#kooperatsiya #yordam #mahalliylashtirish #qashqadaryo

⚙️КООПЕРАЦИЯ ВА МАҲАЛЛИЙЛАШТИРИШ МАСАЛАЛАРИ ЎРГАНИЛДИ

📺Қарши шаҳридаги «Буюк турон» кичик саноати зонасида жойлашган “Алп Техно Сервис” МЧЖ томонидан ишлаб чиқарилаётган турли ўлчамдаги телевизор маҳсулотларининг маҳаллийлаштириш даражаси, кооперация алоқалари юзасидан амалга оширилаётган ишлар жойига чиқиб ўрганилди.

📝“Ўзэлтехсаноат” уюшмаси Бошқарма бошлиғи О.Қурбоновнинг сўзлари кўра, бу ерда ҳозирча 2 та лойиҳа амалга оширилган бўлиб, 500 дан ортиқ иш ўрни яратилган. Жорий йил охирига қадар яна 2 та лойиҳа ишга туширилади ва умумий иш ўринлари сони 1 минг 500 тага етади.

✅Ўтган йили фаолият бошлаган “Алп Техно Сервис” МЧЖ йилига 120 минг дона телевизор ва мониторлар ишлаб чиқариш қувватига эга. Корхона JVC, TCL, Zimmer ва бошқа брендларнинг аудитидан ўтиб, шу номлар остида ташқи бозорга чиқмоқда. Ўтган йили 3 миллион доллар маҳсулот экспорт қилинган бўлса, жорий йилда бу кўрсаткични 6 миллион долларга етказиш режа қилинган. Бу ерда 70 та иш ўрни яратилган. Яқинда плата териш ҳамда пластик қисмлар ишлаб чиқариш йўлга қўйилади ва яна 30 та янги иш ўрни яратилади.

⚙️Корхонада ишлаб чиқариш учун зарур бўлган бутловчи қисмларни тўлиқ маҳаллийлаштирилишига эришиш, кооперация йўли билан бошқа корхоналар ўртасида ҳамкорлик алоқаларини ўрнатиш ва кенгайтириш масалалари ҳам муҳокама қилинди.

Ijtimoiy tarmoq sahifalarimiz:
🌐 Facebook 🌐 Telegram 🌐 Instagram 🔻 Youtube