እንደ አብዱ ኪያር መሆን ካልተሰጠህ በቀር አትችልም
**
መሬት መርገጡ ሁሌም ይደንቀኛል ። ቅለቱ ይስበኛል ። ከድምጻውያን የአብዱኪያርን ያህል ቃለመጠይቁን ሙሉውን ማየት ፣ እኔም ራሴ ቃለመጠይቅ ባደረኩለት የሚያጓጓኝ የለም ። በድምጻዊነት እንደ እርሱ መሆን ፣ ከእርሱም በላይ መሆን ትችላለህ ። ጉሮሮህ ላይ ወዝ ከተሰጠህ በቃ ። እንደ አብዱ መሬት መርገጥ ግን ከድምጻዊነቱ በላይ ከባድ ነው ። ሰውነት ደግሞ እሱ ነው ። ችሎታና ዝናህ ያንተ ነው ። እንደ አብዱ ስትስቅ የአፍህ ቅርጽ ሳያሳስብህ ፣ ስትናገር ያለ Editing ያንኑ ያሰብከውን አድርገህ ፣ ማልቀስ ካለብህ ዝናህ ሳያሳስብህ ፣ ዘና ብለህ ፣ ፈታ ብለህ ፣ ከሁሉ በላይ ዝናህን ጥለህና ሰውነትህን አንስተህ መቆም ከባዱ ስራና ስጦታ እሱ ነው ። የሚሰጥህ ነው እንደ ድምጻዊነቱና ደራሲነቱ ሁሉ ። የተሰራህበት ነው ። ቀድሞ ያለቀ ጉዳይ ነው ። ሌላው ላይ ያማረውን ልብስ ገዝተህና ለብሰህ እንደሚያምርብህ አይደለም ። ባህሪ የልክህ ነው ። አንስተህ መልበስ ነው ። ሰው መክሮህ ወይም መጽሐፍ እንብበህ የምታስተካክለው ጥቂት ነው ።

" ምን ሆኛለሁ ? " መጽሐፍን እንደ ተደራሲ ሳነበው የተሰማኝ ይህ ነው ። ግድየላችሁም አንብቡት ። በሰው ችሎታ እመሰጣለሁ እንጂ አልቀናም ። ሰውነት ያስቀናኛል ። " እሱን በሆንኩ " ያሰኘኛል ። ለዚህ ነው አብዱ ኪያር ሁሌም የሚያስቀናኝ ።

ከጋዜጠኛ ቴዎድሮስ ተክላአረጋይ

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://t.me/waliyaentmt