➡️ #Xitoy

⚡️ 1-iyundan Xitoyga vizasiz borish mumkin

Oʻzbekiston va Xitoy oʻrtasida oʻzaro vizadan ozod qilish toʻgʻrisidagi hukumatlararo Bitim (Chendu, 2024-yil 1-dekabr) kuchga kirishi uchun davlat ichki protseduralari tugallandi. Bu haqda TIV maʼlum qildi.

Koʻrsatilgan xalqaro shartnomaning qoidalariga binoan, Bitim 2025-yil 1-iyundan eʼtiboran kuchga kiradi.

Bitim Oʻzbekiston va Xitoy fuqarolarining ikki davlat hududiga oʻzaro vizasiz safarlariga doir masalalarni tartibga soladi.

Bitimga muvofiq, Tomonlar davlatlari fuqarolari ikki davlat hududlariga kirish, undan chiqish yoki tranzit qilish uchun har bir alohida boʻlish muddati 30 kundan oshmaydigan muddatda va har qanday 180 kunlik davr ichida jami 90 kundan ortiq boʻlmagan muddatda viza talablaridan ozod qilinadi.

Vizasiz rejim mehnat faoliyati, oʻqish va media faoliyati bilan shugʻullanish, shuningdek, boshqa Tomon vakolatli organlarining oldindan roziligini talab qiladigan boshqa turdagi faoliyat bilan shugʻullanishga nisbatan tatbiq etilmaydi.

🌐 UZELTEXSANOAT | Telegram

➡️ #AKFA_BUILD

⚡️ Qirg'iziston Respublikasi Prezidenti Sadir Japarov AKFA BUILD kompaniyasi mahsulotlari sifatini yuqori baholadi

➡️ Qirg‘iziston Respublikasi Prezidenti Sadir Japarov ishchi tashrifi doirasida Jalolobod viloyatida joylashgan ko‘p qavatli turar-joy majmuasi — “Asman Residence-1” (639 ta xonadon)da bo‘lib o‘tgan kalit topshirish marosimida ishtirok etdi.

➡️ Ushbu yangi massivda AKFA BUILD kompaniyasining qattiq yoqilg‘ili qozonlari o‘rnatilgan bo‘lib, bu issiqlik tizimlari aholi uchun zamonaviy va ishonchli hayot sharoitlarini ta’minlamoqda.

➡️ Prezident Sadir Japarov mazkur inshoot bilan tanishish chog‘ida AKFA BUILD mahsulotlari bilan ham yaqindan tanishdi va ularning sifatini yuqori baholadi.

➡️ “O‘zeltexsanoat” uyushmasi a’zolari xalqaro bozorlarda faol ishtirok etmoqda, AKFA BUILD kompaniyasi esa Qirg‘izistondagi yirik ijtimoiy qurilish loyihalarida ishonchli hamkor sifatidagi roli mustahkamlanib bormoqda.

🌐 UZELTEXSANOAT | Telegram

➡️ #kun_hikmati #iqtibos



Muammo — muammo sifatida qaralganda emas, balki imkoniyat sifatida qaralgandagina hal bo‘ladi.

JON KENNEDI

🌐 UZELTEXSANOAT | Telegram

➡️ #london_metall_birjasi

📊 13-may kuni bo'yicha jahon bozoridagi rangli metallar savdosiga oid statistik ma'lumotlar bilan tanishing.

⚡️ Ma'lumotlar LONDON metall birjasi va investing.com platformasi ko'rsatkichlariga asosan tayyorlandi.

🌐 UZELTEXSANOAT | Telegram

➡️ #Energy_Week_2025

⚡️ “Uzbekistan Energy Week – UEW 2025” doirasidagi intervyular

➡️ Shu kunlarda Toshkent shahrida bo‘lib o‘tayotgan “Energy Week-2025” xalqaro forumi doirasida O‘zbekiston elektrotexnika sanoati vakillari o‘z mahsulot va loyihalarini taqdim etish bilan birga, tadbir yuzasidan intervyu ham berdilar.

➡️ Quyidagi forum ishtirokchilari o‘z fikr va mulohazalari bilan o‘rtoqlashdi:

▪️ Sherzod Shukurov — “Oʻzelektroapparat-Electroshield” AJ bosh direktori o‘rinbosari

▪️ Ma’ruf Tadjiyev — “Nura Group” kompaniyasi savdo bo‘limi boshlig‘i

▪️ Axrorxo‘ja Shamsiddinov — “Oʻzeltexsanoat” uyushmasi boshqarma boshlig‘i

➡️ Intervyularda ishtirokchilar mazkur forumning sanoat, innovatsiyalar va xalqaro hamkorlikni kengaytirishdagi o‘rni haqida so‘z yuritdilar.

🌐 UZELTEXSANOAT | Telegram

⚡️ NOCOMMENT. RUSSIA HALAL EXPO 2025

➡️ O‘zbekiston elektrotexnika sanoatining yetakchi brendlari “Made in Uzbekistan” stendi orqali xalqaro maydonda namoyon bo‘lmoqda.

➡️ KLEO, IDEAL, MONO ELECTRIC, MAGNA, BRANDO va Artikul Aziya Kabel mahsulotlari xalqaro auditoriya e’tiborida.

#NoComment #RussiaHalalExpo2025 #Kazan #MadeInUzbekistan #Uzeltexsanoat #Export #HalalIndustry #Electrotechnics #CentralAsia

🌐 UZELTEXSANOAT | Telegram

➡️ #Russia #Kazan

⚡️ Uyushma korxonalarining xalqaro ko'rgazmadagi ishtiroki Sputnik nashri nigohida

➡️ “O‘zeltexsanoat” uyushmasi boshchiligidagi yurtimiz elektrotexnika sanoati korxonalari ayni kunlarda Rossiyaning Qozon shahrida bo'lib o'tayotgan "Russia Halal Expo 2025" xalqaro ko'rgazmasida ishtirok etmoqdalar.

➡️ Uyushma mas'ul xodimi Domaxin Gleb mazkur ko'rgazmadagi mahalliy korxonalarimizning ishtiroki haqida Sputnik nashriga intervyu berdi.

➡️ U intervyuda O‘zbekistonda ishlab chiqarilgan mahsulotlar ko‘rgazmada xalqaro auditoriyaga taqdim etilayotganini ta’kidladi.

#KazanForum2025 #Uzeltexsanoat #SputnikUzbekistan #MadeInUzbekistan #UzbekExport #NoComment

🌐 UZELTEXSANOAT | Telegram

➡️ #kun_hikmati #iqtibos



Odamlar siz aytgan gaplarni unutadi, qilgan ishlaringizni unutadi, ammo ularga qanday tuyg‘u berganingizni hech qachon unutmaydi.

MAYA ANGELOU

🌐 UZELTEXSANOAT | Telegram

➡️ #london_metall_birjasi

📊 14-may kuni bo'yicha jahon bozoridagi rangli metallar savdosiga oid statistik ma'lumotlar bilan tanishing.

⚡️ Ma'lumotlar LONDON metall birjasi va investing.com platformasi ko'rsatkichlariga asosan tayyorlandi.

🌐 UZELTEXSANOAT | Telegram

➡️ #Frame_Hardware

⚡️ Yangi avlod televizorlarini ishlab chiqarish loyihasi muhokama qilindi

➡️ Kuni kecha “O‘zeltexsanoat” uyushmasiga "Frame Hardware" korxonasi vakillari tashrif buyurdi.

➡️ Uchrashuv davomida mehmonlar tomonidan uyushma mas’ul xodimlariga zamonaviy, yangi avlod televizorlarini ishlab chiqarish va uni mahalliylashtirishga qaratilgan istiqbolli loyiha taqdim etildi.

➡️ "Frame Hardware" vakillari loyiha orqali O‘zbekistonda televizor ishlab chiqarish bo‘yicha yangi texnologiyalarni joriy etish, ilg‘or uskunalarni olib kirish va qo‘shilgan qiymati yuqori bo‘lgan mahsulotlarni mahalliy bozorda hamda eksport yo‘nalishida taqdim etish niyatida ekanliklarini bildirdilar.

➡️ “O‘zeltexsanoat” uyushmasi mas’ul rahbarlari ushbu tashabbusni qo‘llab-quvvatlab, loyiha doirasida amalga oshiriladigan bosqichlar, zarur infratuzilma va hamkorlik imkoniyatlari haqida batafsil ma’lumot berdilar.

➡️ Shuningdek, xorijiy investorlar va mahalliy ishlab chiqaruvchilarga davlat tomonidan taqdim etilayotgan soliq imtiyozlari, bojxona yengilliklari hamda loyihalarni qo‘llab-quvvatlash dasturlari haqida tushuntirish berildi.

➡️ Tomonlar kelgusida ushbu loyihani batafsil ishlab chiqish va amalga oshirish bo‘yicha hamkorlikda ishlashga kelishib oldilar.

➡️ Mazkur loyiha amalga oshsa, nafaqat O‘zbekiston ichki bozori raqobatbardosh televizorlar bilan ta’minlanadi, balki sanoat tarmog‘ida yangi ish o‘rinlari yaratiladi va yuqori texnologiyali mahsulotlar eksport salohiyati oshadi.

🌐 UZELTEXSANOAT | Telegram

➡️ #kun_hikmati #iqtibos



Insonning chinakam boyligi — bu uning yuragidagi yuksak niyatlaridir.

ALISHER NAVOIY

🌐 UZELTEXSANOAT | Telegram

➡️ #london_metall_birjasi

📊 15-may kuni bo'yicha jahon bozoridagi rangli metallar savdosiga oid statistik ma'lumotlar bilan tanishing.

⚡️ Ma'lumotlar LONDON metall birjasi va investing.com platformasi ko'rsatkichlariga asosan tayyorlandi.

🌐 UZELTEXSANOAT | Telegram

➡️ #Mega_Energy

⚡️ Xitoyning "Mega Energy" kompaniyasi vakillari mahalliy kabel sanoati korxonalariga tashrif buyurdi

➡️ O‘zbekiston elektrotexnika sanoatida xalqaro hamkorlikni kengaytirish doirasida, Xitoyning "Mega Energy" kompaniyasi texnik direktori janob Wei Xing boshchiligidagi delegatsiya "O‘zeltexsanoat" uyushmasi mas’ullari hamrohligida “Uzkabel” va “Artikul Aziya Kabel” korxonalariga tashrif buyurdi.

➡️ Mazkur tashrif chog‘ida Xitoy kompaniyasi tomonidan O‘zbekistonda amalga oshirilayotgan yirik energetika loyihasi – Sergeli tumani hududida quvvati 150 MW bo‘lgan BESS (Battery Energy Storage System) tizimini barpo etish loyihasi doirasida hamkorlik qilish masalalari muhokama qilindi.

➡️ Jumladan, loyiha ehtiyojlari uchun DC kabellar hamda 35 kV kuchlanishli elektr kabellarini yetkazib berish yuzasidan aniq takliflar ko‘rib chiqildi.

➡️ Tashrif davomida mehmonlar korxonalarining ishlab chiqarish jarayonlari, texnologik imkoniyatlari, mahsulot turlari va sifat nazorati tizimi bilan yaqindan tanishdi.

➡️ Mahalliy korxonalar tomonidan xalqaro standartlarga javob beruvchi mahsulotlarning mavjudligi xitoylik hamkorlarda katta qiziqish uyg‘otdi.

➡️ Uchrashuvlar yakunida tomonlar o‘zaro manfaatli savdo-iqtisodiy hamkorlikni yo‘lga qo‘yish, xususan yuqoridagi loyiha uchun zarur bo‘lgan kabel-sim mahsulotlarini yetkazib berish bo‘yicha amaliy hamkorlik ustida ishlashga kelishib oldilar.

➡️ Mazkur tashrif ikki tomonlama savdo aloqalarini mustahkamlashda muhim qadamlardan biri bo‘lib, yurtimiz elektrotexnika sanoati salohiyatining xalqaro maydondagi ishonchli hamkor sifatida e’tirof etilayotganidan dalolat beradi.

🌐 UZELTEXSANOAT | Telegram

➡️ #kooperatsiya

⚡️ “L&T Construction” kompaniyasi vakillari mahalliy elektrotexnika sanoati korxonalariga tashrif buyurdi

➡️ Saudiya Arabistonining “ACWA Power” investitsiyalari asosida O‘zbekistonda amalga oshirilayotgan muqobil energetika loyihalarining bosh pudratchisi – “L&T Construction” kompaniyasi vakillari “O‘zeltexsanoat” uyushmasi mas’ul xodimlari hamrohligida ChTZ, Elstan va Mega Trans Energy korxonalariga tashrif buyurdi.

➡️ Tashrif doirasida yurtimizda amalga oshirilayotgan yirik energetika loyihalari ehtiyojlari uchun zarur bo‘lgan kuchlanish qurilmalarini xarid qilish bo‘yicha muzokaralar olib borildi.

➡️ Xalqaro miqyosda yirik investitsiya loyihalarini amalga oshirish tajribasiga ega bo‘lgan “L&T Construction” vakillari, korxonalarning ishlab chiqarish jarayonlari, texnologik imkoniyatlari va mahsulot turlari bilan yaqindan tanishdi.

➡️ Uchrashuv davomida tomonlar o'zaro savdo-iqtisodiy hamkorlikni mustahkamlash, kelgusidagi qo‘shma loyihalar va texnik yechimlarni hayotga tatbiq etish borasida fikr almashdilar.

➡️ Mazkur uchrashuv O‘zbekistonda muqobil energetika sohasidagi yirik loyihalarni kengaytirish, mahalliy ishlab chiqaruvchilar salohiyatidan samarali foydalanish va sanoat infratuzilmasini rivojlantirishda muhim bosqich bo‘lib xizmat qiladi.

🌐 UZELTEXSANOAT | Telegram