ አይዶል በዓለም አደባባይ ምርጥ ብቃታቸውን ያስመሰከሩት አሸናፊዎች ባለ ልዩ ተሰጥኦ ድምፃዊያን ውድድሩን በ1ኛነት ያሸነፈው አክሊሉ አስፋው፣ በ2ኛነት ያሸነፈው ብሩክ ሙሉጌታ እና ተማረ ሳሙኤል በዋግ ኽምራ ብሔረሰብ አስተዳደር ሠቆጣ ከተማ የደመቀ አቀባበል ተደርጓላቸዋል።

የዋግ ኽምራ ብሔረሰብ አስተዳደር ተቀዳሚ ዋና አስተዳዳሪ አቶ ኃይሉ ግርማይ በእንኳን ደህና መጣችሁ ንግግራቸው የዛሬዋ ቀን ለዋግ ህዝብ ልዩ ነው። እኛ ኽምራዊያን የጥበብ ሰዎች መሆናችንን ያዬነበት ዕለት ነው ብለዋል።

ወጣቶቹ እንዲበረታቱና እዚህ እንዲደርሱ አስተዋፅኦ ያበረከታችሁ አካላትን በብሔረሰብ አስተዳደሩ ስም አመሰግናለሁ ሲሉ ተናግረዋል።

ጀማሪ የኪነ ጥበብ ሰዎችም እንዲበረታቱና እንደ ዛሬው ሁሉ የጥበበኞቹ ልጆች መሆናችን ከፍ ብሎ እንዲታይ መስራት ይጠበቅብናል ሲሉ አሳስበዋል።

በመጨረሻም እንደ ብሔረሰብ አስተዳደር ከወረዳዎችና ጋር በመተባበር 1ሚሊዮን ብር እና የሠቆጣ ከተማ አስተዳደር ደግሞ ለሦስቱም ድምፃዊያን 150 ካ.ሜትር መኖሪያ ቦታ ሽልማት በማበርከት መርሃ ግብሩ ተጠናቋል።

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://www.t.me/waliyaentmt

#Waliya_Entertainemnt #Music

ስለ ቴዲ አፍሮ ቤዛ ስለተሰኘው (ህብረ ዜማ) ያልተሰሙ መረጃዎች

ዋልያ ኢንተርቴይመንት ከተለያዩ የውስጥ ምንጮች ባገኘው መረጃ መሰረት

1, ሙዚቃው ከዛሬ 5 አመት በፊት የተሰራ ሲሆን አሁን ላይ ግን እንደአዲስ ትናንሽ ማስተካከያዎች እንደተደረጉለት።

2, ቤዛ (ህብረዜማ) በተሰኘው በአጠቃላይ ከ 30 የሚበልጡ ባለሙያዎች እንደተሳተፉስ ያውቃሉ።

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://www.t.me/waliyaentmt

#Waliya_Entertainemnt #Music

"ከአሁኑ ዘመን ዜመኞች የታምር ግዛው አድናቂ ነኝ"
                             
ዳዊት ይፍሩ

አንጋፋው የሙዚቃ አቀናባሪ ዳዊት ይፍሩ ከኤፍ ኤም አዲስ 97.1 የዘፈን ምርጫ የኔ ምርጥ ከተሰኘው መሰናዶ  ጋር በነበራቸው ቆይታ   የምንጊዜም  ምርጥ የሚሉዋቸውን የሙዚቃ ሥራዎችን ይፋ አድርገዋል። 

በተለያዩ ዘመናት በተቀነቀኑ  በርካታ የሙዚቃ ሥራዎች ላይ አሻራቸውን  ያሳረፉት አንጋፋው የሙዚቃ ሰው ዳዊት ይፍሩ  ከኢትዮጵያ ቅኝቶች  የቀረበ የነፍስ ዝምድና እንዳላቸው ይጠቅሳሉ፡፡

የመረበሽና እና የመከፋት ስሜት ሲሰማቸው የትዝታ ቅኝት ሙዚቃዎችን አዘውትረው እንደሚያደምጡ አልሸሸጉም። አንጋፋው አቀናባሪ  ከአራቱ ቅኝቶች ለአንቺሆዬ የተለየ ስሜትና አድናቆት እንዳላቸው  ነግረውናል።  

የክቡር ዶ/ር አርቲስት ጥላሁን ገሰሰ የጠላሽ ይጠላ፤ የትዝታው ንጉሥ ማህሙድ አህመድ  ትዝታ ጋረደው፣ የሙሉቀን መለሰ ምነው ከረፈደ፣ ከያኔ ዘመን የመዚቃ ሥራዎች ትልቅ ቦታ የሚሰጡዋቸው ሥራዎች ስለመሆናቸው ነግረውናል።

"ከአሁኑ ዘመን ዜመኞች ግን የታምር ግዛው አድናቂ ነኝ" በማለት ይገልፃሉ፡፡ "ምነዋ የሚለው ሥራዋ ከመልዕክቱ ጀምሮ አጠቃላይ የቅንብር ሥራው ይማርከኛል፣ ከወጣቶቹ አብዝቼ ማደንቃት እሷን ነው"  በማለት ተናግረዋል፡፡

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://www.t.me/waliyaentmt

#Waliya_Entertainemnt #Music