በሀገር ውስጥ መዳረሻዎች ብዛት በአፍሪካ የአንደኝነቱን ስፍራ የሚወስደው የኢትዮጵያ አየር መንገድ ለደንበኞቹ ተደራሽነቱን ለማስፋት ከዘመናዊ የክፍያ አማራጮች ጋር የክፍያ ሂደቱን በማስተሳሰር ከኢትዮ ቴሌኮም ጋር ስምምነት አደረገ፡፡ ይህ ስምምነት ደንበኞች ቴሌ ብርን በመጠቀም ባሻቸው ጊዜና ሰአት ለጉዞ ትኬታቸው በቀላሉ ክፍያ እንዲፈፅሙ የሚያስችል አሰራርን እውን የሚያደርግ ነው፡፡ በተጨማሪም የአለም አቀፍ መንገደኞቻችን እስከ 30,000 ብር የሚደርስ ክፍያን ቴሌ ብር በመጠቀም መክፈል ይችላሉ፡፡
#የኢትዮጵያአየርመንገድ

መልካም ዓለም አቀፍ የአብራሪዎች ቀን ለመላው የኢትዮጵያ አየር መንገድ አብራሪዎች!

የኢትዮጵያ አየር መንገድ የአውሮፕላን ጥገና ክፍል ከእስራኤል ኤሮስፔስ ኢንደስትሪስ (IAI) ጋር በጥምረት ቦይንግ 767 የመንገደኛ አውሮፕላንን ሙሉ በሙሉ ወደ እቃ ጭነት አውሮፕላን የመቀየር ስራ በተሳካ ሁኔታ አገባድዷል። በቀጣይ ሁለት ወራት አውሮፕላኑን ሙሉ በሙሉ ወደ እቃ ጭነት የመቀየሩ ተግባር ሲጠናቀቅ የአየር መንገዱ የጥገና ክፍል በአፍሪካ ደረጃ የመንገደኛ አውሮፕላንን ሙሉ በሙሉ ወደ እቃ ጭነት አውሮፕላን የቀየረ የመጀመሪያው የጥገና ማዕከል ያደርገዋል። ይህንን ስኬታማ ክንውን አስመልክቶ በተዘጋጀው ፕሮግራም ላይ በኢትዮጵያ የእስራኤል አምባሳደር ክቡር አምባሳደር አለልኝ አድማሱ ፣ የኢትዮጵያ አየር መንገድ ግሩፕ ዋና ስራ አስፈፃሚ አቶ መስፍን ጣሰው እና ሌሎች ተጋባዥ እንግዶች ተገኝተዋል።