🗣Termiz shahrida Qurbon hayiti arafasida keng ko‘lamli obodonlashtirish ishlari davom etmoqda

⏺Muqaddas Qurbon hayiti bayrami arafasida yurtimiz bo‘ylab, ayniqsa mahalliy jamoalarda ezgu an’analar asosida hashar va obodonlashtirish tadbirlari o‘tkazilmoqda. Termiz shahrida ham ushbu xayrli ishlar keng qamrovda amalga oshirilmoqda.

⏺Jumladan, bugun erta tongdan shahar hududidagi “Chegara” mahallasida joylashgan tarixiy va muqaddas maskan — “Sulton Saodat” qabristonida umumxalq hashari bo‘lib o‘tdi. Tadbir doirasida qabriston atrofini tozalash, mavjud qabrlarni suvoqlash, yo‘laklarni tekislash, daraxt va butalarni parvarishlash, chiqindilarni chiqarib tashlash ishlari uyushqoqlik bilan olib borildi.

⏺Hashar ishlarida mahalla faollari, nuroniylar, yoshlar, turli soha vakillari va tegishli tashkilotlar xodimlari hamjihatlikda ishtirok etdi. Ularning barchasi Qurbon hayiti kabi ulug‘ ayyomni ozoda, fayzli va muqaddas muhitda qarshi olish maqsadida bir yoqadan bosh chiqarib, fidoyilik ko‘rsatmoqda.

Ayni damda shaharning boshqa qabriston va ziyoratgohlarida ham shu kabi ishlar bosqichma-bosqich davom ettirilmoqda. Bunday sa’y-harakatlar yurtdoshlarimizning o‘zaro mehr-oqibat va hamjihatlikda ezgu an’analarni asrab-avaylash yo‘lidagi yuksak madaniyatidan dalolat beradi.

💬Hashar ishlari davom etmoqda.

🇺🇿Termiz shahar hokimligi Axborot xizmati

✅Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram