አብርሃም በላይነህ - ሻላዬ ቀን በቀን አዲስ አልበም ሊለቀቅ ነዉ!

በሀገራችን የሙዚቃ እንደስትሪ ውስጥ ጉልህ ድርሻን ካበረከቱ ወጣት ድምፃዊያን መካከል እና የተለያዩ ነጠላ ሙዚቃ ሥራዎችን በመስራት እና በትወናው ዘርፍ በመሳተፍ በአጭር ጊዜ ውስጥ ተደማጭና ታዋቂ ለመሆን የቻለውን ተወዳጁ ድምፃዊ አብርሃም በላይነህ/ሸላዬ/ ሙሉ የሙዚቃ አልበሙን ወደ ሕዝብ ለማድረስ መሰናዶውን እንደጨረሰና ከአስራ ሦስት ዓመታት በፊት ለአድማጭ ባደረሰው “ሻላዬ” ነጠላ ዜማው ከፍተኛ ተወዳጅነትን ያተረፈው አብርሃም በላይነህ እነሆ ዛሬ ደግሞ ዘጠኝ አመት የተደከመበትን እና 12 ዜማዎችን የያዘዉን “ቀን በቀን” የተሰኘ አልበም ለሙዚቃ አፍቃሪያን እንካችሁ ሊለን ነው፡፡

አብርሃም በላይነህ በሥራዎቹ የአገራችንን ባህልና አዳዲስ ነገሮችን ለማስተዋወቅ የሚጥር ሲሆን በ 2013 ዓ.ም በለቀቀው “ዳርም የለው” ነጠላ ዜማ ከተወዳጁ የኦሮምኛ ድምፃዊ አሊ ቢራ ጋር በመሆን ታሪክን ተጋርቷል ጡሁም ዜማንም አስደምጦናል፡፡ ድምጻዊው በአዲስ አልበሙም ከኤልያስ መልካ ጋር በመሆን የሰራቸው አምስት ሙዚቃዎችና ከሚካኤል ኃይሉ (ሚኪ ጃኖ) ጋር በተጣመረበቻው ሰባት ዜማዎች እንደ ከዚህ ቀደሙ ሁሉ በላቁ ሙዚቃዊ ሀሳቦች ፍቅርን፣ተስፋንና አገራዊ አንድነትን እሴቶችን እና ምክርን አንፀባርቋል፡፡ “ቀን በቀን” አልበም 9 ዓመታትን የዝግጅት ጊዜን የጠየቀ ሲሆን ወንደወሰን ይሁብ፣ መሰለ ጌታሁን፣ናትናኤል ግርማቸው፣ እና አንተነህ ወራሽን የመሳሰሉ የአገራችን የሙዚቃ ሰዎች ተሳትፎ አድርገውበታል፡፡

አልበሙ የፊታችን ታኅሳስ 22 ቀን 2017 ዓ.ም በአብርሃም በላይነህ የዩቱዩብ ቻናልና በመላው ዓለም በሚገኙ የሙዚቃ መተገበሪያዎች ለአድማጭ ይደርሳል፡፡

@waliyaentmt
@waliyaentmt